JEMS 1:10 - SHEEYU BAIBEL (BSI)

¹⁰ alia kini buyu puhnou Ramai nou puhye souna peiyu kisü lesalo, daiolouzü rekou poube vei poupah büa puh-a hata bailai.

JEMS 1:10 Iomraidhean Croise

JOB VEI LARÜBVÜ 14:2

Puh sü poupah ali bütou tea hrüpae, alia thalasou-a ki-veta-a baiwe. Khungu ali büa tholu hata-a baiwe.

LOUTAO 102:11

Avei hrütou hai-o koukhe teikhu büa baire, kitayu pounghou ali büa baire.

LOUTAO 103:15

Emai hrütou hai pounghou ali büa baie. Etao hai rekou nou paopayu poupah ali büa baie;

LOUTAO 37:2

Puletao hai thashoa nou pounghou büa hata bailai, ae poudai büa kita-a bailai.

LOUTAO 39:6

khungu ali büa hata-a baie. Puhnou soupfükhai touyu veishi sü hamako baie; puhnou kini pojü khaitue, ana thaonou poloulai touyu sü puhnou sümoe.

ISAIAH 40:6

Pai ali nou haibüa paoe, “Shusoua shakhaio!” “Daitoua shalaige?” tea Enou noue. “Deiphao mai hrütou hai poube büa baie, ae puletao vei hüveiyu hai poupa ali büa baie.

ISAIAH 40:7

Mapao nou teikhai seive hüshoyu phaki, poube sü kita-a baiwe, ae poupa sü raita-a baiwe. Cheche vuzünou maihrütou hai poudai büa baie.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

ISAIAH 66:2

Teideiphao teitei sü Enou soupeie! Tainoutou soua ae ledalouyu maitao, ae Eye ngaopi-a achi züa buyu maitaoye sü Enou zhu peilai.

MATHIU 5:3

“Rako hinou lülouhoe tea süa bumaisü rakoveie; daiolouzü raki Vedeisü puletao veie!

MATHIU 6:30

Ana rekouhi poudai zhou likhei hriloua doso meifühi pothou deiyu sünaye Ramai nou süzhou veia natupei louzü, puhnou süjünou veikoushoa neletaoye na tupei laimowu? Oh lü taishoyu maitaore!

1 KORINTHMAI 7:31

alia deiphao hi natao vanou tsü loushoa bah deiyu maitao nou halia chokhai moyu büa bulo. Daiolouzü chu deiphao haina zhaisü thashoa talaire.

PHILIPPIMAI 3:8

Chechenou na sütao likhei baimoe, ana muhtei koushoyu A Mapao Khrista Jisu vei tsü süna donou Enou ha teitei hai halia kokhaimoe tea choloure, puhye donou Enou ha teiteisü polaiwure; Enou Khristaye zhiloure donou sütao teiteisü nghouh büa choloure,

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

JEMS 4:14

Neletao hrümai hi doso dai palaisa touyu koute-a neletao nou sümoe! Neletao hai katou buloua hata baiyu haongu bübaie.

1 PITAR 1:24

daiolouzü, “Emai hrülaisü pouhou kubaie, alia puletao vei kathe teiteisü rekouhi poupa kubaie, Pouhoutao-a vütabaie, alia poupatao-a raitabaie,

1 JOHAN 2:17

Deiphao ea sühi buyu emainou züpayu ha teiteisü tabaiwe; ana Ramai vei leli souyu puhsü teisanou hriwe.