JEMS 1:22 - SHEEYU BAIBEL (BSI)

²² Ana neletao nou chipao nasü souyumai soulouwo, alia lah neletaoye la-a chouyumai likhei souwuso.

JEMS 1:22 Iomraidhean Croise

ISAIAH 44:20

Puhnou vounai touyu büa puhvei voyu tsü sünou puhye süthaimah peiwure, ae puh hai lah puhye khailupa louhore, moa puh bah zhoulo nou poa buyu bashara nasü dayu ramai baie touyu pao-a paopalou hore.

JEREMIAH 11:6

Mapao nou Ahi paoe, “Vo soukhai touyu chipaotao sü Judah vei nuhdutao hi alia Jerusalem vei maisou ludutao hisü taho paosü peio, ae maikhe maitao hisü chipao sütao hai keilo alia zülo tea paopeio.

OBADIAH 1:3

Nevei khaophu souyu sünou neye laluwure. Chulya kohinou hrüyu neletao; kushoyu buh hinou hrübuyu neletao, neletao hai lah neletao hi haibüa paowe, ‘Thaonou Eye nayu deiphi hi pokoulai?’

MATHIU 12:50

Daiolouzü rakibu Apuo vei leli souyu maitali sü Athaihou jürai, Atu ea Apfüe.”

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

LUK NOU RÜYU KO AVEIBVÜ 11:28

Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”

JOHAN 13:17

Neletao nou haitaohai sülouzü, sütao soua buyu neletao donou rakoveie.

ROMMAI 2:13

Daiolouzü Ramai nghojünou checheyu maitao hai razhai keilouyu maitao moe, ana cheche maiwe tea paopeire maitao hai razhainou paoyu süna souyu maitaoe.

1 KORINTHMAI 15:33

Maiye panou lawuso, “Samai ashinou zhai avei souhawu baiwe.”

1 KORINTHMAI 3:18

Maitalia lahye lawuso. Neletao hronou maita linou deiphao haina zhai hinou tsüveie tea cholouzü, puhye panou chekhaoa tsüvei loure donou avomai souloukhaio.

1 KORINTHMAI 6:9

Cheche moyu mainou Ramai Vedei sü ngaolaimoe touyu sü neletao nou sümowu? Neletao lah lawuso; khu-lou souyumai, bashara thomai, mai chapfüna sapamai, lah poutu ea naotu hao-a koa buyu,

GALATIAMAI 6:3

Daiolouzü maitalinou haliamo bukhaia puh hai halie tea chuwu louzü, puhsü lahye labaiwe.

GALATIAMAI 6:7

Neletao lahnou lawuso; maitalinoua Ramaiye konü louhoe, daiolouzü maitalinou puhnou vukhai touyu süsü puhnou chiloubaiwe.

PHILIPPIMAI 4:8

Akhai hinou Athaihou jürai khemai, checheyu teitei, tsükhoulou veiyu teitei, züyu teitei, sheeyu teitei, zhaivei shoyu teitei, zhuvea peiyu teitei, veishoyu hatali bue toulouzü, paosho züyu hatali bue toulouzü, na haitao vanou chotou loukhaio.

KOLOSSEMAI 3:17

Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.

2 TIMOTHI 3:13

alia mai ashimai ea aveikho soumai taosü mai kukhe maiye la-a ea lah puletaoye-a la-a shikhai shikhai tabailai.

TITA 3:3

Daiolouzü lah Eletao-a teileli hisü voe, paoyu zübae ea madae. Eletao sü vasou züpa ea deiphao hi va-sayu tyatyali vei qilatao soue. Eletao sü maiye ngaoba-ngaorai-a hrüe; mai kukhenou Ehye ngaobae ea Ehnou-a puletaoye ngaobae.

JEMS 1:26

Maitalinou puh hai rahrüzhai veishoa tae tea chowu? Puhnou puhvei malisü tukhatsü khaiwu molouzü, puhvei rahrüzhai nasü hakobaie ea puhsü lah puhye labaiwe.

JEMS 4:11

Athaihou jürai khemai, alinou li pei hi chishi paowuso. Thaihou jürai chi paoshiyu moa thaihou jüraiye chikuyu maitalinou razhaiye paoshiwe ea sünaye chikuwe. Ana nenou razhaiye chiku louzü, ne sü razhai chi züyumai more, ana sünaye chiku-apeio nasüe.

JEMS 4:17

Südonou maitalinou avei soure sü süloua süsü soumo louzü, puhye donou süsü mah-e.

2 PITAR 2:13

Alia puletao nou souvea peiyu süna donou puletaoye veayu nou paorü peilai. Puletaoye donou vayu touyuhai teiva hinou puletao ke-zhe züpa tali souyu süsüe; ha teitei hinou puletao vei amada ludu hinou ta-a, puletao nou neletaoye koa tou-shoyu hai ahrao ea zhih soushiyu süsüe.

1 JOHAN 1:8

Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae.

1 JOHAN 2:3

Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

1 JOHAN 3:7

Anah khe maitao, maitaliye panou neletaoye lawuso! Khrista nou checheyu büa, cheche vah souyu puhsü cheche maie.

3 JOHAN 1:11

Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 22:7

Jisu nou paoe, “Zhukhaio! Esü thala-a laire! Larübvü hainavei rachi paopakhai touyu chipaotao zülouyu puhsü rakoveie.”