JEMS 1:19 - SHEEYU BAIBEL (BSI)

¹⁹ Leshiyu Athaihou jürai khemai, haisü sülouwo! Maikhemai hrülainou chouyu hinou thayu, ana chi paoyuhi ea lekhayu hisü shosho souyu souloukhaio,

JEMS 1:19 Iomraidhean Croise

NEHEMIAH 8:18

Khonüh nütayu teithe arai hinou poa akhai koute hai puletao nou Ramai vei Chikha nasü teithetsü nou phou-e. Puletao nou teithe anai koute hai khonüh nüe, ae Chikha thaifüa teithe acha zhou hai akhai vei khonüh nüe.

NEHEMIAH 9:17

Puletao nou paochi zübare; puletao hai nenou soupeikhai touyu vah haso khesü ngaiwure; nenou khupayu vah soupeikhai touyu khesü puletao nou ngaiwure. Puletao vei khaophu hinou puletaoye süthaisa-a Ejipt hi dakhaiho maivei qila soure donou süthai-apei maiye sü dopa loure. Ana ne hai khailu peiyu Ramai-e; ne hai maiye zhuvea leshi süyu Ramai-e, lekha rarou haha chamoe. Nevei zhuveayu hai dusho-e; nenou puletaoye sü thaokhai toumoe.

NEHEMIAH 9:3

Teilecho asü phali hai Ramai Mapao vei Chikha hai puletao hi phoungao peie, ae süthailo teilecho asü phali hai puletao nou soumah khaitouyu mahmo khesü mahla-e, alia puletao vei Ramai Mapao ye tho-e.

JOB VEI LARÜBVÜ 32:16

Puletao hai raomozei tea bubaire, chila lia peipu loure ha-a nou ngasou bure, E-a puletaoye kho-a ngasou paikhai toumoa bulaiwu?

TSÜCHITAO 10:19

Nenou chi alao paolouzü, ne sü mah soupu louveie, ana mü tukhalou mai nasü tsüveiyu mainae.

TSÜCHITAO 13:3

Lah müye tukha louyu mai sü lahvei hrü hai vulouwe; chaochao soua chi paoyu maisü lahvei hrü hai souhaloua baie.

TSÜCHITAO 14:17

Lekha shiyu mai liwo thoulou moyu vah souwe, ana lahvu soulou süyu mai louzü shamea süe.

TSÜCHITAO 14:29

Sososoua lekhayu nasü tsüveie, ana lekha ashi mai lisü puhvei kaozü moyu sü soupa ngao-a baie.

TSÜCHITAO 15:18

Lekha shimai linou radaipa peia züvei baiwe, ana shamea süyu mainou soukaona peiwe.

TSÜCHITAO 15:2

Tsüveimai linou chi paoyu phaki, puletao nou tsüdo sü panou veisho-a ngaowe, ana vomai müwo kaozü moyu chipao pao-a baiwe.

TSÜCHITAO 16:32

Heamea süyu nanou khouko buyu mai jünou veipu hie. Lahye tukha lousüyu nanou nuhdu veishi khasa-a buyu jünou veipu hie.

TSÜCHITAO 17:14

Züvei parai hiwo dzü dekhai touyu zaibvü hinou dzü tsütayu büa baie; südonou züva pamo jünou tavai lou-a baio.

TSÜCHITAO 17:27

Lah vei chipao tukha louyu maisü tsüdo bue, alia tsüle kaonayu maisü tsüsüyu mai-e.

TSÜCHITAO 18:13

Chila peimo jünou mai chi sü keitou louraio, sübüa soulou moyu thaio, süsü lah nevei voyu alia hraongu baie.

TSÜCHITAO 18:21

Athai ae ahri sü nevei mali khouko hi bue, alia sünaye leshiyu maisü süna vei thou toulai.

TSÜCHITAO 19:11

Tsüveiyu maili-o sososoua lekha baiwe. Mai linou puh hi soumah peiyu phaki, sünaye khaipeiyu hai veikayu nasüe.

TSÜCHITAO 19:19

Lekha shishoyu mai nasü puhye panou ngaozü nasü ngaolou theo; nenou puhye phapei louzü haithaia ne sü soupua bailai.

TSÜCHITAO 21:23

Kaozhou ashi ae veahoyu sü daolai moe toulouzü, soutaosoua ne lah mü-li sü tukhalo.

TSÜCHITAO 25:28

Lahnou lahye tukhalou hoyu mai lisü pepotayu alia kaoro lia ha-a buyu nuhdu büa baie.

TSÜCHITAO 29:20

Tsücho moa chi paohahayu mailia ne ngaoho moe? Sükuyu mai sü vomai nou areih bupu hie.

MAIPEI PHOUYU 22:27

Rheisüh nanou rakivamai naye ngaolou khaie, rheisüh nasü deiphi hi kou dazü loure; ae Balaam hai rarou sholoua puhvei süpo sünou rheisühye sü poa dare.

MATHIU 5:22

Ana chuo Enou neletao hi paowe: puh thaihou jüraiye rarouyu maitaliye sü chi kure donou savelai, maitalinou puh thaihou jüraiye ‘Hakonawo!’ tea kulouzü puhye sü tsümehi save lalai, alia maita linou puh thaihou jüraiye, ‘Avowo!’ tea paolouzü puh hai meizhai hi loure rakoshi nasü daolai.

MARK 12:37

Lah David noua puhye ‘Mapao’ tea kue; südonou kabüa Khrista hai David nahpoutu khailai?” Alia mai alaonou puh chihai sashoa keinoue.

MARK 2:2

Südonou mai alaosou tave dzüloure, alia süvanou sühisü puletaoye donou buh hare ea kikhu nghojü koute hazheire; alia puhnou chipao nasü puletao hi paodoupeie,

LUK NOU RÜYU KO AVEIBVÜ 15:1

Teithe ali hisü kikha khamai ea mahmaitao alaosou Jisu chi keire donou puhye tave sühao loure.

LUK NOU RÜYU KO AVEIBVÜ 19:48

sütoukhaia puletao nou kabüa southealai touyu dolia phouhare, daiolouzü maikhemai hrülaisü le loushoa puh chipaotaosü kei-a bue.

SEI-ATAMAI VAHTAO 1:15

Alia teithe sütao kisü lüloumaitao hrohinou Pitar nou tashu laloua paoe (vedzüa buyu mai kaihlia kai phae),

SEI-ATAMAI VAHTAO 10:33

Südonou Enou thalasou nehi maiye seive neye kue, alia nenou vepeiyu hai veishore. Südonou chuo Eh hi paopeire Mapao nou nehi chikha peikhai touyu teiteisü keire donou khoa Eletao hrülai sü Ramai nghojünou ve bukhaire.”

SEI-ATAMAI VAHTAO 13:48

Tahrüh kukhemai taonou süsü choulouyu kisü puletao sü sasholoua Ramai chipaoye sü paosho loure; alia teisa halouho ahri donou dopa khaitouyu maitao hrülaisü louche loure.

SEI-ATAMAI VAHTAO 17:11

Chuo Berea hi Jihudimai taosü Thessalonika hi Jihudimaitao jünou le dukouhie, daiolouzü puletao nou Ramai chipao nasü sasa-a poloua teithe tsünou sheeyu larübvü sü phou-a Paul nou paoyu sü cheche ho cheche mosa tea zhue.

SEI-ATAMAI VAHTAO 2:42

Alia puletaosü sei-atamai taonou doupeiyu hi, rako meime hi, raokhao soukhoyu hi ea veachi paoyu hinou tobai soumoa lenou shoa buloure.

EPHESAMAI 4:26

Neletao nou raroubukhaia mah souwuso, alia neletao nou rarouyu hisü panou teinghiye louwuso.

EPHESAMAI 4:31

Neletao hrohinou khataoyu, züsüyu, rarouyu, shusoua züvayu, maichi paoshiyu ea maiye ngaoba-ngaoshiyu teiteisü thaokhaiwuwo,

KOLOSSEMAI 3:15

Alia Khrista vei kaonayu sünanou neletao lesü panou tukha sahrüloukhaio; daiolouzü kaonayu hainahi Ramai nou neletaoye pfüphao alihi kuve dzüpei khaitoue. Alia kalo pao-a bulo.

KOLOSSEMAI 3:8

Ana chuo neletao nou haitao teiteisü thao vuzüwulai: lekhayu, rarouyu, maiye ngaorayu, alia maichi paoshiyu, hraopachi paoyu haitao hai neletao tai hinou panou hakia paopa laimoe.

1 THESSALONIMAI 2:13

Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue.

JEMS 1:16

Leshiyu Athaihou jürai maitao, panou lawuso!

JEMS 1:2

Athaihou jürai khemai, neletao hi veahoyu tyatyali vedaoyu kisü, neletao lahnou rako veie tea choloukhaio,

JEMS 1:26

Maitalinou puh hai rahrüzhai veishoa tae tea chowu? Puhnou puhvei malisü tukhatsü khaiwu molouzü, puhvei rahrüzhai nasü hakobaie ea puhsü lah puhye labaiwe.

JEMS 2:1

Athaihou jürai khemai, khouko ava vei Mapao, Eletao Mapao Jisu Khrista vei lüloumaitao soua, neletao nou maikhe maiye puletao vei vakou vei zhu süna thaifüa zhai soukuwuso.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

JEMS 3:10

Mü ali hinou kalo paoyu chipao ea maiye chayu chipao pawe. Athaihou jürai khemai, haisü haibüa soukhailai moe!

JEMS 4:11

Athaihou jürai khemai, alinou li pei hi chishi paowuso. Thaihou jürai chi paoshiyu moa thaihou jüraiye chikuyu maitalinou razhaiye paoshiwe ea sünaye chikuwe. Ana nenou razhaiye chiku louzü, ne sü razhai chi züyumai more, ana sünaye chiku-apeio nasüe.

JEMS 5:12

Ana ha teitei jünou, Athaihou jürai khemai, raki, deiphao moa cha-chou kukheli ku-a chouwuso. Ana neletao hai Ramai nou mah paodukayu hi loulou more donou, neletao nou ae touyu hisü ae toulo, alia mo touyu hisü mo toulo.

JEMS 5:19

Athaihou jürai khemai, neletao hrohinou maitalinou acheche hinou tala talouzü ea kukhe linou puhye sü sadakhai velouzü,

1 JOHAN 2:21

Südonou Enou neletao hi rüwe, süsü neletao nou achechena sümoyu donou moe, ana neletao nou sünaye süyu donoue, alia achechena hinou madayu ali-a vemoe touyu süna-a neletao nou süwe.