JEMS 2:5 - SHEEYU BAIBEL (BSI)

⁵ Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

JEMS 2:5 Iomraidhean Croise

1 VEMAITO 22:28

Mikaiah nou paoe, “Nenou kaozhou vei-a dakhai velouyu thaio, Mapao nou Eye chaku peimoe touyu sülo.” Ae puhnou paopue, “Enou paoyu sü mai hrülai nou süpeio!”

JOB VEI LARÜBVÜ 34:10

Tsü pfüyu maitaore, avei chi keikhaio, Ramai nou kaomoyu vah sü soulou veiwu?

JOB VEI LARÜBVÜ 34:19

Puhnou veo mai hie tea phaoboyu hae, toungi maiye phaoboyu hae, daiolouzü mai hrülaiye soupeie.

JOB VEI LARÜBVÜ 38:14

Teinghi ava nou phupeiyu phaki deichitao ae deikho khesü sah kheikhai touyu büa vapha tea ngaopeie, konai hi paoshee dakhai touyu büa sheesha tea ngaopeie.

TAPALOUYU 20:6

Ana Eye leshiyu mai alia avei chikhatao hinou tayu mai hisü khaphao thethe koute avei leshi zhuveayu nasü ngaopeiwe.

TSÜCHITAO 13:7

Mai kamai-a halia hayuma toungiyu khokho souwe; mai kukheli nou hayu khokho souwe, anou toungi shoa bue.

TSÜCHITAO 7:24

Südonou chuo, O anah maitaore, achi keilo. Enou paoyu khesü soutaosoua keilo.

TSÜCHITAO 8:32

“Südonou chuo, anah maitaore, achi keilo: Lesayu maitao sü aludu thaifü tayu maitaoe.

ISAIAH 14:32

Etao nou Philistin maivei kopomai hisü kabüa chila peilai? Mapao nou Zion nuh sü soushupeie, ae veahoyu puhvei maitao nou buh sühinou kaozhou veia hrüloulai tea chila peilai.

ISAIAH 29:19

Touha-soha laimai ae nataiyu maikhesü Israel maivei sheeyu Ramai Mapao hinou vasayu sü ngaopuloulai.

ZEPHANIAH 3:12

Enou neletao hrohi tainou souyu alia nataiyu maiye khai peilai. Puletao nou Mapao zhih hinou bailoure buh phou bailai.

ZEKHARIAH 11:11

Süvanou Vo soukhai touyu nasü süzhou teithe hinou hare. Zhaotu husouyu maitao hai Enou soua buyu khesü zhua bue, alia Enou soua buyu vahtao hai Mapao vei chipao baie touyu puletao nou süloue.

ZEKHARIAH 11:7

Zhaotu zhoyu ae hrülouyu maitao nou Eye ngaloure, alia E chuo dathare zhaotutao vei zhaokhowo sü soua bure. Enou süüpo ahai poloue: süüpo ali naye “Zhuvea-apei” alia kukhe naye “Lerozhowo” tea zhih saloue. Sübüa Enou poa zhaokhome ye sü khowe.

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

MATHIU 5:3

“Rako hinou lülouhoe tea süa bumaisü rakoveie; daiolouzü raki Vedeisü puletao veie!

MARK 7:14

Süthaisü Jisu nou maisouye puh hi kuve puloukhaia puletao hi paoe, “Neletao hrülai keilo ea sülo.

LUK NOU RÜYU KO AVEIBVÜ 12:21

“Ramai hilonou hani loumoa lah puhye donou kini podzükhai touyu mai tasü sükue.”

LUK NOU RÜYU KO AVEIBVÜ 12:32

“Piwuso, zhaokho atainare, daiolouzü neletao hi Vedei süna peiresü neletao Puovei züpayu nasüe.

LUK NOU RÜYU KO AVEIBVÜ 16:22

“Süthaisü tosüa laiyu mai sünasü thaitare ea puhye sü rakivamai taonou rakiva Abraham ngheiki hi sakhe peire. Hanimaipou süna-a thaitare ea povure;

LUK NOU RÜYU KO AVEIBVÜ 16:25

“Ana Abraham nou paoe, ‘Anahna, likhaio, süolouzü nenou hribu kisü ne sü na avei teitei ngaoloure, alia sübüa Lazaras-a ashi teitei ngaoe; ana chuo puhsü haihinou vasho-a bure, alia newo chorosoua bure.

LUK NOU RÜYU KO AVEIBVÜ 22:29

alia Apuonou Ahi vedei ali peikhai touyu büa,

LUK NOU RÜYU KO AVEIBVÜ 6:20

Alia Jisu nou puh rozümai taohi pheloua haibüa paotare: “Neletao toure hamaitao rakoveie, daiolouzü Raki vedeisü neletao veie!

JOHAN 7:48

Tsümaitao hrohinou moa Phariseemaitao hrohinou puhye maita linoua louchewu?

SEI-ATAMAI VAHTAO 7:2

Stephan nou chila peie, “Thaihou jüraitao ea puokhe maitao keipeikhaio! Eletao puo Abraham nou Haran hi ve hrümojü Mesopotamia hinou hrübu kinou khouko ava Ramai nou puh hi ve ngaopeia

ROMMAI 8:17

Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

1 KORINTHMAI 2:9

Ana haisü haibüa rüthouyu kue, “Nghithou nou ngaokhai moyu, moa nounou choukhai moyu moa emai lekhe hinou chokhai moyu sünasü Ramai nou puhye leshiyu maitao donou souda khaitouyu na süsüe.”

2 KORINTHMAI 4:15

Haitao pfüphou hai neleye donou baie; alia Ramai zhuvea nou maikhe mai hi poulailaia velouyu kisü, maikhe mainou Ramai kathe souloure donou kalo paoyu vei veachi nasü koushoa paotalai.

2 KORINTHMAI 6:10

le souvea peiwukhaia, Ehsü teisanou le sawe; Ehhai toure hayu bükhaia, mai taoliye Ehnou southou hanipeie; halia hayu büa bukhaia Ehsü ha teitei buchewe.

2 KORINTHMAI 8:9

Neletao nou Eletao Mapao Jisu Khrista vei zhuvea nasü süwe; süolouzü puhsü hanikhaia, neleye donou puhsü toure haloure, sübüa puhvei ha hayu süna vanou neletaoye panou hani loure süsüe.

EPHESAMAI 1:18

Puhnou neletaoye kulouyu hi areih nasü daisa touyu sü neletao nou süloure donou ea puhnou puhvei maitaohi apaopei khaitouyu khupa hataosü daizhozhou paoshalou hoa busa touyu sü süloure donou puhvei ava ngaoloure neletao tsü nasü houpapeio tea Enou khowe,

EPHESAMAI 3:8

Sheeyu maitao hrülai jünou Esü tainoukakhai-a Khrista vei paoshalou hoyu kinina vanou tahrüh kukhe maitaohi paodou peire donou zhuvea hainasü Ahi peikhaitoue,

1 THESSALONIMAI 2:12

Alia Ehnou neleye le soudu, souva peiwe ea neleye lah puhvei vedei ea khouko ava nasü zha ngaozho loure donou ku-a buyu Ramai puhye sousa loure hrü nasü hrüloure donou Ehnou neleye tobai soumoa süpeiwe.

2 THESSALONIMAI 1:5

Ramai vei chikuyu hai cheche-e touyu sü haitao teiteinou zhopaoh peiwe süolouzü Ramai vedei donou nelenou sübüa vea-hoyu vanou neleye puh vedeimai souzüe tea poloulai.

1 TIMOTHI 6:18

Puletaoye nou vahvei souloure, vahvei souyu nou hani loure, maiye pakhaimoa peiyu ea kukhe maiye koa zhitou loure donou le roloure chikha peikhaio.

2 TIMOTHI 4:18

Mapaowo nou Eye ashi teitei hinou vupa peilai ea sübüa Eye khailu pove puhvei raki vedeihi khaipeilai. Puhye panou teisanou adushosü souloutheo, teisanou! Amen.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.

EBRIAMAI 11:26

Khristaye donou ahrao ngaoyu sünanou Ejipt teidei vei kini teitei jünou koushoa muhtei hie tea puhnou choloue, daiolouzü puhnou thaikhai vei buu nasü zhia bue.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

JEMS 1:16

Leshiyu Athaihou jürai maitao, panou lawuso!

JEMS 1:19

Leshiyu Athaihou jürai khemai, haisü sülouwo! Maikhemai hrülainou chouyu hinou thayu, ana chi paoyuhi ea lekhayu hisü shosho souyu souloukhaio,

JEMS 1:9

Toure hayu thaihou jürai puhnou Ramai nou puhye soukupa peiyu kisü, lesalo,

1 PITAR 1:4

alia südonou Eletao nou Ramai nou puhmaitaoye donou khaidapei khaitouyu kaa taosü zhida-a bue. Puhnou kaa sütaosü neletaoye donou rakihi khaipei khaitoue, alia sühisü sütaosü hakhai laimoe, soushiwu laimoe moa raitakhai laimoe.

2 PITAR 1:11

Haibüa neletao hisü Eletao Mapao ea khailu-apeio Jisu Khrista vei teisa halouho Vedei hi velou loure zü teiteisü peiwulai.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 21:7

Reih kolouyu puhnou Ahinou hainasü ngaolai: Esü puh Ramai soulai, alia puhnou Anah Poutuwo soulai.

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.

CHIKUAPEI MAITAO 9:7

Jotham nou ko sünasü süloukhaie, puhnou Gerizim deichiva taopaloua shusoua puletao hisü paoe, “Oh Shekem hinou hrüa buyu maitaore, achi keipeio, sükulouzü Ramai-a neletao chi keipeilai.

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.

1 SAMUEL 2:8

Puhnou touhayu maiye sü deiphi hinou polashu peie, ae veahoyu maiye sousava peie; sübüa puletaoye panou veo nahmaitaoye koa bue, ae khuhaoyu buh hisü khaipeie. Deiphao soushuyu beikhei nasü Mapao vei-e, ae sühinou deiphao sü soushu peie.