JEMS 1:14 - SHEEYU BAIBEL (BSI)

¹⁴ Ana mai aliliye lah puhvei züpa nanou paipoa tayu thainou ea southaiwuyu hinou thaowe.

JEMS 1:14 Iomraidhean Croise

SHURAI 3:6

Südonou naotupai hai rashibe nasü ngaovei sholoure, ae rashithou sü toua touvei shore büa ngaoloure, alia haisü touloua tsüsü laiyu rashie tea zhingaoloua rashi nasü haitou loure; alia honapai nou dali hai puh chaa hia peie, alia puhnou süsü touloure.

SHURAI 6:5

Deiphao hi maikhe mainou hrüzüyu ae puletao lekhe hisü tsü sheemoyu khaikho chokoutea buyu Mapao nou zhingaolou khaie,

SHURAI 8:21

Posheelayu kaivei nahai Mapao nou süloua rukha-a lah puh hi haibüa paoe, “Mai vanou deiphao hai Enou chaa peipu khailai more, daiolouzü mai hai, nahle-a buki nou hashi tsücho pare, Enou souhayu büa hrikhaona hrülai hai souhapu laimoe.

2 SAMUEL 11:4

David nou maiye seitaho Bathshebaye kulou-a panou puh hi save peie; puh hai leshilou-a sabu sazü loure. (Bathsheba hai khou vei zhe tawua pfüphao sousheeyu vei nanou chebüa baihie.) Süthaisü puh sü ki hi dakhai vetare.

JOB VEI LARÜBVÜ 31:27

Enou taipaitya ye tho züe tea chomoe, alia puletaoye tsükhou-a avei bah nou khurü moe.

JOB VEI LARÜBVÜ 31:9

E nou akinapa mai vei chapfüye jüpa-a puhnou vakou tapayu tutsü-a da-a buyu thaio,

TSÜCHITAO 4:23

Nevei tsüle hai tsüreia khailo, daiolouzü sühinou ahri dzünghou küpawe.

ISAIAH 44:20

Puhnou vounai touyu büa puhvei voyu tsü sünou puhye süthaimah peiwure, ae puh hai lah puhye khailupa louhore, moa puh bah zhoulo nou poa buyu bashara nasü dayu ramai baie touyu pao-a paopalou hore.

HOSEA 13:9

“Oh Israel maitaore! Enou neletaoye sü soushi-souhawulai; neletaoye sü thaonou soukha peilou süge?

MATHIU 15:18

Ana mü hinou payu sünawo lekhe hinou pawe, alia hainanou maiye souzhai peiwe.

MATHIU 15:20

Maiye souzhaiyu nataosü haitaoe. Ana bahdzü teimoa touyu sünawo maiye souzhai moe.”

MATHIU 4:1

Süthaisü Rashinaye panou thaore donou Jisu ye Rako nou süthaipoa rekouhi tare.

MATHIU 5:28

Ana chuo Enou neletao hi paowe süolouzü maitalinou naotumai aliye vasou züpa hilonou zhutei louzü puhnou puh lekhe hinou naotu süpaiye koa khulou soure.

ROMMAI 7:11

Daiolouzü mahnou chikha vanou teile kao-avei ngaoloua, sünanou Eye lawu-a southeare.

ROMMAI 7:13

Ana sükulouzü veiyu sünanou Avei athai panou velou baiwu? Süsü movuzüe! Süsü mahnou soubaie. Mah vei chekhaoyu zhai nasü sheesha-a popa ngaopeire donou, mahnou avei naye sü seiloua Ahi athai povepeie. Alia sübüa, chikha vanou mah hai alaosou ngaopisoua mahsoue touyu sü ngaopeiwe.

EPHESAMAI 4:22

Südonou neletao vei hrü akunahi buyu zhai ea madayu ke-zhe züpa thaifüa souhao-soushiyu neletao vei hrü akunasü thaowuwo.

EBRIAMAI 3:13

Ana neletao maitaliye-a panou mah vei do ashi nanou laloua le khoutalou more donou sheeyu larübvü hi “Zhou” touyu chipao nasü Eletaoye donou bubu kinou teithetsü nou neletao alinou liye soukha peia buvuzülo.

JEMS 1:13

Maitalinoua puhye thaoyu kisü, “Ramai nou Eye thaowe;” tea paowuso. Daiolouzü Ramaiye sü ashinou thaolou hoe, alia lah puh-a maitaliye thaotamoe.

JEMS 1:15

Süthaisü züpa nanou pou pfülouyu kisü mah napeiwe; alia mah nanou liche louyu kisü athai napeiwe.