JEMS 2:8 - SHEEYU BAIBEL (BSI)

⁸ Neletao nou sheeyu larübvü hinou ngaolouyu, “Lah nenou neye leshiyu büa nevei kinapaye leshilo,” touyu vedei vei razhai nasü züloure toulouzü neletao nou vei-a souloure.

JEMS 2:8 Iomraidhean Croise

1 VEMAITO 8:18

ana Mapao nou puh hi paoe, ‘Nenou Eye donou rathoki souyu hai jüpayu sü kao-a baie,

2 VEMAITO 7:9

Ana puletao mai ali nou ali hi haibüa paore, “Eletao haibüa buyu sü kaomore, ko aveih hai nasü lah Etao hi khaiyu kaomore. Etao nou ko hai nasü dosho shona nou taho paopei louzü, Etaoye tudee peia bailai. Südonou chu nou taho veo vei peikho maitao hi sü ko aveih hai nasü paopei laishe!”

LEVIMAI LARÜBVÜ 19:18

Mai tarali hia khüngu sü phouso, moa puhye ngaora-a bukouso, ana nevei kinapa maiye lah neye leshiyu büa leshi peio. E hai neletao vei Mapao-e.

LEVIMAI LARÜBVÜ 19:34

Neletao nou puletaoye sü neletao vei thaihou jürai mai ali bütoua popeilai, ae lah neye leshiyu büa leshi peilai. Daiolouzü daoh vuli neletao-a Ejipt teidei hinou shetumai ali soua hrüe touyu nasü licholo. E hai neletao vei Ramai Mapao-e.

JONAH 4:4

Mapao nou paoe, “Nenou rarou züdouyu daie bue?”

JONAH 4:9

Ana Ramai nou Jonah hi paoe, “Süübe haina thaiyu vanou ne rarou züyu daie bue?” Jonah nou paoe, “Enou rarou züyu bue, thaiyu koute rarou züyu bue.”

MATHIU 22:39

Alia matsü kayu chikha ahai chenasü haikue: ‘Nenou ne kinapaye lah neye leshiyu büa leshilai.’

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

MATHIU 25:23

Puh vei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, neye ha taoli pei hi panou chalai. Ne paopu vei va-sayu buh hi talou louwo.’

MATHIU 7:12

“Südonou neletao nou maikhe maiye panou neletao hi soupei nüyu nasü, neletao-a süzhaibüa puletao hi soupeikhaio; daiolouzü haisü razhai ea rachi paolamaitao vei doupeiyu nasüe.

ROMMAI 13:10

Leshi nanou puh kinapa hisü soumah tamoe; südonou leshiyu hai razhai pfüphou reichekhouyu nasüe.

GALATIAMAI 5:14

Daiolouzü razhai teiteisü chikha alikhei hinou vetekhou baie: “Nenou lah neye leshiyu kua nevei kinapaye leshilo.”

GALATIAMAI 6:2

Alinou likou pfükha peikhaio, alia sübüa Khrista vei zhai nasü souve tepeio.

PHILIPPIMAI 4:14

Ana Enou veahoyuki neletao nou koa zha ngaozhopei-a veitoua soupeire.

1 THESSALONIMAI 4:9

Ana neletaoye donou maitaliye panou neletao hi thaihou jüraimaiye leshi loure vanou rüpeire matsü hae, daiolouzü neletao lah alinou liye kabüa leshi loulai touyu sü Ramai nou neletaoye doupeire.

JEMS 1:25

Ana maitalinou do soupeiyu licheyu razhaina hisü zhuloua sühisü thaokhaimoa le peitoua keiloua ngaiwuyumai soumoa süna souyumai soulouzü, mai sünaye sü puhnou soupfüyu hisü Ramai nou hapeilai.

JEMS 2:12

Südonou do souyu vei razhai khehinou chiku laiyu mai sütao büa chi paolo ea vah soulo.

JEMS 2:19

Nenou Ramai alikhei bubaie tea louchewu? Veishore! Süsü rashitao koutenou-a louchewe alia pi-a nguwe.

JEMS 4:11

Athaihou jürai khemai, alinou li pei hi chishi paowuso. Thaihou jürai chi paoshiyu moa thaihou jüraiye chikuyu maitalinou razhaiye paoshiwe ea sünaye chikuwe. Ana nenou razhaiye chiku louzü, ne sü razhai chi züyumai more, ana sünaye chiku-apeio nasüe.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.