HOSEA 7:2 - SHEEYU BAIBEL (BSI)

² Ana puletao nou ashi vah soua laiyu hai Enou lichowe touyu puletao nou chomoe. Chuo puletao nou soukhai touyu vahtao nou puletaoye sü sühao loure, vah sütao teitei hai anghoujü nou buwe.”

HOSEA 7:2 Iomraidhean Croise

JOB VEI LARÜBVÜ 34:21

Mainou tayu phika teitei sü puhnou zhua bue.

LOUTAO 10:11

Mai ashi maitao nou haibüa lah puletao hi paoe, “Ramai nou ngaiwure! Puhvei nghithou sü mailoure ae Eye ngaolou hore!”

LOUTAO 25:7

Enou nahle-a buki soumah pfümah khaitouyu mahmo khesü khaipeio. Nevei tobai soumoa leshi peiyu ae zhuvea peiyu nasünou Eye licho peio, Oh Mapaowo!

LOUTAO 50:22

“Eye thao-ngai-a tayu maitaore, haisü keilo, molouzü Enou neletaoye sü souhawu bailai, ae mai linoua neletaoye sü khailupa peilou hoe.

LOUTAO 9:16

Mapao hai puhvei checheyu chidei hisü nou lah puhye süngao peiwe, ae mai ashimai hai lah puletao vei rüh hinou muloua baiwe.

LOUTAO 90:8

Etao vei mahmo khesü nenou nevei nghoujü hi khaitoue, ae Etao nou kheikhei soua mah soukhai touyu khesü nenou nevei nghingao hi khaikhaitoue.

ISAIAH 1:3

Kikhaorü louzü lah puletao vei paopuye süwe, alia rheisüh-a lah paopu nou to peiyu buh ngaowe. Ana Israel mai-o louzü sülou more, avei maitao hai tsü sükulou more.”

ISAIAH 26:16

Nevei maitaoye nenou tudei peiyu phaki, veahoyu donou puletao nou neye phouve-e, ae puletao nou ne hisü veachi paoe.

ISAIAH 44:19

Bashara souyu mailia tsücholoua sükuloua haibüa paolou süyu mai hare, “Süü haitao hai Enou meidei-a sou routouwe, ae raokhao khaolouwe, alia dalilo hai Enou bashara souloua sünaye sü nakou khurüa thowe!”

ISAIAH 5:12

Puletao vei khonü ralea hisü khubvü, gaigou, lana, beibeibvü ae poa lou souyu basei tyatyali alia zhaoh loua souwe, ana puletao nou Mapao vei haso ae puhnou dai vah soupei khaitoue touyu lichomoe.

JEREMIAH 14:10

Mapao nou haikhe mai vanou haibüa paoe, “Puletao hai ahinou tutayu jüpae, puletao nou lahye tukha loulai moe. Südonou Enou puletaoye jüpa moe. Puletao nou soumah khaitouyu khesü Enou licholai ae puletao vei mahmo thaifüa Enou puletaoye tudee-a souvea peilai.”

JEREMIAH 16:17

Puletao nou soupfüyu vah teitei sü Enou ngaowe, puletao nou ahinou tutsülou hoe; puletao vei mah sü anghingao hinou pokulou hoe.

JEREMIAH 17:1

Mapao nou paoe, “Judah hi maitaore, neletao mah sü hu vei rüsüü nou rükhaitoue; haisü neletao vei lethou pei hi chuh mutei diamond nou larücha daopei khaitoue, ae neletao vei posheelabutao hisü rükhai peiwure.

JEREMIAH 2:19

Neletao vei ashi nasü nou neletaoye tudee peia bailai, ae neletao nou ahinou thaikhai tayu vanou neletaoye züpeia bailai. Neletao nou neletao vei Ramai Mapao Eye thaowu-a ae Eye pi moyu hai kazhou koute shi-e ae vea sarou touyu sü süloulai. Haisü Khoukhoulai Ramai Mapao Enou paowe.”

JEREMIAH 32:19

Nenou tsüchoda khaitouyu khesü veisho-e ae vah haso dushoyu khesü nenou soupeie; maikhe mainou soupfüyu veishi sü nenou ngaokhai touwe, ae puletao nou soupfüyu thaifüa nenou buu sü peie.

JEREMIAH 4:18

Oh Judah, haisü nenou hrüa tayu ae soupfüyu vahtao nou lah neletao pei hi pove loua baie. Nenou veahoyu sü lah nevei mah donou baie, hai nanou nevei lüthou hisü khüwure.

JEREMIAH 44:21

“Neletao nou, neletao vei vemaitao ae süthai-apei maitao nou Judah nuhdutao hinou ae Jerusalem duvatao hinou poukai nüvei meideia posheela peiyu khesü Mapao nou sümoe, moyuma puhnou sükhesü ngaire tea neletao nou tsüchowu?

EZEKIEL 21:29

Nenou zho kounou ngaoyu nasü da-a baie ae nenou vepalai tea paoyu nasü cheche moe. Ne hai mai shie ae nevei teile sü velaire, neye akhai soua tudee peire teithe sü laire. Khoche nou nevei te sü daodelai.

HOSEA 12:2

Mapao nou Judah mai hisü aetou moyu bure, alia Israel mainou souyu vah na thaifüa puletaoye sü tudee souwulai.

HOSEA 4:9

Neletaoa mai kukhe maitaoye raibüa tudeelai; Enou puletaoye sü ludu machamoa tayu donou souvea peilai, alia puletao nou souyu vah na thaifüa vahshih sü peilai.

HOSEA 6:2

Teithe ahai-sü thaisü puhnou Etaoye sou hriva peilai; teithe asü zhou puhnou Etaoye polashu peilai, sükua nou Etaoa puh nghoujü nou ve hrülai.

HOSEA 8:13

Puletao nou Mapao ye poa sheela yuma, sheelayu sou toua buyuma; Mapao nou süsü jüpa more. Chuo, puhnou puletao mah sü licholaire, alia mah sütao donou puletaoye sü tudee apei sü souwu laire; puletaoye pa Ejipt hi dakhailou hrülai.

HOSEA 9:15

Puletao vei ashi teitei hai Gilgal hinou haotare; buh sühinou puletaoye sü Enou ngaora tare. Puletao nou ashi souyu donou Aki hinou hulaiwulai. Enou puletaoye sü zhuvea peilai more; daiolouzü puletao vei peikhomai hrülaia Eye haia baire.

HOSEA 9:9

Gibeah vei teile hi büa puletao hai kaozü moyu vah khaikho nou soua bubaire. Ramai nou puletao mah sü licholai, puletao nou souyu mah thaifüa puletaoye sü souvea peilai.

AMOS 8:7

Israel maivei Ramai Mapao nou haibüa chaachou souwure, “Puletao nou vah ashi soukhai touyu khesü E hasou kilia ngaikhai toulai moe.

JONAH 1:2

“Tashulo alia taho Nineveh nuhdu hisü haibüa paokhaio; puletao nou vah ashi souyu haire Ahi vere teanou.”

MAIPEI PHOUYU 32:23

Ana neletao nou paokhai touyu sü souvete peilou more toulouzü, neletao hai Mapao nghoujü nou mah souwure, ae neletao vei mah thaifüa veahoyu sü lah neletao nou ngao-a bailai.

LUK NOU RÜYU KO AVEIBVÜ 12:2

Popa ngaolai moyu hokhaiyu halia hae, moa sülai moyu kukhaiyu halia hae.

1 KORINTHMAI 4:5

Südonou kao-züyu teile vemo koute sü neletaowo maitali pei hia chi kuso. Mapao vemo koutesü akhai chikuyu nasü khoa bulai; puhnou chu teizhi hinou kheia buyu taosü avahi popalai ea emai le hinou pokukhai touyu taosü paopa ngaolai. Alia sükinou mai hrülainou Ramai hinou lah lahye paosho peire sü ngaolai.

PAODAKHAIYU CHIKHA 32:29

Puletao hai tsü veiwe toulouzü, puletao hi dai-e vepawe touyu khesü süyu pha-e, alia haithai daidai vepalai touyu hai-a süa buyu pha-e.

EBRIAMAI 4:13

Alia soukhai touyu na talia Ramai nghojünou kukhai loure hae, ana ha teiteisü dukhya-a puh nghi-ngaobuh hinou haphapa khaikhaitoue. Alia puh hisü lah Eletao hrülainou soukhai touyu soupfücho sü peivuzülai.