JEMS 4:6 - SHEEYU BAIBEL (BSI)

⁶ Ana Ramai nou peiyu zhuvea sünanou koulihsoua khoupuhie. Haisü sheeyu larübvü hinou paoyu büe, “Khaophu souyu puhye sü Ramai nou nuwe, ana nataiyu puh hisü puhnou puh zhuvea nasü peiwe.”

JEMS 4:6 Iomraidhean Croise

2 PUOPAOKO 32:26

Akhai hi kou Hezekiah ae Jerusalem hinou hrüa buyu maitao hai ledaloua tainou souloure, südonou Mapao vei lekha rarou nasü puletao hi ae Hezekiah hrüa buki sasü vemore.

2 PUOPAOKO 33:12

Puhnou veashoa buyu teile hinou puh sü nataiyu hrü hi kou hrüloua puhvei Ramai Mapao hinou soukha sü khore.

2 PUOPAOKO 33:19

Veo nou veachi paoyu ae Ramai nou puhvei veachi kei peiyu, ae puhnou ledalou mojü mahmo souyu teitei— puhnou vah ashi souyu, cheche moyu rahye thoyu ae Asherah rahpfüpai vei zhurai daoyu ae puhnou basharataoye thoyu veishi sü Rachipaola peiyu maitao Larübvü hi rüthou peikhaitoue.

2 PUOPAOKO 33:23

Puhnou puh puo büa ledaloua Mapao hi dakhai velou more, ana mahmo khesü soupua baire.

2 PUOPAOKO 34:27

nenou ledaloua anghoujü nou tainou souloure, ae Enou nuh teidei hai hinou hrüa buyu maitaoye tudee peilai tea paopi peiyu phaki nenou nevei sabanü paiphawua kra-a ahi veachi paoyu sü Enou chouloure,

JOB VEI LARÜBVÜ 22:29

Ramai nou khaophu souyu maiye souna koulai, alia tainou souyu maiye sü vupeilai.

LOUTAO 138:6

Ne hai kushoa nou buyuma tainou tisoua laiyu maitaoye sü kiko peie, ae khaophou soua laiyu maitao hai ne hinou tutsü louhoe.

LOUTAO 9:12

Veaho-a laiyu maiye Ramai nou licho peie; puhnou puletao vei krayu nasü ngaipei moe, ae puletao hi kaomoa souveayu maiye puhnou tudee peie.

TAPALOUYU 18:11

Chuo Enou Mapao hai ramai kukhe hrülai jünou dupu hie touyu süloure, daiolouzü Puhnou Israel maiye Ejipt mainou souvea buyu hinou khailupa peiwure.”

TSÜCHITAO 15:33

Mapao ye piyu hai ratsü vei doupeiyu alie, alia tainou souyu hai tsükhouyu jünou rai-a tawe.

TSÜCHITAO 18:12

Hakatayu vemojüo mai li le hai maiye ngaohia baiwe, ana tainou souyu nawo tsükhou peiyu jünou ra-a tawe.

TSÜCHITAO 22:4

Tainou souyu alia Mapao ye piyu vei buu louzü tourai ngiyu, khuhaohyu alia hriyu nasüe.

TSÜCHITAO 29:23

Mai livei khaophu nanou puhye ponakou bailai, ana tainouti souyu mai nanou khuhaoyu sü ngaoloulai.

TSÜCHITAO 3:34

Maiye konüyu mai hisü puhnou jühnü showe, anou tainou soumai hisü puhvei jüpa hai ngaopeiwe.

ISAIAH 2:17

Süzhou teithe sü khaophu souyu mai ae vah ashi souyu mai hrülai hai souha khaiwulai. Basharatao-a ngaomo ta-a bailai, alia Mapao ye likhei paosho-a bailai.

ISAIAH 54:7

“Phateile jütouli hai Enou neye sü hulaiwure, ana chuo Enou neye sü leshi shoa podakhai loulai.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

DANIEL 4:37

“Chuo, Nebukhadnezzar Veo, Enou Rakiva Veoye sü tsükhoua puhvei veisodu khesü paoshowe, daiolouzü puhnou souyu vah teitei hai kaoe, ae puhvei ludu nasü züe; alia khaophu soumaiye puhnou sounakou peilou süe.”

MATHIU 13:12

Daiolouzü buyu puh hisü peipulai, sübüa puhnou alaosou buloulai; ana hazheiyu puh hinou puh hi daotu buyu koute-a pota bailai.

MATHIU 23:12

Maita linou lahye lidua bulouzü puhye sü soutaiwulai, alia maita linou lahye litaia bulouzü puhye sü soudu peilai.

LUK NOU RÜYU KO AVEIBVÜ 1:52

Puhnou khou-chihyu vemaitaoye puletao vei vebuh hinou pokoure, alia nataiyu taoyenou pokupa peiwure.

LUK NOU RÜYU KO AVEIBVÜ 14:11

Daiolouzü lah puhye soukuyu mai taliye sü sounalai, alia lahnou natai-a buyu puhye sü souku peilai.”

LUK NOU RÜYU KO AVEIBVÜ 18:14

Enou neletao hi paowe, kukhe maisüna moanou, mai hainawo louzü Ramai nghojünou chi kusheewu-a puh kihi takoure; daiolouzü lah puhye soukuyu mai taye sü sounawulai, alia lahnou natai-a buyu puhye sü souku peilai.”

JEMS 4:10

Neletao lahnou Mapaowo nghojü hinou natai-a bulo, alia puhnou neletaoye pokupa peilai.

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”

1 SAMUEL 2:3

Khao soua laikhaiso; khaophu chi paopu soubaio. Daiolouzü Mapao hai sükhai touyu Ramai-e, ae puhnou maikhe mainou souyu vah veishi chikuwe.