JEMS 3:14 - SHEEYU BAIBEL (BSI)

¹⁴ Ana neletao lekhe hinou maiye ngaoraiyu, khataoyu, alia dutounüyu hai bulouzü, neletao vei ratsü süna vanou khaophu soua achechena pei hisü mah soukhaiwuso.

JEMS 3:14 Iomraidhean Croise

SHURAI 37:11

Puh jürai maitao louzü puhye ngaoraia bubaie, ana puh puowo louzü süsü kabü laisa tea tsüchoa bue.

SHURAI 38:9

Ana Onan nou tounah haisü puhvei tounah soulai moe touyu süloukhaie, puhnou puh jürai chapfü sazüyu phaki panou nahmai hrümore do souloure.

2 VEMAITO 10:16

ae Jehu nou puh hi paoe, “Eye koa talai she, ae Enou Mapao ye kazhou koute louchewe touyu sü ne lah taho zhukhaio.” Puhai nou koa Samaria hisü tare.

2 VEMAITO 10:31

Ana Jehu nou Israel maivei Ramai Mapao vei chikha khesü puhvei tsüle veishi nou peia chi zülou more; puhnou Jeroboam zhaibüa Israel maiye sü süthaisa-a mah soutare.

JOB VEI LARÜBVÜ 5:2

Vamo shoyu nou koa ne lah veaposhu thaiyu sü, tsüdo chemoa voyumai nou soure vah baie.

TSÜCHITAO 14:30

Kaonasha touyu tsüle hai pfüphaoye souvei peiwe, ana maiye ngaoraiyu hai-o sourao hi sou ashi soua tangiyu büa baie.

TSÜCHITAO 27:4

Rarou lekha payu hai zhaipou shisho-e; ana thaonou ngaoraiyu nghoujü hinou lalou süge?

ISAIAH 11:13

Israel mai-a Judah maiye ngaoraipu laimoe, ae Judah mainoua Israel maiye souchoropu khailai moe.

HABAKKUK 1:3

Ne daisounou Eye panou kaozü moyu alia veayu khaikho nou ngao-a bue? Soushi khaitouyu alia taidayu khaikho nou anghoujü bubaire, züveiyu alia taidayu nou buliki phoutao-a baire.

MATHIU 27:18

Daiolouzü puletao nou Jisu ye ngaoraiyu vanou puh bah hi thoupei baie touyu hai puh nou sütoua bue.

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

SEI-ATAMAI VAHTAO 13:45

Ana Jihudimai taonou maisouye ngaoloukhaie ngaorai sholoua Paul nou paoyu hisü veiva loure ea puhye sü konü loure.

SEI-ATAMAI VAHTAO 26:9

“E lah E-a Nazareth hi Jisu zhihye sü motoua ha tyali souzüe tea raiki chowe.

SEI-ATAMAI VAHTAO 5:17

Ana napao peichana ea puhye koa laiyumai hrülai süolouzü Sadukimai me, puletao nou ngaoraiyu nou phoupeiloua

SEI-ATAMAI VAHTAO 7:9

“Alia puo-pao maitao nou Josef ye ngaorailoua puhye sü Ejipt teidei hi zhothoure; ana Ramai nou puhye kozhoa bue,

ROMMAI 1:29

Puletao hisü ashitya tyalinou phoupei loure, süolouzü: ashi, loküyu ea linou lihi ashi souyu bue; puletao sü maiye ngaoraiyu, maiye southeayu, tai-da vayu, maiye layu ea kukhemai pei hi ashi shilai chokhai peiyu sü bue. Puletao nou mai chi kuwe,

ROMMAI 13:13

Heako teiva hinou hrüyu maitao büa lah Eletao hai zhai veishoa talou laikhe; me souloua soubvüyu, zhaoh shozhiyu, khu-lou souyu ea ke-zhe züpa souyu, züvayu, moa ngaoraiyu, haitao sü soulaimokhe.

ROMMAI 2:17

Newo kakuwe? Nenou lah neyenou Jihudimai ali toue; newo razhaiye lüa bue ea Ramai vanou khaophu soua bue;

ROMMAI 2:8

Kukhemaitao sü dutounüwe ea acheche nasü zübawe, ana ashi nasü züwe, südonou puletao pei hi sü Ramai nou puhvei rarou ea lekha nasü lakou thoupeilai.

1 KORINTHMAI 13:4

Leshi nou shamea peie ea zhuvea peie; leshinou maiye ngaorai moe, zho soumoe moa khaophu soumoe;

1 KORINTHMAI 3:3

daiolouzü chu koutea neletao sü vasou hilonou hrüa buyu maitao kua hrühie. Daiolouzü neletao hrohi ngaoraiyu ea züvayu busasü neletao hai vasou thaifüa hrümowu ea lüloumomai tali kua tabai mowu?

1 KORINTHMAI 5:2

Sübüyu thaisü, neletao nou kabüa khaophu souloulai? Neletaowo do pfübai zümowu? Haibüyu vah souwuyu puhye sü neletao me hrohinou phawuwo.

1 KORINTHMAI 5:6

Neletaoye donou khaophu souyu hai zümoe! Kheih daotunou souke teitei hai soulalou baiwe touyu sü neletao nou sümowu?

2 KORINTHMAI 12:20

Daiolouzü Enou velouzü neletaoye Aleli büa ea neletao nou Eye neletao vei leli büa ngaolou paimoe tea Enou piwe, alia sühisü züvayu, maiye ngaoraiyu, lekhayu, loküyu, maiye sou ahrao peiyu, mai chi paoshiyu, khaophu souyu ea bvüroyu haitao hai ngaolou shulai tea Enou ngaopiwe.

GALATIAMAI 5:15

Ana neletao nou rekhaosou kua alinou liye soushi soukha-a bulouzü, zhutou loukhaio, molouzü neletao nou alinou liye souhakhai bailai.

GALATIAMAI 5:20

bashara thoyu, maiye shuyu, alinou liye ngaobayu, züvayu, maiye ngaoraiyu, rarouyu, dutounüyu, lathao-lamü moyu, mesoukuyu,

GALATIAMAI 5:21

avei zhai ngaobayu, zhaoh shozhiyu, zhaohra payu ea sükuyu kukhetaoe. Enou neletaoye raichokinou tukhayu büa chua neletaoye Enou tukhawe, süolouzü, sübüyu vah souyu maitaosü Ramai Vedei ngaolou hoe.

GALATIAMAI 5:26

Alia alinou li züphei soua moa alinou liye ngaorai-a Eletao nou khaophu souwu laimokhe.

GALATIAMAI 6:13

Hee rodeyu puletao koute-a razhainou paoyu zümoe; ana neletao nou pfüphaovei naa haina soulouyu vanou puletao nou khaophu souloure donou neletaoye panou hee rode nüwe.

PHILIPPIMAI 1:15

Chechenou puletao kamaisü ngaoba-ngaoraiyu vanou Khrista ko paodouwe, ana kukhemaiwo le sheetoua paodouwe.

PHILIPPIMAI 2:3

Hatalia du tounü-a moa khaophu sounüa vah souso, ana alinou lihi nataipoa kukhe mainou lah neletao jünou veikouhie tea chopeio.

1 TIMOTHI 2:4

daiolouzü maikhemai hrülainou khailu louresü ea acheche vei tsü süna süloure sü puhnou züpawe.

1 TIMOTHI 6:4

puhsü khaophu souyu nou phouloure ea halia sükhaimoe. Puh hisü veimoyu züpa süolouzü chipao vanou veivanüyu ea züvanüyu nasü bue, alia sünanou avei zhai ngaobayu, züvayu, maiye sou ahrao peiyu, ashi hilonou letsüyu,

TITA 3:3

Daiolouzü lah Eletao-a teileli hisü voe, paoyu zübae ea madae. Eletao sü vasou züpa ea deiphao hi va-sayu tyatyali vei qilatao soue. Eletao sü maiye ngaoba-ngaorai-a hrüe; mai kukhenou Ehye ngaobae ea Ehnou-a puletaoye ngaobae.

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

JEMS 3:16

Maiye ngaoraiyu ea dutou nüyu buh hisü bvüroyu ea ashi tyatyali bue.

JEMS 5:19

Athaihou jürai khemai, neletao hrohinou maitalinou acheche hinou tala talouzü ea kukhe linou puhye sü sadakhai velouzü,