HOSEA 7:1 - SHEEYU BAIBEL (BSI)

¹ “Enou Amaitaoye kaozhou aveih peida khailai touyu phaki, Enou Israel maiye souvei peilai touyu phaki, puletao vei mah alia vah ashi khaikho nou ngaoa baire; daiolouzü puletao nou dayu vah souwe, avao mainou mai ki dakhao louwe, alia maivei saotou mainou ludu kinou dua saolaiwe.

HOSEA 7:1 Iomraidhean Croise

ISAIAH 28:1

Israel maivei vedei hai daizhou koute vealaisa! Puhvei hüveiyu ae kathe hai vütayu poupa peirü ali zhaoh sozhi-a peikhoyu mai ali nou puh pei hi thou pfüyu büa baie. Puletao vei khaophu souyu sü pei hi kainüvei theadzü napfüa laiyu büe, ana sozhitei touyu mai ali nou kou dazü tayu büa sühi sünou kou zütare.

ISAIAH 59:12

“Mapaowo, Etao nou soucho soulayu sü ne nghoujü nou poulere, Eh khemai vei mah khesü Etao pei hi bure, Etao nou Etao vei mah khesü süloure.

ISAIAH 59:13

Etao nou ne chi zümoa neye malaiwure, ae ne thaifüa tamore. Etao nou mai kukhe maiye sü souvea souchoro peiwure, ae Etao nou kaomo zümoyu tsücho-a chipao lako ashi khesü paopawure.

ISAIAH 59:14

Kaozü nasü hulaiwure, ae acheche nasü veloulou hore. Checheyu nasü maisou ludu hinou kaodu tare, ae aveih nasü buh hare.

JEREMIAH 51:9

Sühinou hrüa buyu shetumaitao nou paoe, ‘Etao nou Babilon maiye soukha peire donou te-e, ana nalea baire. Chuo honapaiye thaokhaiwua lahvei ki hi dakhai ta-a bailaishe. Ramai nou puhvei khouko veishi nou Babilon sü tudee peire ae honapaiye sü souhakhai touwure.’ ”

EZEKIEL 16:46

“Nevei jüraipai hai puhvei nahnaotu maitaoye koa reilova nou hrüyu Dameria mai-e: ae ne thaihoupai sü khelova nou puhvei nahnaotu maitaoye koa hrüyu Sodom mai-e.

EZEKIEL 23:4

Tsünapai zhih hai Oholah toue, (puhnou Samaria maiye paonüdawe), ae nahpai zhih nou Oholibah toue (puhye sü Jerusalem paoe). Enou puhaiye sü nakhei loue, ae puhai nou eye nahpoutu nahnaotu taoli napeie.

EZEKIEL 24:13

Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore.

HOSEA 10:5

Bethaven hi buyu sana chode naye souhayu donou Samaria hi hrüa buyu mainou levea-a dopfülai. Bashara ye thoa buyu maitao alia napao maitao süna vanou alia sünavei kathe hayu donou choroa kralai.

HOSEA 11:12

Israel mainou madayu alia vah ashi souyu hai nou Eye sü sühao loua bubaire, alia puletao vei acheche alia sheeyu Ramai Eye Judah mainou chukoutea dua bu baire.

HOSEA 11:8

“Oh Ephraim, kabüa nou E neye sü thaoloulai? Oh Israel maitaore, E neletaoye sü kabüa nou mai kukhe mai bah hi thaothou loulai? Kabüa nou E neletaoye sü Admah mai kua souha khailaige? Mokhaia kabüa nou Zeboüm maiye souveayu büa neletaoye sü souvea khailai? Neletao ye tudee-a souvealai toukhaie, Alesü neletao ye zhuveayu nou phoutsü loua baire.

HOSEA 12:1

Ephraim mainou zhaotuye khoyu büa teikhai ye sü khowe, alia heamajü teinghi palao teikhai ye thaihua laiwe; puletao hisü madayu alia taidayu hai papu khaikhai baire; puletao nou Asairia maiye koa ae-ao touyu vo souwe, alia Ejipt teidei hi theadzü seitawe.

HOSEA 12:2

Mapao nou Judah mai hisü aetou moyu bure, alia Israel mainou souyu vah na thaifüa puletaoye sü tudee souwulai.

HOSEA 4:17

Israel mai-o bashara ye thotare, puletaoye sü panou lah dosoua tatheo.

HOSEA 4:2

Teidei haihio chaachou souyu, dayu, taitha-dathayu, vaoyu, khulou souyu khaikho baire, alia sounou-pfünou touyua hazei toure. Maiye southayu vah sovei sü pulailaia baire.

HOSEA 5:1

“He Napao maitaore, haihai keilo! He Israel maitaore, leloua chi hai keilo! Oh vemaitaore, kei khaio! Chikure sü ne pei hi velai! Daivanou touyuo ne sü Mizpah hi rüh, Tabor deichi hi sho alia

HOSEA 6:4

“Oh Ephraim, neye donou E dai soulai? Oh Judah, neye donou E dai soulai? Nemai vei leshiyu haio teihao büa baie, alia thashoa hatayu shona vei vidzü büa baie.

HOSEA 7:13

“Puletaoye sü panou veatheo, daiolouzü puletao nou ahinou tarei tare! Puletaoye sü pa hatheo, daiolouzü puletao nou Eye ngaopi moa dure! Enou puletaoye vupa peinüwe, ana puletao nou da-a Eye paoshia laibaire.

HOSEA 8:5

Oh Samaria, nenou chode zhu hinou bashara soukhai touyu nasü Enou aetou moe, Avei lekha-rarou sü sütao hinou bue. Neletao teile kasho shee-a hrülou holai hie?

HOSEA 8:9

Daiolouzü Israel mai hai rekounou buyu rheisüh li büa lah dosoua taho Assaria mai hinou soukha khowe, alia tyahrü kukhe mai hinou vupeio tea seihla peiwe.

AMOS 3:10

Mapao nou paoe, “Mai haitao hai puletao vei ki veih hisü maiye taidayu ae mai hinou saolouyu nanou pove phoutao khaitoua bubaie. Puletao hai kabüa kaozü vah sü soulai touyu hai sümoe.

AMOS 3:9

Ejipt alia Ashdod vei reihkhaobu aveihtao khevai nou hrüa buyu maikhe mai hisü haibüa paopeio: “Samaria ye haopoa buyu deichi hinou ve jüloua sühi büroa choroshoa buyu alia sühinou mah souyu khesü zhukhaio.”

AMOS 8:14

Samaria hi Ashimah rah zhih hinou chaachou souyu khemai, alia Dan rah zhih hinou ae Beersheba rah zhih kua chaachou souyu mai hrülai sü kaotalai, alia puletao hai lashupu loulai moe.”

MIKAH 6:16

Daiolouzü neletao nou Veo Omri ae puh nahpoutu Ahab kihikha mainou vah ashi souyu sü thaifüa soutare. Neletao nou puletao vei zhaihrü ashi nasü soupfü tare, südonou Enou neletao hisü hakatayu sü pove peilai, ae mai hrülai nou neletao ye sü ngaoralai.”

MATHIU 23:37

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puh soukhenou bvüpeiyu kua Enou ne nahmaitaoye pha kasho koute tobai soumoa bvüpei nüsa, ana nenou bae!

LUK NOU RÜYU KO AVEIBVÜ 13:34

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puhvei shou khenou bvüpeiyu kua Enou ne nahmai taoye pha kasho koute tobai soumoa bvüpei nüsa, ana nenou bakhaoe!

LUK NOU RÜYU KO AVEIBVÜ 19:42

haibüa paoe, “Zhou koutea nenou kaonayu ngaoloure hai dainou matsüsa touyu sü süloure toulouzü veilai monou! Ana chuo sütaosü ne nghojünou pokure.