JEMS 2:6 - SHEEYU BAIBEL (BSI)

⁶ Ana neletao nou toure hamaiye tsükhou peimoe! Neletaoye souveayu ea chiku-apeimai nghojühi süthai saveyu sü thaoh mainoue? Hani mainoue!

JEMS 2:6 Iomraidhean Croise

JOB VEI LARÜBVÜ 20:19

Daisounou touyuo puletao nou toure hamaiye ngaophou moa souvea peie, mai kukhe mainou soukhai touyu ki koute-a puletao nou shaoloue.

LOUTAO 10:10

Veahoyu maiye sü dakhaowure, puletao hai kaotare; puletao hai puhvei khouko khevai loure.

LOUTAO 10:14

Ana nenou ngaowe, lelouho mai nou veayu ae sounou souyu sü nenou zhua nou bue ae teile busasü soukha peire donou bue. Lelou hoyu mainou puletao vei hrümamai sü ne bah hi thaothou peiwure; nenou teisa nou veaho laimaiye soukha peie.

LOUTAO 10:2

Mai ashimai nou khaophu soua touhayu maiye souvea-a bure; puletao nou soukhai tiyu sho-rü hisü lah puletaoye panou mulou theo.

LOUTAO 10:8

Puletao hai nuh kinou tutsüa bue, ae mah hayu maiye southare donou dapoa nou bue. Puletao hai lelou hoyu maiye kheikhei soua chohpoa nou bue;

LOUTAO 12:5

“Ana chuo Enou velaire,” tea Mapao nou paoe, “daiolouzü touhayu maiye sü souvea peia baire, ae mainou souchoro peiyu maitao hai lepoa nou bure. Puletao nou jüpa shoa nou reihpoa buyu nasü Enou puletao hi peilai.”

LOUTAO 14:6

Hashi souyu maitao nou tainoutou soua laiyu maitao vei tsüchoda khaitouyu khesü soupepo peiwe, ana Mapao nou puletaoye sü vupa peiwe.

TSÜCHITAO 14:31

Touhayu maiye souveayu mai sü puletaoye soupeiyu Ramai ye ngaophou moe, ana vea-a laiyu maiye leshi peiyu maisü puhye tsükhoue.

TSÜCHITAO 17:5

Touhayu maiye konüyu maisü puletaoye soupeiyu Ramai ye ngaohei-a baie; mai linou veahoyu vedaoyu phaki lesayu maiye sü tudee vuzülai.

TSÜCHITAO 18:23

Touha mai nasü ra-a khowe, ana toungi mai nanou chi-la shi-a chila pei baiwe.

TSÜCHITAO 22:16

Lah chingi ngaopu loure donou touha maiye souveayu, moa toungi maiye peiyu nasü, lah touhata-a bailai.

TSÜCHITAO 22:7

Toungi nanou touhana peinou tukha souwe, alia maivei poupaoh louyu mai nasü pouapei navei kilai baie.

KOPAODOUWO 5:8

Deide ali hinou touha maiye souvea-a alia acheche ae kaozü nahai soumoa buyu nenou ngaolouzü, süna vanou ne khupawuso; daiolouzü aku vahbuh buwo ye sü kupuyu alinou zhua bue, süthai-a süjü kupuyu linou puletaoye-a zhua bue.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

AMOS 4:1

Bashan hi chokü büa toutu toupa hrüvei shoa khaitouyu Samaria hi naotu maitao, touha maiye souvea-a laiyu maitao, lülou homaiye soutai sounou peiyu maitao, alia cha khemai hi “Zhaoh solai pove khaio” tea paoyu naotu maitao, chipao haisü keilo.

AMOS 5:11

Neletao nou touha soha maiye taina-a puletao vei buyu teitei sü saoloure. Südonou neletao nou ki aveih soukhai touyuma sühi buloulai moe; alia neletao nou darkhabe alao shokhai toua buyuma, sünavei rashi dzü sü neletao nou kelou laimoe.

HABAKKUK 3:14

Soureih souyu mainou Etaoye teikhai raroshi büa soupholai teanou veyu phaki, alia veahoyu maiye kheikhei sou-a teinou zhaoloulai tea veyu phaki, Nenou puletaoye pa lah puletao vei loushu nou khelou-e.

ZEKHARIAH 7:10

Meamaipfü, pfüpuo hamai, shevai-shesü alia touha soha maiye souveaso; alia alinou aliye soushire donou do-ashi phouso.’

JOHAN 8:49

Jisu nou chila peie, “Ahi rashi alia hae; ana Enou Apuoye tsükhouwe, alia neletao nou Eye tsükhou moe.

SEI-ATAMAI VAHTAO 13:50

Ana Jihudimai taonou mainou tsükhouyu ea lenoua rathoyu naotumaitao ea nuhdu sühi peicha maitaoye thaopeiwu-a panou Paul ea Barnabas pei hi souvea-souho peire ea puhaiye puletao teidei hinou hutare.

SEI-ATAMAI VAHTAO 17:6

Ana puletao nou puhaiye phouhakhaie, Jason ea kukhe lüloumaitao kamaiye nuhdu hi adusho maitao nghojü hi süthai veloua, shusoua paoe, “Deiphao teiteiye pothou peipei-shoushou soupeiyu mai haitao sü chuo nuhdu haina hi-a veloure,

SEI-ATAMAI VAHTAO 18:12

Ana Gallio nou Akhaia hi teidei khowona souabu kisü Jihudimaitao hrülainou tave dzüloua Paulye sü niloure ea puhye sü chikuki hi saveloua,

SEI-ATAMAI VAHTAO 8:3

Ana Saul nou kili ki talouloua lüloumai naotu poutu taoye vakou daopaloua puletaoye hukhahi pove thoupeie ea sübüa lüloumaime taoye souhare donou teloure.

1 KORINTHMAI 11:22

Neletaoye donou toure, shore ki hawu? Moa neletaowo Ramai vei lüloumaime donou tsükhouyu hawu, alia toure hamaitaoye sou ahrao peiwu bailaiwu? Haina vanou Enou neletao hi dai paopei shulai tea neletao chowe? Enou neletaoye paosho laiwu? Moe, Enou paosho laimoe.

JEMS 2:3

alia neletao nou sabanüh aveinou bahnoupoa laiyu puhye tsükhouloua puh hi, “Buh veikayu hainahi kou buwo” tea paolouzü, ana toure hayu puh hi, “Sühinou la-a buwo, moa deiphihi Aphi thyahinou kou buwo” tea paolouzü,

JEMS 5:4

Zhukhaio, neletao nou neletao douhi vah souyu maitao hi vahzho lia peikhaimoe. Puletao nou motoua raoyu paisü keikhaio! Neletao vei chachiyu maitao nou raoyu pai sünasü reihmaitao vei Mapao, Ramai puh nou hi kheloure.

JEMS 5:6

Neletao nou cheche maitaoye mah dukhaire ea southeare, alia puletao nou neletaoye numoe.