JEMS 3:9 - SHEEYU BAIBEL (BSI)

⁹ Eletao nou hainaye posei-a Eletao Mapao ea Puoye kalo paowe, alia hainasü posei-a Ramai zhurai hinou soukhai touyu maikhe maiye chawe.

JEMS 3:9 Iomraidhean Croise

SHURAI 5:1

Haihai Adam vei tyaosholea ko rüthouyu larüe. Ramai nou maiye souyu phaki, Puhnou mai hai Ramai zhuh rai hinou soupeie.

SHURAI 9:6

Ramai nou Ehmai hai puh zhuh rai hinou soupei khaitoue, südonou maita linou-a mai ali southare toulouzü puh-a southalai.

2 SAMUEL 16:5

Veo David nou tapoa Bahurim hi veyu phaki, Saul veo vei tyaraimai alinou kijü tapaloua puhye chaa-a lukhu chuh nou deipeie. Puh zhih hai Gera nahpoutu Shimei toue.

2 SAMUEL 19:21

Süthaisü Zeruiah vei nahpoutu Abishai nou paoe, “Ramai nou theadzü napeiyu veo ye chaayu vanou Shimai ye southayu sü kao-a baie.”

1 PUOPAOKO 29:10

Maisou vejüa buyu nghoujünou David veo nou haibüa Mapao ye paoshoe, “Oh Etao puopaoh Jakob vei Ramai Mapao, neye sü teisa nou paosholai!

1 PUOPAOKO 29:20

Süthaisü David nou maisou hisü paoe, “Neletao Ramai Mapao sü paosho khaio!” Maisou nou puletao vei puopaoh Ramai Mapao sü paosho-e, ae puletao nou pei pfüa nakou Mapao sü tsükhou-e alia veo-a tsükhoua khurü peie.

LOUTAO 10:7

Puletao vei mü hisü chaayu, dayu ae pirayu nou phoua bue; puletao hai chi ashi ae kaomoyu chi-la paoyu hai thashoe.

LOUTAO 108:1

Oh Ramai, avei tsüle veishi nou peia neye louchewe! Enou lou soulai ae neye paosholai! Arako, tashulo!

LOUTAO 145:1

Oh avei Ramai ae veo, Enou nevei duso nasü paosholai. Enou neye teisa nou kalo paolai.

LOUTAO 145:21

Enou Mapao ye sü teisa nou paosholai, puhvei sheeyu zhih nasü panou hrikhaona hrülaiye paosholo.

LOUTAO 16:9

Südonou Enou asa-a puhye kalo paowe, ae pei hiyu lia ha-a nou vaphi tea bue,

LOUTAO 30:12

Südonou E ngasoua bulai moe; Enou neye lou sousholai. Oh Mapaowo, ne hai avei Ramai-e, Enou neye teisa nou kalo pao-a bulai.

LOUTAO 34:1

Enou Mapao kalo pao-a bukou telai, Enou puhye teisa nou paosholai.

LOUTAO 35:28

Süthaisü Enou nevei acheche nasü shapaolai, ae Enou neye teisa nou paosholai.

LOUTAO 51:14

Eye khailupa peio, Oh Ramai, avei hrümamai sü vupa peio, ae Enou nevei acheche nasü shusoua shapaolai.

LOUTAO 57:8

Arako, tashulo! Tashulo, poa lou souyu avei basei natao, Enou teithepa laiyu phaki kaishu peilai.

LOUTAO 59:12

Puletao vei mü hinou paopayu mah, ae puletao vei mütai hinou paopayu chipaotao; puletaoye khaophu souyu sho-rü hinou pa mulouyu sü soupeio! Puletao nou maiye chaayu ae dahühüa laiyu donou.

LOUTAO 62:4

Neletao nou puhye sü tsükhouyu buh hinou pokou peiyu likhei jüpa-a bubaie, neletao hai darua laiyu nasü jüpa shoe. Neletao mü hiolouzü shiha peiyu chipao khesü paowe, ana lekhevai-o chaa pei baiwe.

LOUTAO 63:4

Enou hria buki sasü ne hi kalo pao-a bulai, abah lapoa nou ne hi veachi paolai.

LOUTAO 71:24

Enou nevei acheche nasü teisa nou paolai, daiolouzü Eye soushilai tea laiyu maitaoye sü nenou hraongu soupeie ae soukanghi khaipeie.

KOPAODOUWO 7:22

Nenou maikhe maiye bakha alao chaa peiwure touyu sü ne lah süwe.

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

MATHIU 26:74

Süpha hinou Pitar nou paoe, “Enou chouwe, süolouzü Enou chekhaoa paoe! Sükumo louzü Ramai nou Apei hi tudee peitheo! Ewo mai sünaye sükhai moe!” Sübü hinou houjü alinou khaopare,

MATHIU 5:44

Ana chuo Enou neletao hi paowe: neletao ngaobamaiye leshilo ea neletaoye souvea-souhomaiye donou veachi paopeio,

SEI-ATAMAI VAHTAO 2:26

Südonou Alesü sashowe alia Amali nou vashoyu chipaowe; Sübaimoa Apfüphao-a puhye zhia hrülai.

ROMMAI 3:14

puletao mü hai khayu chaanou phoua bue.

1 KORINTHMAI 11:7

Poutumai ali donou puhpei doyu matsü hae, daiolouzü puhsü Ramai vei zhu ea khouko ava baie. Ana naotumaiwo poutumai vei khouko ava baie.

EPHESAMAI 1:3

Eletao nou Ramai ea Eletao Mapao Jisu Khrista Puoye kalo paolaikhe! Daiolouzü Eletao nou Khristaye koa ali soulouyu hinou puhnou Eletao hi raki buhtaohi buyu rako hilovei ha teitei sü peiwu-a Eletaoye hapeire.

JEMS 1:27

Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.

JEMS 3:10

Mü ali hinou kalo paoyu chipao ea maiye chayu chipao pawe. Athaihou jürai khemai, haisü haibüa soukhailai moe!

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

CHIKUAPEI MAITAO 9:27

Puletao nou darkha peida hinou ho darkhashi hailoua pove darkhadzü süloure alia nüh nüre. Puletao nou puletao vei rathoki hinou touso zhiloua tave Abimelek ko sü paoshia konü peie.