JEMS 2:13 - SHEEYU BAIBEL (BSI)

¹³ Daiolouzü maiye zhuvea peimoyu puhye Ramai nou chikuyu kisü zhuvea peilai moe; ana zhuvea sünanou chikuyu sünaye kolouwe.

JEMS 2:13 Iomraidhean Croise

SHURAI 42:21

Süthaisü puletao hai maili nou maili hi haibüa paore, “Etao thaihou nanou kazhou koute vea-a Etao hi zhuvea peio tea khoyu puhvei paila nasü keipei ba-a Etao nou puh hi souyu vahso sünavei buusü chuo Etao pei hi veayu haikua vere.”

2 PUOPAOKO 28:11

Enou paoyu sü keilo! Hukhamai haitao sü neletao vei thaihou-jürai ae tupfü mai baie. Puletaoye panou lado soua tawo, molouzü Mapao vei lekha rarou nou neletaoye sü tudee peilaire.”

LOUTAO 18:25

Oh Mapaowo, nenou chilee checheyu mai hisü chilee cheche peie; mai aveih mai hisü nenou mai veisho peie.

LOUTAO 85:10

Tobai soumoa leshi peiyu ae louchilou veiyu nasü tave daolai; acheche ae kaonayu nasü alinou aliye mütei-a kholai.

TSÜCHITAO 21:13

Touha mainou krayu pai kei bayu mai nawo puh-a vuli kra palai, ana mai linoua puh pai sü kei peilai moe.

TSÜCHITAO 22:16

Lah chingi ngaopu loure donou touha maiye souveayu, moa toungi maiye peiyu nasü, lah touhata-a bailai.

ISAIAH 27:11

Süübo khesü kita chata-a bailai, alia naotumai nou süü sükhesü poloua mei deilai. Daiolouzü maikhe mai hai sükulou süyu tsüdo sü hare, südonou puletaoye Sou-apeio nou puletaoye zhuveayu sü bulai more, ae puletaoye leshi-jüpayu sü ngaopei laimoe.

JEREMIAH 9:24

Ana mai talinoua khaophu soulai toulouzü Eye süyu hinou panou khaophu soulo, daiolouzü Avei leshi hai tobai soumoa bukoute peilai, ae Enou acheche ae kaozü vah sü soupeilai. Enou jüpayu vah sü haitaore. Haisü Mapao Enou paowe.”

EZEKIEL 33:11

Cheche vujünou Ramai Mapao E hai hriyu Ramai thaifüa mah mai ali nou thaiyu sü ngaoloua E hai lesa moe tea puletao hi paopeio. Ewo louzü puhnou mah souyu bailoua hrilouyu nasü nou jüpapu hie. Südonou Oh Israel maitaore, vah ashi souyu sü thaowu-o. Neletao daisounou thainüwe?

MIKAH 7:18

Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae.

MATHIU 5:7

Zhuvea peilousü maisü rakoveie; daiolouzü puletao nou zhuvea ngaoloulai!

MATHIU 6:15

Ana neletao nou maikhemai mah khaipei molouzü, neletao Puonou-a neletao mah khaipei laimoe.

LUK NOU RÜYU KO AVEIBVÜ 16:25

“Ana Abraham nou paoe, ‘Anahna, likhaio, süolouzü nenou hribu kisü ne sü na avei teitei ngaoloure, alia sübüa Lazaras-a ashi teitei ngaoe; ana chuo puhsü haihinou vasho-a bure, alia newo chorosoua bure.

LUK NOU RÜYU KO AVEIBVÜ 6:37

“Mai kukheye chi kuso, alia neletaoye chi kulaimoe; maiye mah dukhaiso, alia neletaoye mah dukhai laimoe; maiye khaipeikhaio, alia neletaoye khaipeilai.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

JEMS 5:4

Zhukhaio, neletao nou neletao douhi vah souyu maitao hi vahzho lia peikhaimoe. Puletao nou motoua raoyu paisü keikhaio! Neletao vei chachiyu maitao nou raoyu pai sünasü reihmaitao vei Mapao, Ramai puh nou hi kheloure.

CHIKUAPEI MAITAO 1:7

Adonibezek nou paoe, “Enou vemai mai rainai ye puletao vei bahkrü ae phikrü daode peie, Enou souyu büa chuo Ramai nou ahia soupeire.” Puhye sü Jerusalem hi savere alia sühinou puhsü thaire.

CHIKUAPEI MAITAO 5:27

Puh sü honapai phi khevai deloure, honapai phi khevai leiloure. Puh sü honapai phi hi kaokoure. Puhnou kaokouyu buh hinou puh sü thaire.