JEMS 1:9 - SHEEYU BAIBEL (BSI)

⁹ Toure hayu thaihou jürai puhnou Ramai nou puhye soukupa peiyu kisü, lesalo,

JEMS 1:9 Iomraidhean Croise

LOUTAO 62:9

Emai touhai teikhai hüphou teanou veyu ali bütoua baie; aduso mai-a hazho tilia moe. Tai-du sümoa sühdou hinou polou douyu phaki puletao mai hrülai hai teikhai jünou thapu hie.

TSÜCHITAO 17:5

Touhayu maiye konüyu maisü puletaoye soupeiyu Ramai ye ngaohei-a baie; mai linou veahoyu vedaoyu phaki lesayu maiye sü tudee vuzülai.

TSÜCHITAO 19:1

Kaozü moyu chipao-a ae vo-a laiyu maina jüwo louzü chilee chechea touhayu mai lia veipu hie.

ISAIAH 29:19

Touha-soha laimai ae nataiyu maikhesü Israel maivei sheeyu Ramai Mapao hinou vasayu sü ngaopuloulai.

LUK NOU RÜYU KO AVEIBVÜ 1:52

Puhnou khou-chihyu vemaitaoye puletao vei vebuh hinou pokoure, alia nataiyu taoyenou pokupa peiwure.

LUK NOU RÜYU KO AVEIBVÜ 10:20

Sütoukhaia rashi taonou neletao khakhehi hrüe touyu vanou sawuso; ana neletao zhih hai rakihi rüthoure touyu vanou salo.”

LUK NOU RÜYU KO AVEIBVÜ 14:11

Daiolouzü lah puhye soukuyu mai taliye sü sounalai, alia lahnou natai-a buyu puhye sü souku peilai.”

LUK NOU RÜYU KO AVEIBVÜ 9:48

alia puletao hi paoe, “Maitalinou nahmai hainaye Azhih hinou popei louzü, Eye popeiwe, alia Eye popeiyu maitalinou Eye seive peiyu puhye popeiwe; daiolouzü neletao hrülai hrohinou tai-noukayu puhnou dukayu nasüe.”

ROMMAI 8:17

Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

2 KORINTHMAI 6:10

le souvea peiwukhaia, Ehsü teisanou le sawe; Ehhai toure hayu bükhaia, mai taoliye Ehnou southou hanipeie; halia hayu büa bukhaia Ehsü ha teitei buchewe.

PAODAKHAIYU CHIKHA 15:11

Deiphao hisü teisa nou touhamai bulai, südonou ne thaihou jürai mai hi alia neletao vei teidei hi buyu touhamai hisü bah süh-a lela veilo tea Enou neletao hi kharochi peiwe.

PAODAKHAIYU CHIKHA 15:7

“Neletao Ramai Mapao nou neletao hi peikhai touyu teidei hi buyu nuhdu tali hinou ne thaihou jürai mai hrohinou toure hayu mai bulouzü, touha buyu ne thaihou jürai hisü ngaophou moyu souso moa bah khetei touso.

PAODAKHAIYU CHIKHA 15:9

Paoh hapei laiyu po anai nasü nghi teire, südonou touha-a buyu ne thaihou jürai hisü poupao soupei khailai more alia halia peikhailai more tea tei-a tsüshi cho-a neletao hi pa hashi lou bulouso. Puletao nou Mapao hi kra-a neye paoshi louzü nenou mah hai pfülai.

PHILIPPIMAI 3:14

Südonou Enou Khrista Jisu hinou rakiva hilonou Ramai nou kuyuvei bu süna donou koyubuhmü hilova hupoa kouwe.

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

1 SAMUEL 2:8

Puhnou touhayu maiye sü deiphi hinou polashu peie, ae veahoyu maiye sousava peie; sübüa puletaoye panou veo nahmaitaoye koa bue, ae khuhaoyu buh hisü khaipeie. Deiphao soushuyu beikhei nasü Mapao vei-e, ae sühinou deiphao sü soushu peie.