JEMS 3:17 - SHEEYU BAIBEL (BSI)

¹⁷ Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

JEMS 3:17 Iomraidhean Croise

1 VEMAITO 3:12

nenou khoyu nasü Enou ne hi peilai. Raichoki hrüa buyu maitao alia haithai naki hrüve laiyu maitao jünou la-a Enou neye sü ratsü ae tsüdo aveih hai peilai.

1 VEMAITO 3:28

Israel maitao nou Solomon vei chidei sünasü choulouyu phaki, puletao nou puhye sü tsükhou shore, daiolouzü Ramai nou puh hi kaozü hinou soupfü loure vei ratsü hai peiwe touyu sü süloure.

1 VEMAITO 3:9

Südonou aveih ashi sükuloure ae kaozü hinou nevei maitaoye khasa-a hrülou süyu vei ratsü sü nekilai ahi peio. Sükumo louzü nevei mai haizhou buyu sü Enou kabüa khasa-a hrülou khailaige?”

1 PUOPAOKO 22:12

Alia neye sü Ramai Mapao panou tsüdo aveih ae rahtsü sü peia puhvei chikha thaifüa Israel maiye khasa-a hrülouyu sü soulou theo.

1 PUOPAOKO 22:9

Anou puhnou ahi haibüa apaopeikhai touyu bue, ‘Nevei nahpoutu ali nou teidei sü kaona-a khasa-a hrülai, daiolouzü Enou puhvei teile hisü ngaobayu maitao hrülai hi-a kaonayu sü peilai, puh zhih sü Solomon tea kulai, daiolouzü puhnou khasa-a hrüyu teile hisü Enou Israel maiye kaonayu ae kaozhou veia hrüyu sü peilai.

JOB VEI LARÜBVÜ 28:12

Ana tsüdo ae ratsü hai daikinou ngaoloulai? Etao nou süloure donou buh daiki nou taho douloulai?

JOB VEI LARÜBVÜ 28:23

Tsüdo vei ludu sü Ramai likhei nou sü-a baie, alia tsüdo sü daikinou bue touyu Ramai nou sü-a baie.

JOB VEI LARÜBVÜ 28:28

Ramai nou mai hi paoe, “Tsüdo veiloure donou neletao hai Mapao ye tsükhoulo, alia tsü süloure donou neletao ashi hinou tareilo.”

TAPALOUYU 36:2

Süthaisü Moses nou Bezalel, Oholiab alia Mapao nou soulou süyu dokai thoupeikhai touyu maitao ae vah soukha nüyu maitao sü kuve jüloua panou vah soutare.

TSÜCHITAO 2:6

Daiolouzü Mapao nou ratsü hai peiwe; Puh mü hinou tsüvei ae sükulou süyu nasü pawe.

ISAIAH 2:4

Puhnou tyahrütao kohinou lou chiku peilai, ae maikheye acheche hinou chiku shee peilai. Süthaisü puletao vei khoche hai dathou phou souloulai, ae puletao vei heung sü pothou tatayu shi souwulai. Tyahrü ali nou ali hi soureih soupu laimoe, mokhai-a reih soure donou soudapu khailai moe.

ISAIAH 32:6

Daiolouzü vomai sünou voyu chipao pao-a baie, ae puletao vei tsüle hisü ashi tsü choa ae ashi vah soulai tea bubaiwe. Puletao nou chi paoyu ae vah souyu teitei sü Mapao ye paoshilai tea soua baiwe, alia puletao hai houzüa lai maiye pouphou reikha soupei moe.

ISAIAH 40:11

Puhnou puhvei maitaoye sü zhaotu khoyu mainou zhaotuye kiko peiyu büa kiko peilai, ae zhaotu sü puh bah nou pove jüpeilai, alia zhaotu ke khesü zhutou poa sa-a tapeilai.

DANIEL 1:17

Ramai nou nahlemai haitao adai hisü tsüvei, larü süyu ae ratsü sü peie. Süjünoua pua Daniel hisü zho ngaoyu ae me paolalou süyu tsüdo hai-a peie.

MALAKAI 2:9

Südonou ne sü maikhemai nghoujü hinou hraongu soupeilai, daisounou touyuo, nenou avei ludu nasü tamoe, ana nenou maikhe maiye soukua chikha sü doupeiwe.

MALAKAI 3:3

Puhnou shahu sousheeyu alia souveiyu mai ali büa chobulai, alia puhnou Levi nahpoutu khemai sü soushee peilai alia acheche sheelayu nasü Mapao hi peimosa puletao sü sana ae shahu sousheeyu büa sousheelai.

MATHIU 23:28

Süzhaibütoua neletaoa vakouhiwo louzü maikhemai hi acheche zhai tangaoe, ana neletao lekhehiwo louzü aveikho souyu ea mahnou phoupeia bue.

MATHIU 5:8

Le sheeyu maisü rakoveie; daiolouzü puletao nou Ramaiye ngaolai!

MATHIU 5:9

Kaonayu pove peimai sü rakoveie; daiolouzü puletaoye sü Ramai nahtao tea kulai!

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

LUK NOU RÜYU KO AVEIBVÜ 6:36

Neletao Puonou zhuvea peilou süyu büa neletao-a zhuvea peio.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:47

Jisu nou Nathanel hai puh hilo takouyu ngaoloua puh vanou paoe, “Zhukhaio, haihi checheyu Israel maili bue; puh hisü le sheemoyu alia hae!”

SEI-ATAMAI VAHTAO 11:24

Daiolouzü Barnabas hai lü ea Rako Mashinou phoupeiyu veishoyu mailie. Alia maikhemai alaosou Mapaowo hi pove thoupuloue.

SEI-ATAMAI VAHTAO 9:36

Alia Jopa hisü Tabitha tea kuyu rozümai pfü ali bue (puh zhih hai Greekmai la hinou Dorka toue), naotu hainapai sü teisanou vah avei soua ea toure hamaiye soukha-a hrüe.

ROMMAI 12:18

Neletao hilonou soulou veisa ha teitei hinou mai hrülaiye koa kaona-a hrülo.

ROMMAI 12:9

Leshi hisü veikho soukhai laimoe. Ashinaye sü ngaoralo, avei nasü potoulo.

ROMMAI 15:14

Athaihou jürai khemai, lah Enou sütoua bue süolouzü neletao hai aveinou phoupeia ea tsü teiteinou phoua bue, alia neletao sü alinou liye doupei lousüa bue.

1 KORINTHMAI 12:8

Daiolouzü Rakonou mai ali hisü ratsüvei chipao peikhaitoue, alia kukhemai ali hisü Rako sünanou tsüvei chipao peikhaitoue.

2 KORINTHMAI 10:1

Neletaoye koa bubuki sü nataiyu, ana koa bukhaimoa doutakhaie khuvei shoyu Paul, lah Enou Khrista vei nataiyu ea kaonayu hinou neletao hi khowe!

2 KORINTHMAI 6:6

Ehnou sheeyu hinou, tsü hinou, shameayu hinou ea zhuvea peiyu hinou, Rako Mashi nou phoupeiyu hinou ea cheche-a leshiyu hinou,

2 KORINTHMAI 7:11

Neletao vei veayu haina hinou Ramai nou dai soupeiresa touyu sü zhukhaio: hainanou neletaoye panou daizhozhou lenou peisa, neletao vei mahsü daizhozhou sousheelou nüsa! Daizhozhou lekhasa, daizhozhou pisa, daizhozhou zhia busa, daizhozhou lenousa, daizhozhou mahyu maiye tudee peire donou soudasa! Ha teitei hinou neletaosü mah hae touyu sü lah neletao nou zhopaoh soua bue.

2 KORINTHMAI 9:10

Thoutai vuyu mai hi thoutai peiyu ea touso donou raokhao peiyu Ramai puhnou neletao hi moshilaiyu thoutai teitei-a peilai ea süsü panou paopaloua neletao nou pakhaimoa peiyu cha nasü panou alaosou puloulai.

EPHESAMAI 5:9

daiolouzü avavei shithou hai avei teitei, cheche-a hrüyu teitei ea acheche teiteihi buwe.

PHILIPPIMAI 1:11

Neletao hrümaisü Ramai kathe paoloure ea puhye paosho loure Jisu Khrista likhei hinou vebaiyu acheche vei rashithou sünanou phoupei loulai.

PHILIPPIMAI 4:8

Akhai hinou Athaihou jürai khemai, checheyu teitei, tsükhoulou veiyu teitei, züyu teitei, sheeyu teitei, zhaivei shoyu teitei, zhuvea peiyu teitei, veishoyu hatali bue toulouzü, paosho züyu hatali bue toulouzü, na haitao vanou chotou loukhaio.

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

1 THESSALONIMAI 2:7

Ana pfümai alinou puh nahmaitaoye kitou peiyu büa, Ehnou neletaoye koa hrübu kisü natai-a hrüe.

1 TIMOTHI 5:21

Maiye limayu moa zhai souku kuyu li-a soukhaimoa chikha haitaosü züloure donou Ramai, Khrista Jisu ea dopayu rakivamaitao nghojünou Enou neye tukha-a paowe.

2 TIMOTHI 2:24

Mapao vei kilaimai sü zü-vei sülaimoe. Puhsü avei ea shamealou süyu dou-apeimai ali soua maikhemai hrülaiye zhuvea peilousü vuzülai,

TITA 1:15

Sheeyu maitao hisü ha teiteinou sheebaie, ana zhaiwuyu ea louche moyu puletao hisü hatalia sheemoe; daiolouzü puletao vei le ea lekhetsütao hai zhaiwure.

TITA 3:2

Puletao hi maitali chi paoshiwu more ea zü-veimoa natai-a buloure, alia maikhemai hrülaihi kaonayu zhaido tangao peire donou paopeikhaio.

EBRIAMAI 12:11

Daiolouzü tukhazü peiyu teitei hai phajü donou louzü Eletaoye souva loure donou moa souvea peire bübaie. Ana thaikhai hinou sübüyu tukhazü peiyu hinou zülouyu maisü hrü acheche vei kaonayu shithou nasü shilouwe.

EBRIAMAI 12:14

Maikhemai hrülaiye koa kaona-a hrüloure ea sheeyu hrü hrüloure telo, daiolouzü süsü loumoa maitalinoua Mapaoye ngaolaimoe.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

JEMS 2:13

Daiolouzü maiye zhuvea peimoyu puhye Ramai nou chikuyu kisü zhuvea peilai moe; ana zhuvea sünanou chikuyu sünaye kolouwe.

JEMS 2:4

nelenou lah neletao hronou zhai soukure mowu, alia tsü ashinou koa chikuyumai soure mowu?

JEMS 3:15

Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

JEMS 4:8

Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 PITAR 2:1

Südonou neletao nou ashi teitei, amada teitei, aveikho souyu teitei, maiye ngaoraiyu teitei moa maiye sou-ahraoyu chi paoyu teiteisü thaokhaiwuwo.

1 PITAR 2:18

Kilaitao, neletao nou lah neletao vei zhuvea peilousü ea le nataiyu paopu maitao khehi likhei baimoa, veimoyu paopu maitao khehi-a puletaoye tsükhou shoyu noupu soutaosoua bulo.

1 JOHAN 3:18

Anah khe maitao, Eletao leshihai chipao moa chi phakuyu likhei hinou bailai mokhe anou vah ea acheche hinou leshilou laikhe.

1 JOHAN 3:3

Khrista nou sheeyu donou puh hi areih haina buyu mai hrülai nou lah puhye shee-a khailouwe.