JEMS 1:21 - SHEEYU BAIBEL (BSI)

²¹ Südonou hrühaoyu tatou ea zhaido ashi teitei thaokhaiwuwo, alia neletao rakoye khailu peilou süyu Ramai puhnou neletao lethou hi shothou khaitouyu chipao sünasü natai-a polo.

JEMS 1:21 Iomraidhean Croise

LOUTAO 25:9

Puhnou tainoutou soua laiyu maikheye sü acheche ludu hi süthai sa-a tapeie, ae puletao hi puhvei leli nasü doupeie.

ISAIAH 2:20

Teithe süzhou sü puletao nou shahu ae sana nou soukhai touyu bashara khesü zhao ae bailou hi shilai peilai.

ISAIAH 29:19

Touha-soha laimai ae nataiyu maikhesü Israel maivei sheeyu Ramai Mapao hinou vasayu sü ngaopuloulai.

ISAIAH 30:22

Süthaisü neletao nou shahu ae sana nou poa soukhai touyu bashara khesü sheemoyu na ali büa shilai bailai, alia neletao nou sütao hisü “Anghingao hinou talo” tea paolai.

ISAIAH 61:1

Khoukhoulai Mapao nou puhvei rako sü ahi thoupeiwure, touhalai mai hi ko aveih paopeire donou; levea-a dopfü laiyu maiye souveih peire donou, vakou nüpoa tayu maitaoye phapeire pao sü peire donou, Mapao nou Eye doloure alia Eye seitawe.

EZEKIEL 18:31

Neletao nou vah ashi soua buyu teitei thaokhaiwu-o, ae neletao tsüle ashu nasü polo. Israel maitaore, neletao daisounou thai nüwe?

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

ZEPHANIAH 2:3

Teidei haihi nataiyu mai hrülai, Mapao vei kharochi züa buyu mai, Puhye phoulo; acheche nasü phoulo, tainou souyu nasü phoulo; sükulouzü Mapao vei lekha-rarou payu teithe neletaoye poku peishulai.

MATHIU 5:5

Nasha-a bumaisü rakoveie; daiolouzü deiphaohai puletao vei soulai!

JOHAN 6:63

Ahri peiyu hai rako noue, vasou louzü zhiyu alia hae. Enou neletao hi paopeiyu chipao taosü rakoe ea ahrie.

JOHAN 6:68

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

SEI-ATAMAI VAHTAO 10:33

Südonou Enou thalasou nehi maiye seive neye kue, alia nenou vepeiyu hai veishore. Südonou chuo Eh hi paopeire Mapao nou nehi chikha peikhai touyu teiteisü keire donou khoa Eletao hrülai sü Ramai nghojünou ve bukhaire.”

SEI-ATAMAI VAHTAO 13:26

“Athaihou jürai soua buyu Abraham nahmaitao ea neletao hrohinou Ramaiye pi-a hrüyu tahrüh kukhe maitao, Eletao hisü khailupeiyu ko haina seive peikhaitoue!

ROMMAI 1:16

Daiolouzü chipao Avei vanou Esü ahrao moe; haisü lü loucheyu mai hrülai süolouzü raikai-a Jihudimai ea süthai tahrüh kukhe maiye-a khailu peire Ramai vei khouko nasüe.

ROMMAI 11:17

Shothou khaitouyu Oliv süübotao sü chata louzü, sühisü rekou vei Oliv süübonou pove cholouwe. Nele tahrüh kukhemai taosü rekou vei Oliv süübe süna kue, alia chuo ne sü Jihudimai vei rako hilo chihshoyu hrümai naye koa lou zha ngaozho loure.

ROMMAI 6:17

Ana Ramai kalo paowe! Daiolouzü teile lihi neletao hai mah qila soukhaia, neletao nou neletao hi peikhai touyu doupei zhai sünasü le teiteinou züloure.

1 KORINTHMAI 15:2

Enou neletao hi paodouyu chipao sünasü Ko Avei sünasüe. Neletao nou Ko Avei haina hai potouloua bulouzü, sünanou neletaoye khailu peire— molouzü neletao sü raohanou louchebaire.

2 KORINTHMAI 7:1

Asamaitao, apaopeiyu haitao sü Eletao hi soupei khaitoue. Südonou pfüphao moa rakoye souhao peiyu ha teitei hinou lah Eletao sü sousheeloua bulou laikhe, alia Ramaiye pi-a hrüa Eletao sü shee-a bulou laikhe.

EPHESAMAI 1:13

Neletaoye khailu louyu pove peiyu Ko Aveina, cheche chipao süna neletao nou choulouyu kisü neletao-a Ramai vei maitao souloure. Neletao nou Khristaye louche loure, alia Ramai nou neletao hi puhnou apaopei khaitouyu Rako Mashi nasü peiwu-a neletao pei hi puhvei paoshee nasü nokhaire.

EPHESAMAI 4:22

Südonou neletao vei hrü akunahi buyu zhai ea madayu ke-zhe züpa thaifüa souhao-soushiyu neletao vei hrü akunasü thaowuwo.

EPHESAMAI 4:25

Südonou madayu sü thaowu-a mai hrülainou lah lahvei kinapamai hisü chichenou pha-kukhaio, daiolouzü Eletao hrülaisü Khrista vei pfüphao hinou vasou ali baie.

EPHESAMAI 5:4

Moa neletaoye donou hraopachi paoyu, sheemoyu chi moa müro-mübaoyu chi paoyu zümoe. Süjüwo neletao nou Ramai hi kalo paoloukhaio.

1 THESSALONIMAI 1:5

Daiolouzü Ehnou chipao avei nasü chipaonou likheithe paobaimoa khouko ea Rako Mashi noupu süsü cheche vuzüe touyu sü sütoupoa nelehi povepeie. Ehnou neletaoye koa hrübuki Eh hai kabüa hrüsa touyu sü neletao nou süwe; alia süsü lah neletao veiloure donou baie.

1 THESSALONIMAI 2:13

Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue.

TITA 2:11

Daiolouzü Ramai nou emai hrülaihi khailu peiyu hai pove peire donou puhvei zhuvea hai pongao peiwure.

EBRIAMAI 12:1

Südonou Eletaoye dushoyu teihao büyu zhopaohmai taonou züpoa buyu donou, Eletaoye khua buyu teitei, alia Eletaoye lalapasoua phua buyu mah nasü polaiwu laikhe, alia Eletao nou shamea poa Eletao nghojü hi buyu tuvare nasü tulaikhe.

EBRIAMAI 2:3

Eletao nou haibüyu dushoyu khailu peiyu nasü ngaophou molouzü kakua Eletao sü tupaloulai? Rairaikaia Mapaowo lahnou khailu peiyu hainasü paosüpeie, alia puh chi choulouyu puletao nou süsü chechewe tea Eletao hi zhopaoh peie.

EBRIAMAI 4:2

Daiolouzü ko Avei nasü puletao hi velouyu büa Eletao hi-a ve; ana puletao nou choulouyu chipao nasü puletaoye donou ha zhiyu ali-a hare, daiolouzü puletao nou sünasü choulou-a lünoupu koa poloumoe.

JEMS 4:8

Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

JEMS 5:20

haisü puhye panou liloukhaio: Maitalinou mahmai aliye puhvei kao-zü moyu du hinou sadakhai vepei louzü puhnou mahmai sünavei rakosü athai hinou khailu peiloulai ea mah alaosou hongi peiwulai.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 PITAR 1:9

daiolouzü neletao nou puhye lüa buyu süna vanou neletao nou neletao rako khailu louyu sü ngaoloure.

1 PITAR 2:1

Südonou neletao nou ashi teitei, amada teitei, aveikho souyu teitei, maiye ngaoraiyu teitei moa maiye sou-ahraoyu chi paoyu teiteisü thaokhaiwuwo.

1 PITAR 2:11

Asa khemaitao, deiphao hinou shesü-shetumai ali kua Enou neletao hi khowe. Neletao rakoye teisanou reih züa buyu pfüphao vei züpa nasü thaowuwo.