HOSEA 4:8 - SHEEYU BAIBEL (BSI)

⁸ Neletao nou Amaitao vei mah vanou toungi loure; südonou neletao nou Amaitao ye sü panou mah soupu nüwe.

HOSEA 4:8 Iomraidhean Croise

2 VEMAITO 12:16

Soumah khaitouyu ae mahmo khailoure donou posheela peiyu pousha khesü sübvü hi thoumoe; daiolouzü sütao hai napao maitao vei zha baie.

LOUTAO 24:4

Phibah sheeyu mai, ae tsüle sheeyu maitao, basharataoye thomoyu maitao, moyuma da-a nou chaachou soumoyu maitao noulai.

LOUTAO 25:1

Oh Mapaowo, ne hi Enou veachi paowe:

ISAIAH 56:11

Puletao hai tounghou shiyu sei büa rukhayu sü ali-a ha-e. Zhaokhomai haitao hai aveih ashi sükulou süyu tsü hare. Puletao mai hrülai nou lahkuku jüpayu hisü ta-a baire ae puletao mai hrülai nou lahkuku vei koyu nasü phouta-a baire.

EZEKIEL 14:3

“Thai-a bailaiyu mainare, mai haitao vei tsüle veishi hai bashara hi peiwure ae bashara sünou puletaoye mah hi süthaithou peiwure. Puletaoye Enou chila peishulai tea puletao hai tsüchovu?

EZEKIEL 14:7

“Israel mai tarali noua moa vakou mainou Israel mai hi velou hrüa buyu mai tarali noua Eye thaokhaiwua basharataoye thotare toulouzü ae puletao nou rachipaola peiyu mai hi tave kabülai tea nou louzü Mapao Enou puletao vei chila sü peilai.

HOSEA 10:13

Ana neletao nou mah thou sü vuthouwure, südonou kaozü moyu nanou chiloua bailai, neletao nou dayu shithou sü touloure. Daiolouzü neletao nou rheiluki alia reihmai pouyu nanou loucheloua baire.

HOSEA 12:8

Israel mainou paoe, ‘Ewo hanghiwe, Enou chingi sü pojü loure. Do-ashi hinou Enou toungi louyu haio mai linoua Eye mah paodu khaipei louhoe.’

HOSEA 14:1

Oh Israel maitaore, neletao Ramai Mapao hi dakhai velouo, daiolouzü neletao nou mah souyu vanou neletao phi süloua baie.

LEVIMAI LARÜBVÜ 6:22

Vere teile teitei hia Aaron vei tyaosholea maitao nou pokupa theadzü naloua napao soulai toulouzü posheela hai nasü soulai. Posheela hai nasü teitei nou meidei loua Mapao hi posheela peilai.

LEVIMAI LARÜBVÜ 6:26

Hrikhaona naye posheela peiyu napao nou haisü sheeyu buh Mapao nou buyu Sahpao khevai hinou toulai.

MIKAH 3:11

Nuhdu vei peikho maitao nou seihla toua khore, napao maitao nou Chikha sü shi-zho peia paolapa poa baire, rachipaolayu maitao sünou pousha donou pao-a bure — ae puletao mai hrülai sü Mapao nou puletaoye kozho peiwe tea khaloure. Puletao nou paoe, “Kaozhou ashi sü velai moe, Mapao nou puletaoye koa bue.”

MALAKAI 1:10

Khoukhoulai Mapao nou paoe, “Neletao hrohinou mai talinoua Rathoki nasü kikhu khupei-a hakonou sheelayu buhisü meitao molouzü veih sholaire. E neletaoye jüpayu hazhi toure, alia neletao nou peiyu posheela khesü E polai more.

ROMMAI 16:18

Daiolouzü haibüa souyu puletao sü Eletao Mapao Khristaye kuvah soumoe, ana lah puletao vei pou donou soubaie. Puletao vei lakovei ea müpouyu sünanou puletao nou khosümoyu maikhe maiye labaiwe.

TITA 1:11

Puletao mühai khawu vuzülai, daiolouzü puletao nou douzü moyu sünanou doupeia kikhamaitao teiteiye souphe-soukhore, alia sütao teiteihai küshia pousha ngaoloure donoue.

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

1 SAMUEL 2:29

Sübüa buyuma, ne daisou nou avei maitao hinou ngaozüa buyu zha jünou la-a nou dutounü puwe? Ne daisounou Eye tsükhouyu jünou la-a nevei nahmaitao ye tsükhoupu loua avei Israel maitao nou Eye pove sheela peiyu hinou touveiyu soutao sü poloua puletaoye kiko peiwe?