HOSEA 6:3 - SHEEYU BAIBEL (BSI)

³ Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

HOSEA 6:3 Iomraidhean Croise

2 SAMUEL 23:4

puh sü teihao chaomoa leirei touyu shona hi vapeiyu teinghi raiwe, teirükou shopeiyu thai, teinghei nou phupeia pouzü, süüzü lapayu raie.”

JOB VEI LARÜBVÜ 29:23

Tah tamai nou teirüdzü vuh khoyu büa maikhe mainou achipao sü kei-nou nüsho-a khowe.

LOUTAO 19:4

ana puletao vei chipao hai deiphao teitei seita loua baiwe, ae deiphao kainghou adai veishi hi chouve khailou baiwe. Ramai nou ratei hinou teinghiye donou ki ali soupei khaitoue.

LOUTAO 19:6

Puhnou ratei alilo vanou paloua tasühao poa alilo vahi kou loutawe. Hataralia puhvei souyu na hisü nou tutsü louhoe.

LOUTAO 63:8

Enou neye sü taotei poa nou bue, ae ne bah nou Eye sü pailashu peie.

LOUTAO 65:9

Nenou deiphao hai sü zhupoa nou dzü züpeie, nenou hai nasü southou veisho khaipeie. Nenou rei khesü dzü southou phoutao peie, ae maikhe maiye thoudzü peie. Nenou haibüa nou souda khaipeie:

LOUTAO 72:6

Veo hisü pou daitao hi teirükou shopeiyu büpeio, ne dei hi teirükou peiyu büpeio.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

ISAIAH 2:3

Maikhe mainou taveloua haibüa paolai, “Khe, Etao Mapao vei deichi peiva Israel maivei Ramai ye thoyu Rathoki hisü tave laikhe. Etaoye panou daivah souyu jüpawe touyu puhnou Etao hi dou peilai; ae puhnou dopa peikhai touyu ludu hisü Etao nou talai. Daiolouzü Mapao vei dou-apei nasü Jerusalem hinou vepawe, Zion hinou puhnou puhvei maitaoye chaku peiwe.”

ISAIAH 32:15

Ana Ramai nou Etao hi puhvei rako sü seive peilai, süthaisü soushi khaitouyu teidei taosü shinamara veishoyu teidei soutalai, alia chamou veisho-a chachi loulai.

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

ISAIAH 5:6

Enou kipei nasü phi soupei mo-a nou vukhai bailai, phi soupeiyu thaosü panou pounghou ae shube khenou paphoulou bailai. Enou teihao-a panou sühisü teirü koupei laimoe.”

ISAIAH 54:13

“Enou neletaoye sü doupeilai, alia neletao hisü vasayu ae kaonayu sü peilai.

JEREMIAH 24:7

E hai Mapao süe touyu puletaoye panou süloure tsüle sü peilai. Süthaisü puletao hai avei mai soulai, ae Enou puletao vei Ramai soulai, daiolouzü puletao vei tsüle alia hrümai teitei nou peia ahi dakhai velai.

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

HOSEA 10:12

Acheche nasü neletao lah vuthoulo, tobai soumoa leshiyu nasü chilo; thoutai vuthou khaitouyu deisü shalo, daiolouzü chuki hai Mapao ye phouyu teilere, sükulouzü puhnou ve neletao ye teirü büa ha sü peilai.

HOSEA 14:5

Deithe hi teirü kouhpeiyu büa Enou Israel mai hisü rükouh peilai, puletao nou hüvei shoyu poupa büa veishoa papalai, alia Lebanon hi süübe büa puletao maasü chülou loulai.

HOSEA 14:6

Puletao vei bo hai veishoa holo-hailo vikhelai, puletao hai hüvei shoyu poupa ali bülai, alia puletao hai kaivei shoyu Lebanon vei Sedar süübe kulai.

HOSEA 2:20

Enou neye acheche hinou poloulai, alia nenou Mapao ye süloulai.

MIKAH 4:2

ae puletao nou haibüa paolai, “She, Mapao vei deichi vasü talai khe, Israel maivei Ramai Rathoki hisü velai khe. Puhnou Etaoye puhnou jüpayu nasü doupeilai; Puhnou dopa khaitouyu ludu hisü Etao nou talai. Daiolouzü Mapao vei chipao hai Jerusalem hinou vewe; Puhnou Zion hinou puhvei maitaoye chaku peiwe.”

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

MIKAH 5:7

Shokhai toua buyu Israel maitao hai tyahrütao hrohinou Mapao nou seive peiyu vidzü ae teirü kou shopeiyu pounghou bülai. Puletao nou Ramai ye louche-a bailai, maiye louchepu khailai moe.

ZEKHARIAH 10:1

Mapao hinou khonü khyana vei teirü sü kholo. Teikhai teirü ae teihao sü Mapao nou soupeia baie, alia puhnou neletaoye donou dei hi buyu vupou shinamara teitei pei hisü teirükou peiwe.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

LUK NOU RÜYU KO AVEIBVÜ 1:78

Eletao Ramai khu-leshi vanou, teizhi hinou buyu ea athai khu hinou buyu maitaoye vapei loure donou,

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

SEI-ATAMAI VAHTAO 17:11

Chuo Berea hi Jihudimai taosü Thessalonika hi Jihudimaitao jünou le dukouhie, daiolouzü puletao nou Ramai chipao nasü sasa-a poloua teithe tsünou sheeyu larübvü sü phou-a Paul nou paoyu sü cheche ho cheche mosa tea zhue.

PAODAKHAIYU CHIKHA 32:2

Enou doupeiyu sü panou teirüpo büa kousho peio, avei chipao sü pa vidzü büa koucha peio; kaonaphi teanou pounghouva paisüsüa rükouyu teirü büa rükou shopeio, ae sünghou daiva-a buyu hi teirü koupeiyu büa avei chipaotao sü panou koupeio.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

2 PITAR 1:19

Südonou Ehnou rachi paola mainou paoyu chipaosü louche putare. Neletao nou haina hisü le peitou louzü veilai, daiolouzü haina hai teithe louloua shona teivuh vei avanou neletao lekhehi vapeimo koute teizhi buh hinou va-a buyu meibvü süna kue.

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”