JEMS 1:26 - SHEEYU BAIBEL (BSI)

²⁶ Maitalinou puh hai rahrüzhai veishoa tae tea chowu? Puhnou puhvei malisü tukhatsü khaiwu molouzü, puhvei rahrüzhai nasü hakobaie ea puhsü lah puhye labaiwe.

JEMS 1:26 Iomraidhean Croise

JOB VEI LARÜBVÜ 15:13

Ne Ramai pei hi rarou-a puhye paoshiwe.

JOB VEI LARÜBVÜ 30:11

Ramai nou avei khouko souhazei toupeiwure, chuo puletao nou ahi puletao vei lekha-rarou nasü shameayu hare.

LOUTAO 141:3

Oh Mapaowo, amü panou khore donou reikhaomai ali khaipeio, avei mütaiye panou khore donou mai ali khaipeio.

LOUTAO 32:9

Neletao hai tsü hayu rhei moa rheisüh büa voyu souso, puletao vei mü sü khaloua rai nou phulou moyu thaio puletao hai paochi zülai moe.”

LOUTAO 34:13

Sütao hai jüpawe toulouzü, chi la ashi paoso, ae dayu chi paoso.

TSÜCHITAO 10:19

Nenou chi alao paolouzü, ne sü mah soupu louveie, ana mü tukhalou mai nasü tsüveiyu mainae.

TSÜCHITAO 10:31

Acheche mai mü nou tsüvei paopa peiwe, ana kaozümo souyu mai mali louzü daode laiwu bailai.

TSÜCHITAO 14:12

Mai linou ludu haina hai kaore tea tsücho-a buyuma, sünasü akhai hi kou thailou veiyu ludu soulou veie.

TSÜCHITAO 15:2

Tsüveimai linou chi paoyu phaki, puletao nou tsüdo sü panou veisho-a ngaowe, ana vomai müwo kaozü moyu chipao pao-a baiwe.

TSÜCHITAO 16:10

Ramai nou zhopeiyu vemai ali hio, puhnou chikuyu phaki mah soumoe.

TSÜCHITAO 16:25

Mai linou ludu haina hai kaore tea tsücho-a buyuma, sünasü akhai hi kou thailou veiyu ludu soulou veie.

TSÜCHITAO 19:1

Kaozü moyu chipao-a ae vo-a laiyu maina jüwo louzü chilee chechea touhayu mai lia veipu hie.

TSÜCHITAO 21:26

Teisa nou mai ashimai nawo maivei thainüa bubaiwe, ana checheyu mai nawo lela veisho-a peikoute-a baiwe alia halia shokhailou moe.

ISAIAH 1:13

Hamako hinou Eye pove sheela peipu khaiso. Neletao nou poukai nüvei meidei-a Eye thoyu hai Ewo kai hüthoulou hore. Khouh Ashu Nüh nüyu, Soteithe reiyu alia maisou nou tave jüa buyu teitei sü Ewo zhu thoulou hore, daiolouzü sütao teitei hai neletao vei mah nou souzhai khaiwure.

ISAIAH 44:20

Puhnou vounai touyu büa puhvei voyu tsü sünou puhye süthaimah peiwure, ae puh hai lah puhye khailupa louhore, moa puh bah zhoulo nou poa buyu bashara nasü dayu ramai baie touyu pao-a paopalou hore.

MALAKAI 3:14

Neletao nou paoe, “Ramai vei kuvah souyuo hakobaie. Etao nou Puh chi züyu moa Khoukhoulai Mapao nghoujünou Etao dopfüa laiyu mai ali kua tayu hai daie zhiyu bue?

MATHIU 15:9

Hakonou puletao nou Eye thowe, daiolouzü puletao nou deiphao emai zhainou Azhai soua doupeiwe!’ ”

MARK 7:7

Puletao nou Eye hakonou thowe, daiolouzü puletao nou emai zhainou razhai soua doupeie!’

LUK NOU RÜYU KO AVEIBVÜ 8:18

“Südonou neletao nou kabüa keilousa, leikeilo; daiolouzü buyu puh hisü peipu khailai, ana hazhia buyu puh hiwo lah puhnou daotu buhie tea choyu süna koutea potawu bailai.”

1 KORINTHMAI 15:15

Süjünou koua Ehye sü Ramai vei amada zhopaoh maitao tea ngaopeire, daiolouzü Ehnou Khristaye Ramai nou athai hinou souhrishu peie tea paoe, ana thaimai hai hrishumoe touyu hai chekhao louzü, süthaisü puhnou Khristaye souhrishu peimoe.

1 KORINTHMAI 15:2

Enou neletao hi paodouyu chipao sünasü Ko Avei sünasüe. Neletao nou Ko Avei haina hai potouloua bulouzü, sünanou neletaoye khailu peire— molouzü neletao sü raohanou louchebaire.

1 KORINTHMAI 3:18

Maitalia lahye lawuso. Neletao hronou maita linou deiphao haina zhai hinou tsüveie tea cholouzü, puhye panou chekhaoa tsüvei loure donou avomai souloukhaio.

GALATIAMAI 2:6

Ana süthai-apeimai zhaisoua buyu maitaowo (Enou sübüa paoyu süolouzü puletao nou daidai soua bukhaia sünanou Ahi halia soukuyu hae; Ramaiwo maizhai zhumoe) puletao nou Avei chipao jünou halia thoupure hae.

GALATIAMAI 2:9

Alia Ramai nou Ahi peikhai touyu zhuvea nasü puletao nou sülouyu kisü, süthai-apeimai soua zhihta-a buyu Jems, Pitar ea Johan nou Eletao hrülai hai koa vah souzhoyu maitaoe touyu shee soua Barnabas Ahaiye bahsüe, alia Barnabas Ahainou tahrüh kukhe maitao hrohinou ea puletao nou Jihudimai hrohinou vah soure puletao nou ae-ao toupeire.

GALATIAMAI 3:4

Neletao nou veahoyu daoyu veishisü hako bairewu? Moe, sühisü hali buvuzüe!

GALATIAMAI 6:3

Daiolouzü maitalinou haliamo bukhaia puh hai halie tea chuwu louzü, puhsü lahye labaiwe.

EPHESAMAI 4:29

Neletao mü hinou chi-lashi paopawuso, anou nelenou paoyu sünanou keia buyu maitaohi avei soupei loure donou teile kao-zhou zhua soudu papei loure chi sütaonou paolouwo.

EPHESAMAI 5:4

Moa neletaoye donou hraopachi paoyu, sheemoyu chi moa müro-mübaoyu chi paoyu zümoe. Süjüwo neletao nou Ramai hi kalo paoloukhaio.

PAODAKHAIYU CHIKHA 11:16

Leikeilo, sükumore toulouzü neletao tsüle data-a rah kukheye thota louveie.

KOLOSSEMAI 4:6

Neletao nou kazhaibüa maikhemai hrülaihi chila peizüe touyu süloure donou neletao chipaosü taikhü büa panou teisanou kaivei sholo.

JEMS 1:19

Leshiyu Athaihou jürai khemai, haisü sülouwo! Maikhemai hrülainou chouyu hinou thayu, ana chi paoyuhi ea lekhayu hisü shosho souyu souloukhaio,

JEMS 1:22

Ana neletao nou chipao nasü souyumai soulouwo, alia lah neletaoye la-a chouyumai likhei souwuso.

JEMS 2:20

Avowo! Vah loumoyu lü nasü hakobaie touyu sü nehi pongao peiyu nenou züpawu?

1 PITAR 3:10

Daiolouzü sheeyu larübvü hinou haibüa paoe, “Hrümaiye leshiyu ea avei teithe ngaonü-a buyu puhye panou ashi chi ea amada chi paore hinou khalou khaio.