JEMS 3:2 - SHEEYU BAIBEL (BSI)

² Daiolouzü Eletao hrülai nou phabu sanou soumah baiwe. Ana maitalinou puhnou chi paoyu hi hakia paomah khaimore toulouzü, puhsü lichere ea puhnou puhvei hrümai teitei-a khangilou süre.

JEMS 3:2 Iomraidhean Croise

1 VEMAITO 8:46

“Nevei maikhe mainou ne nghoujü nou mah soulouzü — ae mah soumoyu mai aliro hazeire toulouzü — ae nevei lekha rarou hinou puletaoye panou ngaobamai nou veiloua puletaoye doushoyu teidei hi hukhamai soua nüpoho khailouzü, sübüa teidei süna hai doushoa buyuma,

2 PUOPAOKO 6:36

“Nevei maitao nou ne jüphi soua kaomoyu vah haso soulouzü, ae mahmo soumoyu mai ali-a ha-a nou nevei lekha rarou hinou nevei maitaoye ngaobamai vei bah thoupeiwua puletaoye hukhamai soua teidei kukhe hi nüpoa tayuma,

JOB VEI LARÜBVÜ 15:13

Ne Ramai pei hi rarou-a puhye paoshiwe.

LOUTAO 34:13

Sütao hai jüpawe toulouzü, chi la ashi paoso, ae dayu chi paoso.

LOUTAO 39:1

Enou paoe, “Avei müli ye panou chi pao mah more donou E soutaosoua nou hrülai; mai ashi mainou anghiki buyu phaki E chi ali koute-a raolai moe.”

TSÜCHITAO 10:19

Nenou chi alao paolouzü, ne sü mah soupu louveie, ana mü tukhalou mai nasü tsüveiyu mainae.

TSÜCHITAO 13:3

Lah müye tukha louyu mai sü lahvei hrü hai vulouwe; chaochao soua chi paoyu maisü lahvei hrü hai souhaloua baie.

TSÜCHITAO 20:9

Thaonou “Avei tsüle-o soushee loure; Ewo mah hinou sheeshare” tea paolou süge?

TSÜCHITAO 21:23

Kaozhou ashi ae veahoyu sü daolai moe toulouzü, soutaosoua ne lah mü-li sü tukhalo.

KOPAODOUWO 7:20

Vuhzünou deiphao hi mah soukhai timoa vah avei souyu acheche mai li-a hae.

ISAIAH 64:6

Etao mai hrülai nou sheemore, ae Etao nou acheche vah souyu teitei-a sheemoyu sah ali büre. Etao mai hrülai sü süünghou ali büa paitare, ae Etao vei mahmo sünou Etaoye sü teikhai nou süünghou hülaiyu büa hüpoa tare.

LEVIMAI LARÜBVÜ 13:39

napao nou mai sünaye sü zhulai. Hakinou zhimü süna hai sübüa hee hinou ka-a buyu likhei bailouzü, süsü hee hinou chaatao-a baie, mai süna hai naanou hinou shee-a baie.

MATHIU 12:34

Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe.

MATHIU 12:37

Daiolouzü nevei chipaotao vanou neye souzü peilai, alia nevei chipaotao vanou neye mah dukhailai.”

ROMMAI 3:10

Haisü sheeyu larübvü nou paoyu kue: “Chechemai ali-a hae, alikhei-a hae,

ROMMAI 7:21

Südonou razhai hainanou vah soua buyu sü Enou ngaoloue: Süolouzü Enou aveina sounüyu kisü, ashi nanou Eye koa bubaie.

1 KORINTHMAI 9:27

Ana Enou Apfüzhoye tukhatsü loua sünaye sü panou Akharo khehi khaibaiwe, sübümo louzü kukhemai hi paodou peiyu thainou Esü züdoumo bailai.

GALATIAMAI 3:22

Ana sheeyu larübvü nou paoe süolouzü deiphao teitei hai mah khakhehi butare; alia sübüa Jisu Khristaye lü-loucheyu vanou apaopei khaitouyu kaa nasü louche louyu puletao hi peilai.

GALATIAMAI 5:17

Daiolouzü vasou züpa sünanou Rakoye motouwe, alia Rako züpa sünanou vasouye motouwe: daiolouzü neletaoye panou neletao züpasü soulou more donou sühaisü alinou liye motouwe.

KOLOSSEMAI 1:28

Südonou Ehnou maikhemai hrülaihi Khristaye paodouwe. Ehnou mai aliliye Khrista hinou licheyu maitao soua Ramai nghojühi save khaipeire donou ratsü teitei noupu puletaoye tukhapei-a doupeiwe.

KOLOSSEMAI 4:12

Neletao me hinou ali soua buyu ea Khrista Jisu kilai ali soua buyu Epaphras hinou khurüyu chidoh seivewe. Puhnou neleye panou Ramai leli teitei hinou liche-a ea chekhoua laloure donou lenoushoa veachi pao-a teisanou neletaoye lichowe.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

JEMS 1:26

Maitalinou puh hai rahrüzhai veishoa tae tea chowu? Puhnou puhvei malisü tukhatsü khaiwu molouzü, puhvei rahrüzhai nasü hakobaie ea puhsü lah puhye labaiwe.

JEMS 1:4

Neletao nou liche-a, chekhoua ea halia chemoyu ha-a buloure donou, neletao vei shameayu sünaye panou neletaoye ha teitei hinou veikhai loure souvu zülai.

JEMS 2:10

Daiolouzü maitalinou razhai teiteisü reiloukhaia, ali hinou mahwu louzü sütao teiteisü soukhowure.

1 PITAR 3:10

Daiolouzü sheeyu larübvü hinou haibüa paoe, “Hrümaiye leshiyu ea avei teithe ngaonü-a buyu puhye panou ashi chi ea amada chi paore hinou khalou khaio.

1 PITAR 5:10

Ana neletao nou phajütou veayu thaisü, Khrista hinou neletaoye puhvei teisa khouko ava zha panou ngaozhore donou kulouyu, zhuvea pfüphou vei Ramai puhnou neletaoye southou liche peiwu-a soutsü, soukhou ea soula peilai.