JEMS 4:11 - SHEEYU BAIBEL (BSI)

¹¹ Athaihou jürai khemai, alinou li pei hi chishi paowuso. Thaihou jürai chi paoshiyu moa thaihou jüraiye chikuyu maitalinou razhaiye paoshiwe ea sünaye chikuwe. Ana nenou razhaiye chiku louzü, ne sü razhai chi züyumai more, ana sünaye chiku-apeio nasüe.

JEMS 4:11 Iomraidhean Croise

LOUTAO 140:11

Dahrührüa maiye poshiyu maiye sü panou veilouyu ngaoso; zhaipou shiyu maiye sü panou ashi hinou veiloua puletaoye sü souha peio.

LUK NOU RÜYU KO AVEIBVÜ 6:37

“Mai kukheye chi kuso, alia neletaoye chi kulaimoe; maiye mah dukhaiso, alia neletaoye mah dukhai laimoe; maiye khaipeikhaio, alia neletaoye khaipeilai.

ROMMAI 2:1

Südonou O Asa, newo kukhe maiye chi kuwu? Ne sü maitalikhaia, neye donou halia khaipeire hae. Daiolouzü nenou maiye chikulukhu puletao nou souyu sübütoua nenou soubaiwe, sübüa nenou lah neye mah paodu khaiwe.

ROMMAI 2:13

Daiolouzü Ramai nghojünou checheyu maitao hai razhai keilouyu maitao moe, ana cheche maiwe tea paopeire maitao hai razhainou paoyu süna souyu maitaoe.

ROMMAI 7:7

Sübüyu thaisü Eletao nou razhai hai mah-e tea polaiwu? Süsü movuzüe! Ana mah hai daisa touyu Eye panou sülouyu sü razhainou baie. Razhainou, “Ne maivei züpa laimoe,” tea paomo louzü haibüyu züpayu sü Enou süpaimoe.

1 KORINTHMAI 4:5

Südonou kao-züyu teile vemo koute sü neletaowo maitali pei hia chi kuso. Mapao vemo koutesü akhai chikuyu nasü khoa bulai; puhnou chu teizhi hinou kheia buyu taosü avahi popalai ea emai le hinou pokukhai touyu taosü paopa ngaolai. Alia sükinou mai hrülainou Ramai hinou lah lahye paosho peire sü ngaolai.

2 KORINTHMAI 12:20

Daiolouzü Enou velouzü neletaoye Aleli büa ea neletao nou Eye neletao vei leli büa ngaolou paimoe tea Enou piwe, alia sühisü züvayu, maiye ngaoraiyu, lekhayu, loküyu, maiye sou ahrao peiyu, mai chi paoshiyu, khaophu souyu ea bvüroyu haitao hai ngaolou shulai tea Enou ngaopiwe.

EPHESAMAI 4:31

Neletao hrohinou khataoyu, züsüyu, rarouyu, shusoua züvayu, maichi paoshiyu ea maiye ngaoba-ngaoshiyu teiteisü thaokhaiwuwo,

1 TIMOTHI 3:11

Sübüa puletao vei chapfümaitao-a naotu khekaipfü souvu zülai, maichi-maila paoshi laimoe; ana kao-zü cholousü-a ha teitei hinou maiye panou louchelou veiyumai soulai.

2 TIMOTHI 3:3

leshilou sümoyu, maiye khaipeilou hoyu, maichi-maila paoshiyu, lahye tukhalou sümoyu, ssü shiyu, avei naye ngaorayu,

TITA 2:3

Süzhaibüa, naotu tsümaitaohi-a puletao nou hrüyu zhaido hisü panou tsükhou loure doupeikhaio. Puletao hai maichi paoshimai soulaimoe moa darkha zhaoh qila soulaimoe, ana puletao nou avei nasü doupeilai,

JEMS 1:16

Leshiyu Athaihou jürai maitao, panou lawuso!

JEMS 1:19

Leshiyu Athaihou jürai khemai, haisü sülouwo! Maikhemai hrülainou chouyu hinou thayu, ana chi paoyuhi ea lekhayu hisü shosho souyu souloukhaio,

JEMS 1:25

Ana maitalinou do soupeiyu licheyu razhaina hisü zhuloua sühisü thaokhaimoa le peitoua keiloua ngaiwuyumai soumoa süna souyumai soulouzü, mai sünaye sü puhnou soupfüyu hisü Ramai nou hapeilai.

JEMS 2:8

Neletao nou sheeyu larübvü hinou ngaolouyu, “Lah nenou neye leshiyu büa nevei kinapaye leshilo,” touyu vedei vei razhai nasü züloure toulouzü neletao nou vei-a souloure.

JEMS 5:10

Athaihou jürai maitao, Mapaowo zhih hinou chi paopei-a buyu rachipaola maitaoye sü lichokhaio. Puletaoye sü veahoyu hinou shamea louyu zhai alisoua polo.

JEMS 5:7

Südonou, thaihou jürai khemai, Mapao vemo koutesü shamealo. Zhukhaio, tatamai alinou dei vei muhteiyu rashithou sü zhia, sünanou teirü araina ea teirü nana ngaomo sasü shamea-a kho-a bue.

JEMS 5:9

Athaihou jürai khemai, Ramai nou neletaoye chiku more donou neletao alinou li pei hi nolealeaso; zhukhaio, chiku-apeio sü kikhu hinou la-a bure.

1 PITAR 2:1

Südonou neletao nou ashi teitei, amada teitei, aveikho souyu teitei, maiye ngaoraiyu teitei moa maiye sou-ahraoyu chi paoyu teiteisü thaokhaiwuwo.