HOSEA 8:1 - SHEEYU BAIBEL (BSI)

¹ Mapao nou paoe, “Ngaoba mainou Amaitao vei teidei hi loure donou rashopeiki büa laire, shabe sü houre donou soudalouo, daiolouzü puletao nou Eye koa Vo soukhai touyu nasü souphewure, alia Avei chikha khesü pfüthouwure.

HOSEA 8:1 Iomraidhean Croise

2 VEMAITO 18:27

Puhnou chila peie, “Assaria hi veo nou Eye seive chipao haitao paoyu hai ne alia veo likhei donou baie tea ne tsüchowu? Moe, Enou paoyu chipao haisü kivo hinou kei-a buyu mai hrülai, lah vei batoua ae züdzü kere maitao, süsü ne-a loua nou mai hrülaiye donoue.”

ISAIAH 18:3

Deiphao hi hrüa buyu mai hrülai, keilo! Shee soupeire sahra sü deichi peitao hinou polapa peilai, zhulo! Shabe nghouyu kho sü keilo!

ISAIAH 24:5

Deiphao hi hrüa buyu maikhe mainou souzhaiwure, daiolouzü puletao nou chikha khesü pfüthore alia kharochi khesü züpei more, teisa donou vo soukhai touyu nasü soukho laiwure.

ISAIAH 58:1

Mapao nou paoe, “Shusoua pai chilou süyu koute pai chi-a shakhaio! Avei Isreal maitao hi puletao vei mah khesü shapao peikhaio.

JEREMIAH 31:32

Haina louzü Enou puletao vei puopao maitaoye Ejipt teidei hinou sapa peiyu phaki, koa vo souyu büa soulai moe, daiolouzü Enou puletao vei cha ali büa salai peiyuma puletao nou vo sünasü pfüthowure.

JEREMIAH 34:18

Eye koa vo soukhai touyu Judah ae Jerusalem hi peikho maitao, veo vei peikho maitao, napao maitao, alia süthai-apei mai hrülai nou chode ali sü ahai soua daode khaitouyu ko hinou takhai toure. Ana puletao nou vo soukhai touyu nasü pfüthowure. Südonou mai haitaoye sü Enou chode süna büa soupeilai.

JEREMIAH 4:13

Zhukhaio, ngaoba maisü teihao büa laire, puletao vei rheiluki khesü chishoyu rürai veiyu büre, ae puletao vei rheisü teihi lüche jünoua tuvei puhie. Daizhou koute ngaopisa! Eletao sü halaire!

JEREMIAH 4:5

Teidei teitei hisü shabe nghoukhaio! Pai chisho-a ae sheesha tea nou shapeio! Judea ae Jerusalem maitao hisü kaopo veishoa soukhai touyu nuhdutao hi tuve bailo tea paopeio.

JEREMIAH 48:40

Daiolouzü Mapao nou paoe, “Zhukhaio, tyahrü ali nou Moab maiye sü lüche ali nou shouh topaloua zhaokouyu büa velai,

JEREMIAH 49:22

Lüche ali nou shouh topaloua zhaokou hanüyu büa ngaobayu maitao nou Bozrah nuhdu sü dulai. Süzhou teithe Edom maivei reihmaitao hai naotumai ali nou nah nare phaki ngaopiyu büa ngaopilai.”

JEREMIAH 51:27

“Soureih soure vei shee soungao peio! Tyahrütao ye panou choure donou shabe nghoupeio! Babilon hi soureih huloure donou tyahrütao ye panou soudalo! Puletao pei hi soureih soure donou Ararat, Minni ae Ashkenaz vedeitao hi paopeio. Rhei khesü khazü me dushoyu ali büa pove jülo.

JEREMIAH 6:1

Benjamin maitaore, khailupa loure donou Jerusalem hinou tupa lourawo! Tekoa hinou shabe sü houpei khaio ae Beth Hakherem hinou shi loure meifü sü soupa peikhaio. Daiolouzü reikou nou souka soushi peire nasü laire.

EZEKIEL 11:4

Südonou chuo thailaiyu mainare, puletao hai hakata laire tea paopeio.”

EZEKIEL 16:59

Ramai Mapao nou paoe, “Nenou jüpayu thaifüa Enou neye sü soupeilai, daiolouzü nenou soulai tea paokhai touyu nasü ngaophou more ae nenou vo soukhai touyu nasü pfüthowure.

EZEKIEL 17:3

Ramai Mapao nou puletao hi haibüa paoe tea paopeio: Dushoyu leche ali hai veisho-a nou ae shouh hephapoa Lebanon deichitao hi zhaopoa nou ve-e ae sedar süübe zü sü puhnou taosha loure.

EZEKIEL 7:14

Shabe sü nghoupare, ae mai hrülai nou souda loure, ana mailia reihbu hisü talou more, daiolouzü Ramai vei lekha rarou hai mai hrülai hisü raibütoua vere.

HOSEA 4:6

Amaitao nou tsüdo hayu vanou haka tare; daiolouzü puletao nou tsüdo ye sü malaiwu baire, südonou E-a puletaoye sü napao vei vah souyu hinou malaiwulai. Alia puletao nou Ramai vei chikha sü ngaiyu thaifüa, E-a puletao vei tyaonah ye sü ngaiwulai.

HOSEA 5:8

Gibeah hinou nghakai sü houkhaio, Ramah hinou shabe sü houkhaio. Bethaven hinou reihvo sü soukhaio; reihsü soutakhaio, He Benjamin maitaore!

HOSEA 6:7

“Ana Eye koa Vo soukhai touyu nasü Adam hinou poa chukoute neletao nou pfüphe-pfüthoa baire.

HOSEA 9:15

Puletao vei ashi teitei hai Gilgal hinou haotare; buh sühinou puletaoye sü Enou ngaora tare. Puletao nou ashi souyu donou Aki hinou hulaiwulai. Enou puletaoye sü zhuvea peilai more; daiolouzü puletao vei peikhomai hrülaia Eye haia baire.

JOEL 2:1

Zion hinou shabe sü nghoukhaio; Sheeyu avei deichi hinou pai ra peikhaio! Deisühi hrüa buyu mai hrülaiye pa pingu theo, daiolouzü Mapao vei teithesü velaire, haihai nghitei tire,

JOEL 2:15

Zion hinou shabe sü nghou khaio; vuh ali lüh louo; maisouye sheetou tea save jüre donou kukhaio;

AMOS 3:6

Reih vei shabe nghoupayu phaki, nuh hi buyu maikhe mai nou pimoa bulaiwu? Mapao nou seive moa nou maikhe mai hi veahoyu sü ve khailaiwu?

AMOS 8:3

Süzhou teithe, Rathoki hinou lou souyu khesü panou kouli lia dopfüyu soulai. Thaiphao sü buh liki phoukhalai. Puletao ye sü paipakhai moa poa shilaiwu bailai.”

AMOS 9:1

Rasheelayu buh pe hinou Mapao nou la-a buyu Enou zhingaoe, alia Puhnou paoe, “Rathoki peimatao nasü dakhosa mokoute dakho khaio, ae dakhokouh mai khemai pei hi deikhaio; alia shokhai toua buyu maitaoye sü Enou khoche nou daotha khaitouwulai; mai ali koute-a panou tutaloulai moe; mai ali koute-a panou palou laimoe.

HABAKKUK 1:8

“Puletao vei rheitao hai shirakhao jünou tuveih hie, hrouyu nüsei jünoua khusho hie. Rheipfüyu mainou khuveishoa hukouwe. Puletao vei rhei pfüyu maitao hai doushoyu buh hinou vewe, lüche linou ha nütoulai busoua puletao sü zhaovewe.

ZEPHANIAH 1:16

Veihsho-a nou soukhai tiyu nuhdutao alia reih buhtao hisü reih souloure donou shabe nghou-a alia reihvo souyu teithe souwulai.

ZEKHARIAH 11:1

Oh Lebanon, nevei kikhu khesü houkhaio, sübüa panou sedar süübe khesü meinou deilaio!

ZEKHARIAH 9:14

Mapao nou puhvei maitao hisü veloulai, alia puhvei loushu nasü teireiyu büa kalai. Ramai Mapao nou besü houpoa khelo nou teikhai-teirü ye koa savelai.

MATHIU 24:28

“Athai pfüphao buyu buh hisü, rasho peikitao-a vedzüa bulai.

1 KORINTHMAI 15:52

katou hinou, nghiphei alikho hinou, bekho nakaiyu na hinou datakhailai. Daiolouzü be houpayu kisü, thaimaitao sü ha-ka khailai moyuhi hrishulai, alia Eletao hrülai sü data bailai.

PAODAKHAIYU CHIKHA 28:49

Neletao nou la sümoyu, dousho-a buyu tyahrü ali, Mapao nou neletaoye panou dure donou seive peilai. Puletao nou leche ali büa neletao hisü zhaovelai.