JEMS 4:8 - SHEEYU BAIBEL (BSI)

⁸ Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

JEMS 4:8 Iomraidhean Croise

SHURAI 18:23

Süthaisü Abraham nou Mapao nghiki takouloua noue, “Newo cheche vuzünou acheche mai-a mahmai koa souha bailaiwu?

1 PUOPAOKO 28:9

Ae Solomon hisü puhnou haibüa paoe, “Anahpoutu Solomon, nevei puo Ramai ye sü phoulo, ae nevei tsüle teitei nou peia puh vei kuvah sü sounü shoa soulo; daiolouzü Ramai hai Etao vei tsüchoyu ae jüpayu teitei sü süa baiwe. Nenou puhye phou louzü, puhye sü nenou ngaoloulai, ana nenou puhye thaowulouzü puhnou neye teisa nou thaowua bailai.

2 PUOPAOKO 15:2

ae puhnou Veo Asa ye ve daolai tea tare, alia puhnou haibüa paoe, “Veo Asa, ae Judah alia Benjamin mai hrülai, apai keipeio! Neletao nou Mapao ye koa salai louzü, puhnou neletaoye salai koute peilai. Neletao nou puhye phoulouzü, neletao nou puhye ngaoloulai, ana neletao nou puhye thaowu louzü, puh-a neletaoye thaowua bailai.

JOB VEI LARÜBVÜ 16:17

Ana avei bah nou hashi ali-a soumoe, ale sheesha tea veachi pao-a baie.

JOB VEI LARÜBVÜ 17:9

Tsükhou, khuhao züe tea choyu maitao sü puletao nou kao-a baie tea choloukhai khai-a baire.

JOB VEI LARÜBVÜ 9:30

Phoulya (sabou) nou avei mah sü khüshee louhoe.

LOUTAO 119:113

Tsüle ahaisü souyu maiye Enou ngaora-e, ana Ewo louzü nevei chikha nasü leshi-e.

LOUTAO 145:18

Puhye kua buyu maitao hisü puhnou nghiteia bupeie, puhye cheche-a nou phouyu mai hisü nghiteia bupeie.

LOUTAO 18:20

Mapao nou Eye kaozü thaifüa buu peie, Enou chilee checheyu thaifüa puhnou Eye shiha peie.

LOUTAO 24:4

Phibah sheeyu mai, ae tsüle sheeyu maitao, basharataoye thomoyu maitao, moyuma da-a nou chaachou soumoyu maitao noulai.

LOUTAO 26:6

Mapaowo, avei mah ha-e tea E abah dzüteiwe, ae nevei posheelabu pehao hinou tasühao-a neye thowe.

LOUTAO 51:10

Oh Ramai, sheesha touyu lüthou ali Eye soupeio, ae tsüle ashu ae nevei khakhe hinou hrülou süyu rako ali Eye peio.

LOUTAO 73:13

Enou ale shisha-a teanou buyu ae mahmo ali-a soulai moe tea buyu hai hamako baiyu phare.

LOUTAO 73:28

Ana Enou Ramai ye nghia buyu hai Eye donou daizhou koute veisarou; Enou Khoukhoulai Ramai Mapao ye sü avei baibu souloure. Ae puhnou soupfü khaitouyu vah haso teitei sü Enou shapaolai!

ISAIAH 13:15

Nülouyu maikhe maiye sü southa bailai.

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

ISAIAH 58:2

Puletao nou teithe tsü Eye phouwe ae aludu süyu donou asawe. Puletao hai checheyu tyahrü aliye alia sheeyu Ramai vei chikhatao sü züyu zhai souwe. Südonou puletao nou acheche hisünou chiku peio tea ahi nou kho-e; ae Eye thoyu sü jüpawe tea paoe.”

JEREMIAH 4:11

Jerusalem maitao hi soushoyu teikhai sü radeiki hilova nou hüpoa nou velai tea paoyu teile sü velaire. Hai nasü kaonaphi tea nou thouba hüpoa tayu teikhai laimoe —

JEREMIAH 4:14

Oh Jerusalem, nevei tsüle hinou hashi khesü dzükhü laiwu-o, süku louzü ne khailu louyu ngaoloulai. Teile kasho koute ne sü mah vei tsücho-a bulaige?

DOPFÜYU 3:57

Nenou Eye chila peie ae Eye ngaopiso tea ahi paopeie.

EZEKIEL 18:31

Neletao nou vah ashi soua buyu teitei thaokhaiwu-o, ae neletao tsüle ashu nasü polo. Israel maitaore, neletao daisounou thai nüwe?

ZEKHARIAH 1:3

Südonou puletao hi haibüa paopeio: “Ahi dakhai velo, sütoulouzü E-a puletao hi dakhai vepeilai,” tea Khoukhoulai Mapao nou paoe.

MALAKAI 3:7

Neletao vei puopao vei teile hinou poa zhou koute hai achikha hinou tarei tare, alia avei chikha hai zükhai more. Ahi dakhai velou-o, alia Enou neletao hisü dakhai velai,” teanou Hrülai pei hi Mapao nou paoe. Ana neletao nou paoe, “Kakua Etao dakhaive khailaige?”

MATHIU 12:33

“Avei rashi ngaoloure donou neletao nou boh veiyu süübe buvu zülai; neletao vei boh shiyu süübe bulouzü, neletao nou ashi rashi ngaolou bailai; daiolouzü süübe aliye sünavei rashi hinou sheelou baiwe.

MATHIU 15:2

“Daidonou ne rozümaitao hai Eh puopaomai zhai zümoe? Daiolouzü puletao nou touyu kisü bahdzü teimoe!”

MATHIU 27:24

Südonou puh nou souyu hai maikhe maiye soubvüro shoyu likhei baideinou kukhe halia zhiyu hare touyu sü ngaoloua, Pilat nou dzü poloua ea maisou nghojünou bahdzü teiloua paoe, “Acheche mai haina vei athai vanou Apei hi mah hae! Haihai neletao vah baie!”

SEI-ATAMAI VAHTAO 15:9

Puhnou Eletao ea puletao kole hisü halia souku peimoe; daiolouzü lü vanou puhnou puletao lesü soushee peire.

2 KORINTHMAI 7:1

Asamaitao, apaopeiyu haitao sü Eletao hi soupei khaitoue. Südonou pfüphao moa rakoye souhao peiyu ha teitei hinou lah Eletao sü sousheeloua bulou laikhe, alia Ramaiye pi-a hrüa Eletao sü shee-a bulou laikhe.

1 TIMOTHI 2:8

Südonou poutumainou buh liki hinou lekha-rarouyu moa zü-veiyu ha-a puletao vei sheeyu bahnou laposhu Ramai hi veachi paoyu sü Enou züpawe.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

EBRIAMAI 7:19

Daiolouzü Moses vei razhainou hataliye southou liche peilou hoe. Alia chuwo vei kouyu areih ali pove peikhaitoua süna vanou Eletaonou Ramai hi tave ngheiloue.

JEMS 1:8

Mapaowo hinou hatali ngaoshu laihie tea chokhaiwu laimoe.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 PITAR 3:21

süsü chu neletaoye khailu peiyu dzükhao dayu sünavei nada alie. Sünasü vasou hi hai khükouyu süna moe, ana süsüwo peikhao leikei-a Ramai hi apaokhai touyu alie. Sünanou neletaoye Jisu Khrista hrishu louyu vanou khailupeie.

1 JOHAN 3:3

Khrista nou sheeyu donou puh hi areih haina buyu mai hrülai nou lah puhye shee-a khailouwe.

1 SAMUEL 14:35

Saul nou Mapao vei posheelabu ali buh sühinou soupeie, ae süna hai puhnou Mapao hi posheelabu soupei raikayu nasüe.