HOSEA 9:3 - SHEEYU BAIBEL (BSI)

³ Israel maiye sü pa Mapao vei teidei hi bupu laimoe; puletao ye pa Ejipt teidei hisü dakhai tawulai, alia Assaria hinou pa sheemoyu touso nou toulai.

HOSEA 9:3 Iomraidhean Croise

1 VEMAITO 9:7

süthaisü Enou peikhai touyu teidei hinou avei Israel maiye sü souhawulai. Eye thore donou soushee khaitouyu Rathoki na-a Enou thaokhaiwua bailai. Deiphao mai hrülai nou Israel maiye sü konüa bailai, ae ngaophou moa bailai.

2 VEMAITO 17:6

Hoshea nou vekou louyu po akü kousü, Assaria hi veo nou Samaria hai poloure ae Israel maiye sü hukhamai soua nüpoa Assaria hi satare ae puletaoye panou Halah nuhdu hi ae kamai-a Gozan teidei hi Habor rei pehaotao hinou pa bue, ae kamai-a Media maivei nuhdutao hinou pa hrüe.

JEREMIAH 16:18

Puletao nou mah soukhai touyu ae vah ashi souyu paotao sü zha ahai panou khalai, daiolouzü puletao nou avei teidei sü thaiphao büa buyu basharatao ae cheche moyu rahtao nou pove souzhai peiwure.”

JEREMIAH 2:7

Enou puletaoye tophayu buh hi savepeie, buh sühi thoudzü ae havei teitei sü puletaoye panou ve touso loure donou save thoupeie. Sütoukhaia puletao nou avei teideitao sü souzhaire ae soushiwure.

DOPFÜYU 5:6

Touso ngaotoua hriloure donou Etao hai Ejipt ae Assaria mai hinou taho tosü tare.

EZEKIEL 4:13

Mapao nou paoe, “Enou Israel maiye vakou maivei teidei hi soupho rarou khaipeiyu thai, chikha hinou soupfüso tea paopei khaitouyu nasü haizhai büa Israel mainou touso hai toulai.”

DANIEL 1:8

Ana Daniel nou puhye vemai vei touso aveih ae zhaoh panou souzhailai moe tea tsücho loure. Südonou puhnou Ashpenaz hinou puhvei soukha khoe.

HOSEA 11:11

puletao nou raohou li büa Ejipt hinou yaopoa velai, alia khao büa Assaria teidei hinou velai; Enou puletaoye ki hi sa-a dakhai ve peilai,” tea Mapao nou paoe.

HOSEA 11:5

“Puletao nou chuo Ejipt teidei hisü dakhai talai, alia Assaria mainou pa puletao vei veo sü souwulai, daivanou toulouzü puletao nou Ahi dakhai ve bare.

HOSEA 7:11

Israel mai hai tsü hayu khao büa zhaoa laibaire; puletao nou Ejipt maiye soukhapeio tea kuwe, alia Assaria mai hi tuvewe.

HOSEA 7:16

Puletao nou khouko hayu Baal rahye thotare; puletao hai chuo louche loushiyu voulou büa baire, puletao vei peikho maitao hai khoche vanou kaolai, daiolouzü puletao nou chidu-ladu paoa laibaire, haka tayu phaki puletao hai Ejipt mai dzünü souwulai.”

HOSEA 8:13

Puletao nou Mapao ye poa sheela yuma, sheelayu sou toua buyuma; Mapao nou süsü jüpa more. Chuo, puhnou puletao mah sü licholaire, alia mah sütao donou puletaoye sü tudee apei sü souwu laire; puletaoye pa Ejipt hi dakhailou hrülai.

HOSEA 9:6

Zhukhaio, puletao ye veahoyu nou ve soupho-rarouyu phaki, Ejipt mainou puletaoye sü save jüloulai, alia Memphis deichi hinou puletaoye sü daovu peilai. Puletao vei muteiyu shahu khesü hea nou muloua bailai, alia puletao vei sahpao khesü pounou tsüpa bouloua bailai.

LEVIMAI LARÜBVÜ 18:28

teidei sünanou raichoki hrüa buyu maitaoye laiyu büa neletaoye sü malaiwu laimoe.

LEVIMAI LARÜBVÜ 20:22

Mapao nou paoe, “Avei chikha teitei ae kharochi khesü zülo, sükulouzü Enou neletaoye peilaiyu Kanaan maivei teidei sünou neletaoye malai laimoe.

LEVIMAI LARÜBVÜ 25:23

Neletao vei füdei hai teisa donou zhotou laimoe, daiolouzü dei hai neletao vei moe; haisü Ramai vei baie, ae shetumai ali büa teile daotuli donou neletao hisü ngapei khaitoua baie.

AMOS 7:17

Südonou Mapao nou haibüa paoe, “Ne chapfü sü nuhdu hinou khakhapfü soutalai, alia ne nahpoutu ae naotu khesü khoche hinou thailai, alia ne teidei sü mainou dezhi potalai, alia ne masha koutea sheemoyu teidei hinou thaiwulai, ae Israel maiye sü veikhai mosoua doushoyu teidei hisü nüpoa talai.”

MIKAH 2:10

Kushuloua tawo; haihio kaona-a soloure buh hare, daiolouzü neletao vei mah sünou buh hainasü soushi laire.

SEI-ATAMAI VAHTAO 10:14

Ana Pitar nou paoe, “Movuzüe, Mapao! Daiolouzü E vuhlia chaa taoyu moa sheemoyu na lia toukhai mohie.”

PAODAKHAIYU CHIKHA 28:63

Mapao nou neletaoye panou sava-a buyu ae maitya poupayu hai jüpa shoyu büa neletaoye soushi ae souhayu hai-a jüpa-e. Neletao nou talou polai tea buyu teidei hinou puhnou neletaoye sü maa hinou paipa laiwulai.

PAODAKHAIYU CHIKHA 28:68

Neletao hai tapu khailai more tea Enou paokhai touyu veidu hisü dzüluki hinou Ejipt teidei hisü seidakhai thoupeilai. Sühinou neletao hai ngaobamai bah hi qila soure donou neletao lahye zholai, ana mai linoua neletaoye sü hrülai moe.”

PAODAKHAIYU CHIKHA 4:26

Enou zhou raki ae deiphao zhih kuloua neletao hi shakhi souwe, süolouzü neletao nou Jordan rei tacholoua polaiyu teidei hisü nou hata bailai; neletao teidei sühisü phasho-a panou hrülai moe, ana neletaoye souhakhai bailai.

JOSHUA 23:15

Ana neletao nou vah ashi soulouzü, Mapao nou neletao hi vah aveih teitei souche peiyu büa, neletao yesü Puhnou peikhai touyu teidei hinou sou hakhai touwu bailai.