JEMS 3:1 - SHEEYU BAIBEL (BSI)

¹ Athaihou jürai maitao, neletao mai poulo nou dou-apeimai souwuso, daiolouzü kukhe maiye jünou Eletao dou-apei maiye nou tatei koushoa chikulai touyu sü neletao nou süwe.

JEMS 3:1 Iomraidhean Croise

LEVIMAI LARÜBVÜ 10:3

Süthaisü Moses nou Aaron hi paoe, “Mapao nou hai vanou ahi haibüa paoe, ‘Avei kuvah souyu mai hrülai nou avei sheeyu nasü tsükhoulai, ae Enou avei maitao hisü avei kathe nasü pongao peilai.’ ” Ana Aaron nou raokhai moa bua baie.

MALAKAI 2:12

Mai talia sübüa souyu maisü Hrülai pei hi Mapao ye panou Israel maihro hinou polaio, alia puhye sü pa Khoukhoulai Mapao ye sheelayu buh hisü loupuso.

MATHIU 10:24

“Doumai li-a puhvei dou-apeio jünou dumoe; moa kilai alihai puhvei paopu jünou dumoe.

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

MATHIU 23:14

(Aveikho souyu razhai dou-apeimai ea Pharisee maitao, neletao donou daizhozhou ngaopisa! Neletao nou meamaipfü taovei ki-lu saoloua sünasü kukhai loure donou mai nghojünou veachi paosho showe! Südonou neletao nou shishilai tudee nasü ngaolai!)

MATHIU 9:11

Alia Phariseemai kamainou haisü ngaolouyu kisü, puletao nou puh rozümaitaohi noue, “Daidonou neletao vei dou-apeio nou kikha khamaitao ea mahmaitaoye koa toushowe?”

LUK NOU RÜYU KO AVEIBVÜ 16:2

Südonou hanio nanou puhye kuloua puh hi paoe, ‘Enou nevanou choua buyu haisü daie? Nenou kini khada-apeio soua buyu vei thou-shapei teiteisü peikhaio, daiolouzü ne sü Avei kini khada-apeiona soupulou hore.’

LUK NOU RÜYU KO AVEIBVÜ 6:37

“Mai kukheye chi kuso, alia neletaoye chi kulaimoe; maiye mah dukhaiso, alia neletaoye mah dukhai laimoe; maiye khaipeikhaio, alia neletaoye khaipeilai.

JOHAN 3:10

Jisu nou puh hi chila peie, “Newo Israelmai dou-apeimaili soua haisü sümowu?

SEI-ATAMAI VAHTAO 13:1

Alia chuo Antiok hi buyu lüloumaime hisü rachi paolamaitao, dou-apeimaitao, Barnabas, Simeon Ateina, Kurini hi Lukia, alia Herod veoye koa kipakhai touyu Manaen ea Saul haitao bue.

1 KORINTHMAI 12:28

Alia lüloumaime hisü Ramai nou mai hrülaiye lah lah buh dopei khaitoue: rairaikai hinou sei-atamaitaoe, ahai chena hinou rachipaola maitaoe, asü chena hinou dou-apei maitaoe; süthaisü khupa vah souyu maitaoe, süthaisü sounou souvei peimaitao, maiye soukha peimaitao, süthai-apeimaitao ea süthoyu la paopamaitaoe.

2 KORINTHMAI 5:10

Daiolouzü Eletao hrülaisü Khrista vei Chikubuh nghojühi tave lavuzülai. Sübüa mai hrülai nou vei-a, shi-a lah lahnou puhvei pfüphaona hinou bubuki soukhai touyu süna thaifüa ngaozü nasü ve ngaolai.

EPHESAMAI 4:11

“Emai hi sapeinatao peiyu” sü puh baie; puhnou kamaiye sü sei-atamai, kamaiye sü rachi paolamai, kukhe maiye sü Ko Avei paodou-apeimai ea kukhe maiyenou zhaokho-apeimai ea dou-apeimai panou souloure donou dowure.

1 TIMOTHI 1:7

Puletao sü razhai dou-apeimai sounüwe, ana puletaosü lah puletao nou daichi paosa touyu moa puletao nou khuh veishoa pao-a laiyu sütao vanou halia sükhai moe.

1 TIMOTHI 2:7

Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!

2 TIMOTHI 1:11

Ko Avei haina donou Ramai nou Eye ko paodou-apeimai, sei-atamai ea dou-apeimai ali souloure doloure,

EBRIAMAI 13:17

Neletao vei süthai-apeimaitao chi zülo ea puletao khakhe hinou hrülo. Puletao nou neletao rakosü tobai soumoa khoa bue, daiolouzü puletao nou puletao vei vah peisü Ramai hi, chongao vuzülai. Neletao nou puletao chi zülouzü puletao nou puletao vahsü sasa-a soulai; sükumo louzü puletao sü le vealai, alia süsünou neletaoye donou ha zhiyu alia ngaolaimoe.

JEMS 1:16

Leshiyu Athaihou jürai maitao, panou lawuso!

JEMS 1:19

Leshiyu Athaihou jürai khemai, haisü sülouwo! Maikhemai hrülainou chouyu hinou thayu, ana chi paoyuhi ea lekhayu hisü shosho souyu souloukhaio,

JEMS 3:10

Mü ali hinou kalo paoyu chipao ea maiye chayu chipao pawe. Athaihou jürai khemai, haisü haibüa soukhailai moe!

1 PITAR 5:3

Neletao bah hi thaothou peikhai touyu maitao pei hisü tukha-tudeire donou tewuso, ana zhaokho hisü zhai aveinou soungaokhaio.