JEMS 3:13 - SHEEYU BAIBEL (BSI)

¹³ Neletao hrohi thaohnou tsü veiwe ea tsü süwe? Puhye panou süsü puhvei hrümai aveinou, alia nataiyu ea ratsüna hinou soukhai touyu puhvei vah aveitao nou pongaokhaio.

JEMS 3:13 Iomraidhean Croise

JOB VEI LARÜBVÜ 28:28

Ramai nou mai hi paoe, “Tsüdo veiloure donou neletao hai Mapao ye tsükhoulo, alia tsü süloure donou neletao ashi hinou tareilo.”

LOUTAO 107:43

Tsüveiyu maiye sü panou hai khesü tsücholo; puletaoye panou Mapao vei tobai soumoa leshi peiyu nasü sülo.

LOUTAO 122:8

Avei kityarai ae samaitao donou Enou Jerusalem hi haibüa paoe, “Kaonayu nasü ne hi bulo.”

LOUTAO 149:4

Mapao nou puhvei maitaoye donou savawe; puhnou tainou soua laiyu maitaoye veilouyu nasü peia panou tsükhou peie.

LOUTAO 25:9

Puhnou tainoutou soua laiyu maikheye sü acheche ludu hi süthai sa-a tapeie, ae puletao hi puhvei leli nasü doupeie.

LOUTAO 45:4

Acheche ae kaozü naye vupa peire donou nevei vemai rhei sü ngalouyu hinou pfüa vepeio, nevei bah zhoulo vanou khupayu vah khesü doupeio.

KOPAODOUWO 8:1

Thaonou tsüveiyu mai liye raiwe? Alia thaonou haitao ko paola peilou süe? Maili vei tsüavei nanou puh pah hai souva peiwe, alia pah zhia buyu zhu hai-a hata baiwe.

KOPAODOUWO 8:5

Kharochi züyu maili sü soushi peiyu ngaolai moe, alia tsüvei maili vei lenou teile ae ludu nasü süloulai.

ISAIAH 29:19

Touha-soha laimai ae nataiyu maikhesü Israel maivei sheeyu Ramai Mapao hinou vasayu sü ngaopuloulai.

ISAIAH 60:6

Midi ae Ephah mai teidei hinou rachome duduli neletao vei teidei hi hupoa veloulai. Puletao nou Sheba teidei hinou sana ae pou kainü veihli sü pfüpoa velai. Maikhe mainou Mapao ye sü paosholai!

ISAIAH 61:1

Khoukhoulai Mapao nou puhvei rako sü ahi thoupeiwure, touhalai mai hi ko aveih paopeire donou; levea-a dopfü laiyu maiye souveih peire donou, vakou nüpoa tayu maitaoye phapeire pao sü peire donou, Mapao nou Eye doloure alia Eye seitawe.

JEREMIAH 9:12

Enou chinoue, “Mapaowo, daisounou teidei taosü soushi khaiwure ae thekei tea panou radeiki vita-a mai lia panou veihao soulou shiwe? Thaonou tsü veisho-a haitao sü sükulou süyu bue? Thao hi paopei-a haitao hai paopa peilou süyu bue?”

JEREMIAH 9:23

Mapao nou haibüa paoe, “Tsüveiyu maitao panou puletao vei tsüsü vanou khaophu souso, moyuma khouko buyu maiye panou puletao vei khouchi vanou khaophu souso, moa toungiyu mai panou puletao vei kini vanou khaophu souso.

DANIEL 2:21

Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

ZEPHANIAH 2:3

Teidei haihi nataiyu mai hrülai, Mapao vei kharochi züa buyu mai, Puhye phoulo; acheche nasü phoulo, tainou souyu nasü phoulo; sükulouzü Mapao vei lekha-rarou payu teithe neletaoye poku peishulai.

MAIPEI PHOUYU 12:3

(Deiphao hi Moses büa tainouyu mai kukhe ali-a ha-e.)

MATHIU 11:29

Aphaodao hai neletao phaohi pokhailo, alia Ahinou doulouwo; daiolouzü Ewo nashawe ea le nawe; alia neletao nou neletao vei rako donou soyu ngaoloulai.

MATHIU 21:5

“Zion nah naotupai hi paokhaio, zhukhaio, nevei veo sü nehi tavewe! Puhwo nataiwe ea rheisüh ali pfüwe alia rheisüh süsü toutoue.”

MATHIU 5:5

Nasha-a bumaisü rakoveie; daiolouzü deiphaohai puletao vei soulai!

MATHIU 7:24

“Südonou Achipaotao chouloua züloumai talihai chuhdu vanou ki soukhai touyu tsü veiyu mai sünaye kheihaoe.

1 KORINTHMAI 6:5

Haisü panou neletaoye ahrao ngaore donou Enou paowe. Chechenou neletao hrohi thaihou jürai maitao kole hi chikude peire tsüveimai ali koutea harewu?

2 KORINTHMAI 10:1

Neletaoye koa bubuki sü nataiyu, ana koa bukhaimoa doutakhaie khuvei shoyu Paul, lah Enou Khrista vei nataiyu ea kaonayu hinou neletao hi khowe!

2 KORINTHMAI 8:24

Südonou lüloumaimetao nghojünou neletao vei leshi ea Ehnou nele vanou kathe souyu sü cheche-e touyu sü zhopaoh soure donou puletao hi neletao vei leshisü pongaopeio.

GALATIAMAI 5:23

nataiyu, alia lahye tukhayu haitaoe. Haitaoye motouyu zhai tali-a hae.

GALATIAMAI 6:1

Athaihou jürai khemai, maitaliye mah soua buyu hinou niloure toulouzü, rako hinou tsüa buyu neletao nou puhye sü kaona-a souzü peikhaio. Ana lah neletao zhutoulo, molouzü neletaoye-a thaolou veie.

GALATIAMAI 6:4

Maili linou lah lahvei vahsü zhai zhulai. Puhvei vahsü veie toulouzü, puhnou süna vanou kukhemai talinou soukhai touyu naye paokha khaimoa khaophu soulou veie.

EPHESAMAI 4:2

Teisanou natai-a, kaona-a shamea-a bulo. Alinou liye shamea peiyu nou koa neletao vei leshisü pongaokhaio.

PHILIPPIMAI 1:27

Chuo neletao hrümaihai Khrista vei Ko Aveinanou moshilaiyu zhaido süna thaifüa hrülo, sübüa Enou neletaoye tave zhulou süa, zhulou ho-a neletao hai aroh alikhei hinou koa latoupoa Ko Aveinavei lü süna donou tsü-leli soupoa reih züyu sünavei kosü Enou chouloulai.

KOLOSSEMAI 3:12

Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai.

1 TIMOTHI 4:12

Maitaliye-a panou nenou nale-a buyu sü ngaophou moyu souwuso, ana nevei chipao hinou, zhaidou hinou, leshi hinou, rako hinou, lü hinou ea sheetouyu hrü hinou lüloumai alivei zhaisü soungaokhaio.

1 TIMOTHI 6:11

Ana oh Ramai vei mainare, newo haitao teiteisü thaowu-o, alia acheche hrü, rahrüzhai, lü, leshi, shameayu, alia nataiyu haitaoye donou telo.

2 TIMOTHI 2:25

alia puhye ngaobamai taoye kaonayu hinou paodouzü peilai, daiolouzü Ramai nou puletao hi panou ledaloua acheche naye süloure teile avei peilouveie.

TITA 3:2

Puletao hi maitali chi paoshiwu more ea zü-veimoa natai-a buloure, alia maikhemai hrülaihi kaonayu zhaido tangao peire donou paopeikhaio.

EBRIAMAI 13:5

Neletao hrümaisü pousha züpayu hinou dosoulo, alia neletao vei bubuyu sünanou khralou baio. Daiolouzü Ramai nou haibüa paoe, “E nehinou takhai laimoe; moa Enou neye thao khai laimoe.”

JEMS 1:21

Südonou hrühaoyu tatou ea zhaido ashi teitei thaokhaiwuwo, alia neletao rakoye khailu peilou süyu Ramai puhnou neletao lethou hi shothou khaitouyu chipao sünasü natai-a polo.

JEMS 2:18

Ana kamainou, “Nevei lü bue ea Avei vah bue,” tea paolai. Avei chilawo louzü, “Nevei lü nasü vah loumoa Ahi ngaopeio, alia E-a Avahnou Avei lü nasü pongaolai.”

JEMS 3:1

Athaihou jürai maitao, neletao mai poulo nou dou-apeimai souwuso, daiolouzü kukhe maiye jünou Eletao dou-apei maiye nou tatei koushoa chikulai touyu sü neletao nou süwe.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

1 PITAR 1:15

ana neletaoye kulouyu puhnou sheeyu kua neletao nou tayu zhai teitei hinou neletao lah shee-a bulo.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

1 PITAR 3:4

Süjünou neletao vei zhu veiyu hai neletao lekhehi buyu mai achechena süolouzü halou hoyu nataiyu vei sana touh alia kaonayu rako sünanou tulo, süsü Ramai nghojünou muh teikayu nasüe.