JEMS 1:27 - SHEEYU BAIBEL (BSI)

²⁷ Puo Ramai nghojünou sheetouyu ea zhaikhai moyu rahrüzhai sünawo louzü, vearounaye ea meamaipfütaoye puletao vei veahoyu hi tave zhupeiyu, alia mailinou lah puhye deiphao nou soushi peiwure hinou chaalia taomoa bulouyu sünasüe.

JEMS 1:27 Iomraidhean Croise

LOUTAO 119:1

Mahmo lia soupfü moa Mapao vei chikha hinou hrüa laiyu maitao hai savayu maitaore.

LOUTAO 146:9

Puhnou Etao vei teidei hinou buyu shetumaiye vupa peie; puhnou mimea maipfü ae rounahtou taoye soukha peie, ana mai ashi maiye souha peie.

LOUTAO 68:5

Ramai hai puhvei sheeyu Rathoki hinou bue; puhnou rounahtou taovei pfüpuo sü soupeie, ae mimea maipfütaoye sü vupa peiwe.

ISAIAH 1:23

Neletao vei süthai-apei maitao hai maishi tare, ae avao maiye koa samai khamai soutare. Puletao hai seihla züpa tare alia sapeina khesü thaihu tare. Puletao hai vearou nahtouye sü vupei more alia mimeapfütao nou paoyu chi sü keipei bare.

MATHIU 12:32

Alia maitalinou Mai Nahpoutuye paoshiyuwo khaipeilai; ana Rako Mashiye paoshiyu maitaliye chu hrü haina hi-a, vere teisa hrü sünahi-a khaipei laimoe.

MATHIU 5:8

Le sheeyu maisü rakoveie; daiolouzü puletao nou Ramaiye ngaolai!

LUK NOU RÜYU KO AVEIBVÜ 1:6

Puhai maihainou Mapao vei razhai ea chikhatao sü soutaosou züa, Ramai nghojünou chaa lia ha-a cheche hinou hrüwe.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

ROMMAI 2:13

Daiolouzü Ramai nghojünou checheyu maitao hai razhai keilouyu maitao moe, ana cheche maiwe tea paopeire maitao hai razhainou paoyu süna souyu maitaoe.

GALATIAMAI 1:4

Eletaoye zhodo maikha ashi haina hinou khaipa peire donou, Eletao Ramai ea Puo puhvei li-choyu thaisü füa Khrista puh lahnou puhye sü Eletao vei mah donou thoupeiwure.

GALATIAMAI 3:11

Razhainou maitaliye Ramai nghojünou souzü peimoe touyu sü chuo sheetoure, daiolouzü sheeyu larübvü nou haibüa paoe, “Lü vanou Ramaiye koa souzü louyumai süna likhei hrilai.”

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

GALATIAMAI 6:14

Sütoukhaia Eye donou louzü Eletao Mapao Jisu Khrista vei krosna vanou likhei khaophu soubailai; daiolouzü puhvei krosna vanou deiphao hai Ahinou thaire, alia E-a deiphao hinou thaire.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

PAODAKHAIYU CHIKHA 14:29

Sükure toulouzü neletao nuh hinou hrübuyu Levi mai (teidei kaalo hayu maitao), alia shetumai, pfüpuo hamai alia mimeamai hrülai tave toulou shulai alia pouphou rekhalai, alia sükoulouzü neletao Ramai Mapao nou neletao nou vah souyu veishi hi ha peilai.

1 TIMOTHI 1:5

Ehvei kharochi hainavei ko matsüwo louzü ra-hazheiyu le hinou, lekhetsü aveina hinou ea kao-züyu lü sütao hinou payu leshi süna panou paloure donoue.

1 TIMOTHI 5:4

Ana meapfümai talivei tao-nahmaitao bue toulouzü puletaoye panou lah puletao kikhamai hilo rahrüzhai vei vah sovei taosü soupei loure raikai-a panou douloukhaio ea sübüa puletao pfüpuo ea pai-paomai taovei paosü khapeikhaio; daiolouzü sübüa souyu hai Ramai vei züpa nasüe.

TITA 2:12

Zhuvea hainanou Eletao hi ramai loumoyu hrü ea deiphao hi vasou züpatao thaowu-a lahye tukha-a, cheche-a, alia deiphao haina hinou ramaiye phoua hrüloure doupeiwe,

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

JEMS 3:9

Eletao nou hainaye posei-a Eletao Mapao ea Puoye kalo paowe, alia hainasü posei-a Ramai zhurai hinou soukhai touyu maikhe maiye chawe.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

2 PITAR 1:4

Haikua, puhnou apaopei khaitouyu dushoyu ea muhtei shoyu sapeina taosü Eletao hi peiwure, süolouzü sapeina haitao vanou, ke-zhe züpa vanou veyu deiphao hi buyu ashi süna hinou neletao nou tupaloua Ramai vei zhai nasü koa zha ngaozho loulai.

2 PITAR 2:20

Maikhe mainou puletao hi buyu Eletao Mapao ea Khailu-apeio Jisu Khrista vei tsü süna vanou deiphao vei ashi khouko süna hinou tupa louyu thainou khailou sütao hinou muloua sütaonou puletaoye kolou khailouzü, sükuyu mai haitao vei hrümai hai shurai jünou akhai nanou shikou shotare.

2 PITAR 3:14

Südonou, Asakhemai, neletao nou Teithe sünasü khoa buyu hisü, Ramai nghojünou sheetoua ea chaalia ha-a ea puhye koa kaona-a buloure donou soutaosou telo.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.