JEMS 4:5 - SHEEYU BAIBEL (BSI)

⁵ Sheeyu larübvü hinou, “Ramai nou Eletao lekhehi pothou khaipeiyu rako nasü chihshoyu züpatao nou phoupei-a bue,” tea paokhai touyu hisü checheyu hae tea chopeiwuso.

JEMS 4:5 Iomraidhean Croise

SHURAI 26:14

Puhnou kikhaorü ae kilai mai alao buyu vanou Philistin mainou puhye ngaorai paloure.

SHURAI 30:1

Rachel nou Jakob hi nahlia napeimoe. Südonou puhnou puh jürai paiye ngaorai-a Jakob hi paoe, “Eye nahmai peio, peimo louzü E thai bailai.”

SHURAI 37:11

Puh jürai maitao louzü puhye ngaoraia bubaie, ana puh puowo louzü süsü kabü laisa tea tsüchoa bue.

SHURAI 38:9

Ana Onan nou tounah haisü puhvei tounah soulai moe touyu süloukhaie, puhnou puh jürai chapfü sazüyu phaki panou nahmai hrümore do souloure.

SHURAI 6:5

Deiphao hi maikhe mainou hrüzüyu ae puletao lekhe hisü tsü sheemoyu khaikho chokoutea buyu Mapao nou zhingaolou khaie,

SHURAI 8:21

Posheelayu kaivei nahai Mapao nou süloua rukha-a lah puh hi haibüa paoe, “Mai vanou deiphao hai Enou chaa peipu khailai more, daiolouzü mai hai, nahle-a buki nou hashi tsücho pare, Enou souhayu büa hrikhaona hrülai hai souhapu laimoe.

LOUTAO 106:16

Maikhe mainou radeiki hinou ta-a buyu teile hinou sheeyu Mapao vei kilai Moses ae Aaron ye sü ngaorai pare.

LOUTAO 37:1

Mai ashi maiye donou tsücho-a leveaso; moyuma vah kaomoa souyu maiye thainüso.

TSÜCHITAO 21:10

Mai ashimai livei tsüle hi louzü hashi sounü koute-a bua baiwe; puletao hisü maiye zhuveayu sü hae.

KOPAODOUWO 4:4

Süthai Enou ngaoe, süolouzü maili vei terouyu alia dokai teitei hai puh kinapa vei thainüyu vanou pawe. Haire-a hamakoe alia teikhaiye thaihuyu ali baie.

ISAIAH 11:13

Israel mai-a Judah maiye ngaoraipu laimoe, ae Judah mainoua Israel maiye souchoropu khailai moe.

MAIPEI PHOUYU 11:29

Moses nou chila peie, “Ne Eye donou puhaiye ngaoraivu? Mapao nou puhvei rako hai puhvei mai hrülai hi thoupeiwua puletao hai rachipaola peiyu mai büa buyu sü Enou jüpa-e!”

MAIPEI PHOUYU 23:19

Ramai hai mai büa da-a moe; ae mai büa puhvei tsüle hai da chamoe. Puhnou paokhai touyu thaifüa puh hai soua baiwe, ae puhnou chi paokhai touyu nasü vete-a baiwe.

JOHAN 10:35

Sükulouzü Ramai chipao peikhai touyu puletaoye puhnou ramaitaoe tea kulouzü sheeyu larübvü hinou paokhai touyu sü soukho louhoe.

JOHAN 19:37

Alia sheeyu larübvü buh kukhe ali hinou paoe, “Puletao nou heung nou khüyu puhye sü puletao nou zhulai.”

JOHAN 7:42

Sheeyu larübvü hinou Khrista hai David khü hinou, alia David nou hrüyu nuh Bethlehem hinou velai toumowu?”

SEI-ATAMAI VAHTAO 7:9

“Alia puo-pao maitao nou Josef ye ngaorailoua puhye sü Ejipt teidei hi zhothoure; ana Ramai nou puhye kozhoa bue,

ROMMAI 1:29

Puletao hisü ashitya tyalinou phoupei loure, süolouzü: ashi, loküyu ea linou lihi ashi souyu bue; puletao sü maiye ngaoraiyu, maiye southeayu, tai-da vayu, maiye layu ea kukhemai pei hi ashi shilai chokhai peiyu sü bue. Puletao nou mai chi kuwe,

ROMMAI 9:17

Daiolouzü sheeyu larübvü nou Pharaoh hi paowe, “Nenou Akhouko pongaore donou ea deiphao teitei hi Azhih hai paongao peire donou Enou neye panou veo souloue.”

1 KORINTHMAI 6:19

Nevei pfüphao hai ne lekhe hinou hria buyu ea Ramai nou nehi peikhai touyu Rako Mashi vei rathoki nasüe touyu sü ne sümowu? Neletaowo lah neletao vei moe ana Ramai vei baie,

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

GALATIAMAI 3:8

Alia lü vanou tahrüh kukhemai taoye sü Ramai nou souzü peilai touyu sü sheeyu larübvü nou raia paopa peire, alia Ko Avei nasü raia Abraham hi haibüa süngaopeie: “Ne vanou tahrüh hrülaiye hapeilai.”

TITA 3:3

Daiolouzü lah Eletao-a teileli hisü voe, paoyu zübae ea madae. Eletao sü vasou züpa ea deiphao hi va-sayu tyatyali vei qilatao soue. Eletao sü maiye ngaoba-ngaorai-a hrüe; mai kukhenou Ehye ngaobae ea Ehnou-a puletaoye ngaobae.