JEMS 1:17 - SHEEYU BAIBEL (BSI)

¹⁷ Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

JEMS 1:17 Iomraidhean Croise

SHURAI 41:16

Josef nou veo hisü chila peie, “Veowo, Enou paola peilou hoe, ana Ramai nou ne hisü kaozü hinou paola peilai.”

1 PUOPAOKO 22:12

Alia neye sü Ramai Mapao panou tsüdo aveih ae rahtsü sü peia puhvei chikha thaifüa Israel maiye khasa-a hrülouyu sü soulou theo.

1 PUOPAOKO 29:19

Anahpoutu Solomon ye panou puhvei hrümai ae tsüle teitei nou peia nevei chikhatao ae kharochi khesü züa bupeio, ae Enou soulo tea souda peikhai touyu Rathoki nasü panou souchelo.”

LOUTAO 102:27

Ana newo louzü teisa nou raibüa bubaie, ae akhai ha-a nou ne louzü hrülai.

LOUTAO 122:6

Jerusalem hi panou kaona-a buloure donou veachi paopeio: “Neye leshi-a buyu maiye sü panou sava-a bulo.

LOUTAO 136:7

Puhnou khouh teinghi soupeie; puhvei leshiyu hai akhai hae;

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

LOUTAO 85:12

Mapao nou Etaoye sousava peilai, ae Etao vei teidei sü thoudzü veisho-a nou peipulai.

TSÜCHITAO 2:6

Daiolouzü Mapao nou ratsü hai peiwe; Puh mü hinou tsüvei ae sükulou süyu nasü pawe.

ISAIAH 28:26

Puhnou puhvei vah haso khesü kabüa soulai touyu sü süwe, daiolouzü Ramai nou puh hisü soutaosou doupeiwure.

ISAIAH 45:7

Enou ava ae azhi ahai kheinou soupeie, Enou aveih ae ashi-a soupeie. Mapao, Enou hai teitei sü soupeie.

ISAIAH 46:10

Soushu arai nou akhai koute vepare khesü Enou paosüpa peiwure; daoh raichoki nou vepare sü paopeiwure. Enou lichoda khaitouyu khesü vepalai; ae Enou soulai tea buyu khesü souvete vuzülai, tea Enou paopeiwure.

ISAIAH 60:19

“Teinghi nou heaki neletao vei ava nasü soupulai more, moa khouhva sü panou kheiki neletao hi vapei pulai more, ana Mapao Enou teisa sü neletao vei ava soupeilai, ae avei khouko ava sünou neletao hi teisa nou vupeilai.

MALAKAI 3:6

“Mapao E hai data tumoe, südonou Oh Jakob tyaonah taore, neletao-a souha moe.

MAIPEI PHOUYU 11:17

Enou buh sühinou neye takou kealai, ae Enou neye peikhai touyu rako daotu hai ne hinou popaloua puletao hisü peilai. Süthaisü mai sütao nou maikhe maiye zhure vah khesü neye soukha peilai ae ne likhei koupo nasü pfüpulai moe.

MAIPEI PHOUYU 11:25

Süthaisü Mapao nou teihao hinou takouloua Moses ye cha-e. Puhnou Moses hi peikhai touyu rako chitya hai poloua süthai-apei mai rainai hisü peie. Rako sünou puletao hi velouyu phaki, puletao hai rachipaola peiyu mai büa raopare, ana teile sho-a nou puletao hisü bumoe.

MAIPEI PHOUYU 23:19

Ramai hai mai büa da-a moe; ae mai büa puhvei tsüle hai da chamoe. Puhnou paokhai touyu thaifüa puh hai soua baiwe, ae puhnou chi paokhai touyu nasü vete-a baiwe.

MATHIU 7:11

Südonou shi-a buyu neletao koute-a nele nahmaitaohi avei nakhemai peilou sülouzü, kazhou koute koua rakibu neletao Puonou puh hinou khoyu maitao hisü avei nataonou peilai!

LUK NOU RÜYU KO AVEIBVÜ 11:13

Südonou shi-a buyu neletao koute-a neletao nahmaitao hi avei nataonou peilou sülouzü, daizhozhou koute kou-a rakibu Puonou puh hinou khoyu maitao hisü Rako Mashinou peilaisa.”

JOHAN 1:9

Mai hrülaiye souva peiyu checheyu ava nasü deiphao hi velou loure.

JOHAN 3:27

Johan nou chila peie, “Raki hinou sünasü puh hi peimo louzü maita linou hatalia ngaolou hoe.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

SEI-ATAMAI VAHTAO 11:18

Puletao nou chipao haina choulouyu kisü paikhaimo zheire ea Ramaiye sholoua, “Sükuyu thaiwo tahrüh kukhe maitao hia Ramai nou panou ledaloua hriloure teile zhou aveisü peire!” tea paoe.

SEI-ATAMAI VAHTAO 5:31

Israel maitao hi le dalouyu ea mah khaipeiyu sü peiloure donou Ramai nou puhye sü Süthai-apeio ea Khailu-apeio panou soure donou puh bah zhoulo vahi pokhe khaipeire.

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

1 KORINTHMAI 4:7

Neye thaohnou kukhemai jü dukoua soupeie? Nenou buyu veishi sü Ramai nou peimowu? Sükulouzü veishore, nenou kabüa nehi buyu taosü sapeina moe tea khaophu souloulai?

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

EPHESAMAI 1:18

Puhnou neletaoye kulouyu hi areih nasü daisa touyu sü neletao nou süloure donou ea puhnou puhvei maitaohi apaopei khaitouyu khupa hataosü daizhozhou paoshalou hoa busa touyu sü süloure donou puhvei ava ngaoloure neletao tsü nasü houpapeio tea Enou khowe,

EPHESAMAI 2:8

Daiolouzü zhuvea nou neletaoye lü vanou khailu peire; alia haisü lah neletao nou te-a soulouyu vanou moe, haisü Ramai vei sapeina baie—

PAODAKHAIYU CHIKHA 4:19

Alia neletao nou tei hi zhupa teinghi, khouh, vuh, alia tei hinou buyu na taralia ngaoyu phaki, sütaosü khurüa motaso. Neletao Ramai Mapao nou raki khenou buyu maikhe maiye donou sütaosü peikhaitoua baie.

PHILIPPIMAI 1:29

Daiolouzü Khristaye donou neletao hisü puhye lü loucheyu likhei baimoa puhye donou veaho loure zhou aveina-a peikhaitoue.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

EBRIAMAI 13:8

Jisu Khrista hai doa, zhoua ea teisa nou kheihao baie.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

JEMS 3:15

Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

1 JOHAN 1:5

Chuwo Puhnah Poutu hinou Ehnou chouloua paosüyu chipao sünawo louzü haire; Ramai hai avae alia puh hisü teizhi ali-a hae.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

PONGAOPEIYU 21:23

Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

1 SAMUEL 15:29

Israel maivei khupayu Ramai hai da moe, moa puh le hai dakou dakhe moe, daiolouzü puh hai mai moe, südonou puhvei le hai dacha moe.”