JEMS 4:3 - SHEEYU BAIBEL (BSI)

³ Alia neletao nou khoyu kisü, süsü neletao nou ngaolou moe, daiolouzü neletao vei leli taosü veimoe; neletao nou lah neletao valoure hi seiloure na sütao donou khobaiwe.

JEMS 4:3 Iomraidhean Croise

1 VEMAITO 3:11

ae puhnou Solomon hi paoe, “Nenou hrüh shoyu moa hangiyu moa ngaoba zhuba maitaoye panou thaire khoyu thaosü, haibüa maikhe maiye kaozü hinou khasa-a hrüloure vei ratsü kholouyu vanou,

JOB VEI LARÜBVÜ 35:12

Puletaoye soukha peio tea kra-a nou khowe, ana Ramai nou kei peimoe, daiolouzü puletao hai khaophu soua ashi vah souyu mai baie.

LOUTAO 18:41

Soukha peio tea puletao nou kra-a khowe, ana puletaoye sü maili noua vupa peimore; puletao nou Mapao ye ku-e, ana puhnou puletao vei khoyu nasü keipei more.

TSÜCHITAO 1:28

Süphaki nenou Eye kulai, sükuyuma Enou chila peilai moe. Lenousou-a nenou Eye phoutalai, sükuyuma nenou Eye ngaolou laimoe.

TSÜCHITAO 15:8

Mai ashimai livei posheelayu hai Mapao nou ngaora-e, ana mai veiyu livei veachi sü puhnou jüpae.

TSÜCHITAO 21:13

Touha mainou krayu pai kei bayu mai nawo puh-a vuli kra palai, ana mai linoua puh pai sü kei peilai moe.

TSÜCHITAO 21:27

Mai ashimai nou posheela peiyu hai Mapao nou ngaora-e, puhnou ashi tsücho-a pove peiyu-a ngaorapu hie.

JEREMIAH 11:11

Südonou chuo Mapao Enou puletao pei hi hashi pfüve peilai, ae sühisü puletao nou turei palou laimoe. Puletao nou shusoua Eye la-a soukha khoyuma, Enou kei peilai moe.

JEREMIAH 11:14

Jeremiah, mai haitao donou ahi veachi paoso, moa puletao thaosou-a ahi halia khoso. Puletao nou veahoyu vedao-a ahinou soukha khoyu teile hisü, Enou kei peilai moe.”

JEREMIAH 14:12

Puletao nou tovai rei-a lüa ahinou soukha peio tea veachi paoyuma, Enou kei peilai moe, ae puletao nou poukai nüvei meidei-a Eye posheela pei-a buyuma Enou popeilai moe. Ana Enou puletao hi khoche, tokaayu ae sounou ashi sünou seive souhalai.”

MIKAH 3:4

Neletao nou Mapao hi kra khoyu teile sü velaire, ana puhnou neletaoye chila peilai moe. Puhnou neletao vei veachi sü keipeilai moe, daiolouzü neletao nou vah ashi sü soure.

ZEKHARIAH 7:13

Enou kuyu phaki, puletao nou keipei bare, südonou chuo puletao nou Eye kuyuma, E-a keipei laimoe, teanou Khoukhoulai Mapao nou paoe.

MATHIU 20:22

Ana Jisu nou nahpoutu haihi chila peie, “Nelenou dai khosa touyu nelenou sümoe, Enou külaiyu paina hinou nele-a pokülou süwu?” Puhainou chila peie, “Ovai Ehnou pokü lousüe.”

MARK 10:38

Jisu nou puhaihi paoe, “Nelenou dai khowe touyu nelenou sümoe. Enou kü vuzülaiyu veare pai nasü nele-a pokülou süwu? Molouzü Eye dzükhao davuzü laiyu zhai hinou nele-a dzükhao dalou süwu?”

LUK NOU RÜYU KO AVEIBVÜ 11:10

Daiolouzü khoyumai talinou ngaolouwe, alia phouyu puhnou daolouwe, alia kikhu khoua buyu puh hisü houthou peilai.

LUK NOU RÜYU KO AVEIBVÜ 15:13

Teile phajü thaisü napu sünanou puhvei buyu kini teiteisü podzüloua ea sünasü pfüloua doushoyu teidei alihi veitare, alia sühinou puhnou puhvei kini taosü kao-zümoyu hrü hinou chaochaosoua souha khaire.

LUK NOU RÜYU KO AVEIBVÜ 15:30

Ana ne nahpoutu hainanou nevei kinisü khakhapfü taoye koa touloua khaiveyu kisü, nenou puhye donou vasou avei veilai chotuo nasü dathea peiwe!’

JEMS 4:1

Neletao hrohi züva-davayu teitei hai daikinou vewe? Sütaosü neletao lekhe hinou thaokhaimoa reih züa buyu neletao nou pfüphao hilo vayu züpayu sühinou vewe.

1 JOHAN 3:22

Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.

1 JOHAN 5:14

Eletao sü Ramai nghojünou khuvei-a bue, daiolouzü Eletao nou süvuzüe süolouzü puh leli thaifüa hatali Eletao nou puh hinou kholouzü puhnou Eletaoye keipeie.