ISAIAH 18:3 - SHEEYU BAIBEL (BSI)

³ Deiphao hi hrüa buyu mai hrülai, keilo! Shee soupeire sahra sü deichi peitao hinou polapa peilai, zhulo! Shabe nghouyu kho sü keilo!

ISAIAH 18:3 Iomraidhean Croise

LOUTAO 50:1

Khoukhoulai Ramai Mapao nou paowe; puhnou teinghei palova nou poa teinghei loulova koute hinou hrüa buyu maitaoye kua bue.

ISAIAH 1:2

Mapao nou paoe, “Oh raki ae deiphao, Enou paoyu sü kei pei khaio! Enou kiduso papei khaitouyu nahmaitao nou chuo Eye dutare.

ISAIAH 11:12

Mapao nou tyahrütao hi panou sheeloure donou sahra pola peilai, sübüa puhnou tutayu Israel maiye sü save jüpeilai, alia Judah hinou porarou ta-a buyu maikhe maiye sü deiphao kainghou adai hinou save jüpeilai.

ISAIAH 13:2

Halia hayu deichi matao hisü taopaloua reihmaitao hisü shusoua shapei khaio, ae reih soure sahra sü pola peikhaio, alia khaophu soua buyu nuhdu vei robomü hisü reih huloure donou bah lapa ngaopei khaio.

ISAIAH 13:4

Deichiva hi mai soudu nou shusou raoyu pai sü kei khaio. Keikhaio, tyahrü taoli ae vedei taoli tave jüa buyu paisü. Reihmaitao vei Khoukhoulai Mapao nou reih soure donou puhvei reihmaitao sü soudawure.

ISAIAH 26:11

Neye ngaobayu maitao hai nenou puletaoye tudei peilai touyu sü sümoe. Mapaowo, puletaoye sü ahrao soupeio, alia nenou tudeilai tea souda-a buyu veahoyu nasü panou puletao hi vetheo. Ana nenou nevei maitaoye daizhou koute leshi peiwe touyu nasü panou puletao-a ngaolo.

ISAIAH 31:9

Puletao vei veo sü ngaopi shopoa tutalai, alia peikho maitao hai-a pileyu donou puletao nou poa soureih souyu sahra nasü reihbu hinou thaowua tuta-a bailai,” tea Mapao nou paoe. Mapao ye sü Jerusalem hinou tho-a bue alia puhye meidei-a posheelare thaobvü sü Zion hi bue.

ISAIAH 49:22

Ramai Mapao nou paoe, “Enou tyahrütao hisü shee ali soungao peilai, ae puletao nou neletao vei nahmaitao sü ki hi save peilai.

ISAIAH 5:26

Mapao nou tyahrü kukhe maiye panou vere donou shee soupeie, alia teidei akhai hi buyu maiye tavelo tea zhaophiphi poa kuwe. Alia zhukhaio, puletao sü laire, thasho poa laire!

ISAIAH 7:18

“Süzhou teithe sü Mapao nou ka dousho-a buyu Ejipt maiye panou khaomai zhaoveyu büa velai, alia Assaria maiye panou laivoutu büa velai.

JEREMIAH 22:29

Oh teidei, teidei, teidei! Mapao nou paoyu chipao sü keilo:

JEREMIAH 51:27

“Soureih soure vei shee soungao peio! Tyahrütao ye panou choure donou shabe nghoupeio! Babilon hi soureih huloure donou tyahrütao ye panou soudalo! Puletao pei hi soureih soure donou Ararat, Minni ae Ashkenaz vedeitao hi paopeio. Rhei khesü khazü me dushoyu ali büa pove jülo.

MIKAH 1:2

Tyahrü hrülai, haisü keilo; Deiphao hi hrüa buyu hrülai, haisü keinoulo! Ramai Mapao nou neye sü paoduka peilai, Mapao nou puhvei sheeyu rathoki hinou paolai.

MIKAH 6:2

Deichi taore, Mapao nou paodouyu chi sü keikhaio! Mapao nou puhvei maitao hi chikure sü bure, puhnou Israel mai pei hi züvei-a mah paodure sü bure.

MIKAH 6:9

Mapao ye piyu sü tsüvei-e. Puhnou nuhdu nasü kue, “Nuhdu hinou tave jüa buyu maitaore, keinoulo!

ZEKHARIAH 9:14

Mapao nou puhvei maitao hisü veloulai, alia puhvei loushu nasü teireiyu büa kalai. Ramai Mapao nou besü houpoa khelo nou teikhai-teirü ye koa savelai.

MATHIU 13:16

“Ana neletaowo daizhozhou rako veisa! Neletao nghithounou ngaoloure ea neletao nounou chouloure.

MATHIU 13:9

Alia Jisu nou akhai soua paoe, “Südonou neletao hai nou pfülouzü keilo.”