JEMS 2:18 - SHEEYU BAIBEL (BSI)

¹⁸ Ana kamainou, “Nevei lü bue ea Avei vah bue,” tea paolai. Avei chilawo louzü, “Nevei lü nasü vah loumoa Ahi ngaopeio, alia E-a Avahnou Avei lü nasü pongaolai.”

JEMS 2:18 Iomraidhean Croise

ROMMAI 14:23

Ana puhnou toua buyu süna vanou leki louzü, puhnou süna touyu kisü Ramai nou puhye mah dukhaire, daiolouzü puhnou lü vanou vah soulou moe. Alia lü vanou vemoyu hatali sü mahbaie.

ROMMAI 3:28

Daiolouzü Eletao nou süloure süolouzü maitali hai razhai reiyu vanou moa nou lü vanou likhei Ramaiye koa souzü peibaie.

ROMMAI 4:6

Maitali vah hinou moa Ramai nou chechemai tea polouyu rakovei mai süna vanou David nou paoyu ko sünasü hainare:

ROMMAI 8:1

Südonou chuo Khrista Jisu hinou hrüa buyu maitao donou mah dukhaiyu hare.

ROMMAI 9:19

Ana neletao hronou kamainou Ahi paolai, “Haibüyu thaisü Ramai nou kakua maitali vei mah phoupa loulai? Ramai vei leli nasü thaohnou nulousüe?”

1 KORINTHMAI 13:2

Alia Ahi rachi paopayu vei sapeina bukhaia alia kheitsü ea tsü teitei sükhaia, alia Ahi deichitao podalou süyu lü teitei bukhaia, leshi halouzü, Esü halia moe.

2 KORINTHMAI 5:17

Südonou maitalinou Khrista hi buloure toulouzü, puhsü basha ashu datare; aku nasü tare, zhukhaio, ashu nasü vere.

2 KORINTHMAI 7:1

Asamaitao, apaopeiyu haitao sü Eletao hi soupei khaitoue. Südonou pfüphao moa rakoye souhao peiyu ha teitei hinou lah Eletao sü sousheeloua bulou laikhe, alia Ramaiye pi-a hrüa Eletao sü shee-a bulou laikhe.

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

1 TIMOTHI 1:5

Ehvei kharochi hainavei ko matsüwo louzü ra-hazheiyu le hinou, lekhetsü aveina hinou ea kao-züyu lü sütao hinou payu leshi süna panou paloure donoue.

TITA 2:7

Hateitei hinou zhaido avei taloure zhai nasü lah nenou soungaokhaio. Nenou doupeiyu hisü le sheetoua ea le loushoa doupeio.

EBRIAMAI 11:31

Lü vanou khakhapfü Rahabye sü Ramai chi zübayu maitaoye koa souhawu moe, daiolouzü puhnou Israel maitao vei reihkei pomai taoye soutaosoua shepeie.

EBRIAMAI 11:33

Lü vanou puletao nou vedei taosü koloue, alia puletao nou acheche nasü soupfüa Ramai nou apaopei khaitouyu sü ngaoloue. Puletao nou khaosouveotao müsü khaaloue.

EBRIAMAI 11:6

Alia lüloumoa maitalinoua Ramai züpa soulouhoe. Daiolouzü Ramai hi taveyu maitalinou puh hai buwe ea puhye phoua bumaitaoye sü buu peiwe touyu sü louche vuzülai.

JEMS 2:14

Athaihou jürai khemai, maitalinou puhvei lü bue tea paokhaia vah halouzü süsü dai koyu bue? Puh lü nanou puhye khailu peilou süwu?

JEMS 3:13

Neletao hrohi thaohnou tsü veiwe ea tsü süwe? Puhye panou süsü puhvei hrümai aveinou, alia nataiyu ea ratsüna hinou soukhai touyu puhvei vah aveitao nou pongaokhaio.