JEMS 3:15 - SHEEYU BAIBEL (BSI)

¹⁵ Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

JEMS 3:15 Iomraidhean Croise

2 SAMUEL 13:3

Do ashi chosü shoyu puh vei samai ali bue, puh zhih sü David thaihou Shammah vei samai nahpoutu Jonadab tea kuwe.

2 SAMUEL 15:31

Sübüa buyu phaki, mai alinou “Ahithophel-a Absalom ye koa lou dozho tare,” tea David hi paopeie. Südonou David nou haibüa nou paoe, “Oh Mapaowo, Ahithophel nou tsücho-a soupfüyu pfüphou sü panou hamoko soupeio.”

2 SAMUEL 16:23

Teile süphaki Ahithophel nou paopeiyu chi khesü Ramai nou paoyu bütoua David-a ae Absalom-a tsükhou sho-a poe.

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

LUK NOU RÜYU KO AVEIBVÜ 16:8

“Alia le sheemoyu kini khada-apeio nanou sübüa dokaishoa soulouyu vanou puhvei paopunou puhyesü paosho loure; daiolouzü deiphao hainavei nahmai taonou avavei nahmaitao jünou lah puletao vei maikha khaye koa hrüyuhi dokai veikou hie.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

SEI-ATAMAI VAHTAO 13:10

puh hi paoe, “He! do ashi amadanou phoupeia buyu, acheche teiteiye ngaobayu rashivei nahpoutu, newo Mapao vei acheche ludu nasü süthaima süthaimoyu thaolai mowu?

ROMMAI 1:22

Puletao sü tsü veie tea paoe, ana puletao sü avomai khaire,

1 KORINTHMAI 1:27

Ana Ramai nou sübüa tsüvei maiye sou ahrao peiloure donou deiphao hinou voyu sünaye doloue, alia khouko bumaiye sou ahrao peiloure donou deiphao hinou lelou hoyu sünaye Ramai nou doloue.

1 KORINTHMAI 2:14

Ana pfüphao zhai thaifüa hrüyu mainou Ramai Rakovei sapeina taosü ngaolouhoe, daiolouzü sütaosü puhye donou avobaie, alia puhnou sütaosü sülouhoe, daiolouzü sütaosü Rako hilovei tsü pfüa sülou bailai.

1 KORINTHMAI 3:19

Daiolouzü deiphao hainavei tsüdokaiwo louzü Ramai nghojünou voyuna baie. Daiolouzü haibüa rüthoure, “Ramai nou tsüvei maiye puletao vei dokaiyu süna hinou nilouwe,”

1 KORINTHMAI 3:3

daiolouzü chu koutea neletao sü vasou hilonou hrüa buyu maitao kua hrühie. Daiolouzü neletao hrohi ngaoraiyu ea züvayu busasü neletao hai vasou thaifüa hrümowu ea lüloumomai tali kua tabai mowu?

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

2 KORINTHMAI 11:3

Ana nghou nanou puhvei doshinou Efye lawuyu büa, neletao vei tsühai Khrista hi latoua buyu ea sheetoua thoa buyu hinou sümawu peire sü Enou piwe.

PHILIPPIMAI 3:19

Puletao vei akhai nasü ha-kayu baie, puletao ra nasü puletao poubaie. Puletao nou ahrao laiyu hinou kathe souwe, alia puletaosü deiphao hainavei natao likhei vanou cho-a bue.

2 THESSALONIMAI 2:9

Mai Ashi nasü Saitan vei khouko nou koa velai ea madayu shee ea khupavah tyali soulai,

1 TIMOTHI 4:1

Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

JUD VEI SEIKO 1:19

Sükhe maitaosü neletaoye memesoua dadeyu, pfüphao züpa thaifüa hrüyu ea Rakoye salai moyutaoe.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 2:24

“Ana Thuatira hi buyu kukhe neletaowo louzü ashi doupeiyu haina thaifüa tamoe; neletaowo, thoushoyu Saitan vei kheitsü tea kamainou kua buyu nasü doulou moe. Enou neletao hi paowe süolouzü Enou neletao pei hi kou süyu halia pokhai laimoe.

PONGAOPEIYU 9:11

Puletao pei hisü akhai hayu raobvü sünaye khoyu rakivamai sünanou veo soua bue. Puh zhihsü Ebriamai la hinou Abaddon toue; alia Greekmai la hinou puh zhihsu Apollion toue (sünavei kowo louzü “Souha peiyuna” toue).