JEMS 1:25 - SHEEYU BAIBEL (BSI)

²⁵ Ana maitalinou do soupeiyu licheyu razhaina hisü zhuloua sühisü thaokhaimoa le peitoua keiloua ngaiwuyumai soumoa süna souyumai soulouzü, mai sünaye sü puhnou soupfüyu hisü Ramai nou hapeilai.

JEMS 1:25 Iomraidhean Croise

LOUTAO 106:3

Puhvei chikha khesü züa laiyu maitao ae teisa nou kaozü nasü soua buyu maitao hai savayu maitaore.

LOUTAO 119:32

Enou nevei kharochi khesü soutaosoua nou züloulai, daiolouzü sütao nou Eye tsü veipuyu nasü peilai.

LOUTAO 119:45

Enou lahdo soua hrüa bulai, daiolouzü nenou paodou peikhai touyu khesü Enou züre donou te-a bue.

TSÜCHITAO 14:15

Chaome souyu mainawo haveishi nou louche baiwe, ana souzü süyu nawo louzü puhnou daiki tawe tiyu zhuwe.

ISAIAH 8:20

Neletao nou puletao hisü haibüa chila peilai, “Mapao nou Eletao hi doupeiyu khesü keilo! Keingumai ae thaimai ko pola-apei maitao nou paoyu sü keiso, puletao nou paopeiyu hinou haveih ali koute-a palai moe.”

LUK NOU RÜYU KO AVEIBVÜ 11:28

Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”

JOHAN 13:17

Neletao nou haitaohai sülouzü, sütao soua buyu neletao donou rakoveie.

JOHAN 8:36

Südonou Nahpoutu nanou neletaoye mado soupei louzü, neletaosü chekhaoa mado souloulai.

SEI-ATAMAI VAHTAO 13:43

Alia maikhe mainou ratholoua popayu kisü Jihudimai taoli ea leishoa rathoyu Jihudimai zhai polouyu maikhemai taolinou Paul ea Barnabas thaifüa taloure ea puhai nou puletaoye chipha-a Ramai vei zhuvea hinou tobai soumoa buloure donou soutaosoua süpeie.

SEI-ATAMAI VAHTAO 2:42

Alia puletaosü sei-atamai taonou doupeiyu hi, rako meime hi, raokhao soukhoyu hi ea veachi paoyu hinou tobai soumoa lenou shoa buloure.

SEI-ATAMAI VAHTAO 26:22

Ana zhou koutesü Ramai nou Eye soukhapeie alia südonou Enou buh haihinou la-a taidu hrülai hi raibüa Enou Avei zhopaoh peiwe. Enou paoyu sü rachi paola mainou ea Moses nou sübüa palai tea raia paoyu sünaye raibübaie!

ROMMAI 11:22

Ramai hai daizhozhou zhuvea süsa ea daizhozhou poushisa touyu sü hai hinou Eletao nou ngaoe. Puhwo kaotayu maitao hisü poushishoe, ana puhvei zhuvea hinou nenou tobai soumoa bulouzü nehisü zhuvea peilai. Ana sükumore toulouzü ne-a chatalai.

ROMMAI 2:13

Daiolouzü Ramai nghojünou checheyu maitao hai razhai keilouyu maitao moe, ana cheche maiwe tea paopeire maitao hai razhainou paoyu süna souyu maitaoe.

ROMMAI 7:12

Südonou razhainawo louzü sheebaie, alia chikhanawo louzü sheebaie, kaozübai ea veibaie.

ROMMAI 8:15

Daiolouzü Ramai nou neletao hi peikhai touyu Rako sünanou neletaoye panou qila soutamoe ea neletaoye panou pimoe. Süjüwo Rako sünanou neletaoye panou Ramai nahtao souloue, alia Rako sünavei khouko hinou Eletao nou Ramai hi, “Puo! Apuo!” tea shapae.

ROMMAI 8:2

Daiolouzü Khrista Jisu hinou ahri Rakovei razhai nanou Eye sü mah ea athaivei razhaina hinou do soupeire.

1 KORINTHMAI 15:58

Südonou leshiyu Athaihou jürai khemai, latoulo ea lükhaiso. Mapaowo donou vah souyu hisü kou-noulo, daiolouzü Mapaowo donou te-a vah souyu hai hakia raohamoe touyu sü neletao nou süwe.

2 KORINTHMAI 13:5

Neletao hai lühi bubu mosa neletao lahnou zhai zhukhaio ea chikukhaio. Neletao nou zhai zhuyu süna hinou laloumo baiyuwo deinou, Khrista Jisu hai neletao hi bue touyu sü veimosoua neletao nou süwe?

GALATIAMAI 2:4

Ana madayu thaihou jüraimai kamainou khei-a panou süsü sounüwe. Mai haitao nou lüloumai zhai souloua Eletao nou Khrista Jisu ye koa ali soulouyu hinou buyu mado sünasü kheikheisou phoupaloua Eletaoye panou kilai soua buloure donou Eletao me hrohi velou loure,

GALATIAMAI 5:1

Madosoua hrüloure donou Khrista nou Eletaoye do soupeire! Südonou do soulouyu mai kua latoulo, alia lah neletao khailou kilaivei kousü pfüpuwuso.

GALATIAMAI 6:2

Alinou likou pfükha peikhaio, alia sübüa Khrista vei zhai nasü souve tepeio.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

1 TIMOTHI 2:15

Ana naotupai puhnou lü hinou avei zhai-hrü noupu koa thaokhaimoa hrüa bulouzü puhye sü tou-nah hrüyu hinou khaipa peilai.

1 TIMOTHI 4:16

Nelah neye ea nevei doupeiyu hisü zhutoulo. Vah sütaosü thaokhaimoa soua bukhaio, daiolouzü nenou sübüa soua bulouzü, nenou nelah neye ea nechi kei-a buyu maitaoye khailu loulai.

EBRIAMAI 12:15

Ramai vei zhuvea hinou thaikhai talou more donou ea khataoyu matsülou loua paopa maiye soubvüa mai alaoye souzhaiwu more zhutoulo.

JEMS 2:12

Südonou do souyu vei razhai khehinou chiku laiyu mai sütao büa chi paolo ea vah soulo.

1 PITAR 2:16

Mado soulouyu mai kua hrülo; sütoukhaia ashi taliye pokuloure donou neletao vei amado nasü seiwuso, ana Ramai vei kilaitao kua hrülo.

1 JOHAN 2:24

Südonou shuraikinou neletao nou choulouyu chipao nasü neletao lekhehi pokhai vuzüloukhaio. Neletao nou chipao süsü pokhaire toulouzü, süthaisü neletao nou Nah Poutu ea Puoye koa alikheisoua teisanou hriloulai.

PONGAOPEIYU 14:13

Süthaisü raki vanou pai alinou haibüa paoyu Enou choue; “Haisü rükhaio: chu shonou Mapaowo vei kuvah souyu hinou thaiyu maisü rakoveie!” Rakonou chila peie, “Ovai achechenou! Puletao nou puletao vei te-a vah souyu hinou soloulai, daiolouzü puletao vahnou puletao thaifüwe!”

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.

1 SAMUEL 12:14

Neletao ae neletao vei veo nou neletao Ramai Mapao ye tsükhou-a puhvei kuvah soulouzü, puhvei paochi züa puhvei chikha teitei thaifütou toulouzü, neletao hi ha teitei nou kaozhou vei-a hrüa bailai.