HOSEA 4:6 - SHEEYU BAIBEL (BSI)

⁶ Amaitao nou tsüdo hayu vanou haka tare; daiolouzü puletao nou tsüdo ye sü malaiwu baire, südonou E-a puletaoye sü napao vei vah souyu hinou malaiwulai. Alia puletao nou Ramai vei chikha sü ngaiyu thaifüa, E-a puletao vei tyaonah ye sü ngaiwulai.

HOSEA 4:6 Iomraidhean Croise

2 PUOPAOKO 15:3

Teile taoli hai Israel mainou acheche Ramai ye sa-a hrümore, ae puletaoye paodou peire napao mai ha-a chikha khesü sümoa hrüre.

JOB VEI LARÜBVÜ 36:12

Ana puletao nou paochi zümoyu thaiwo khoche hinou süngao khaimoa thai-a bailai.

LOUTAO 119:139

Eye ngaobayu maitao nou nevei chikha khesü ngaophou moyu donou, mei tao-a buyu büa Ewo lekha sho-a bubaire.

LOUTAO 119:153

Enou sounou soua buyu sü zhupeio, ae Eye khailupa peio, daiolouzü Enou nevei chikha khesü ngaophou moyu soumoe.

LOUTAO 119:61

Mai ashi maitao nou Eye shorü southou peie, ana Enou nevei chikha khesü ngaikhai timoe.

LOUTAO 18:27

Nenou tainou soua laiyu maiye sü khailupa peie, ana khaophu souyu maiye sü ponakou peie.

TSÜCHITAO 10:21

Acheche maili vei chipao sünou mai alaoye souvi peiwe, ana vomai louzü tsü hayu vanou thai-a baiwe.

TSÜCHITAO 19:2

Mai linou tsüdo ha-a buyu hai veimoe, alia tharara-a tayu mai nanou ludu tamah baiwe.

ISAIAH 1:3

Kikhaorü louzü lah puletao vei paopuye süwe, alia rheisüh-a lah paopu nou to peiyu buh ngaowe. Ana Israel mai-o louzü sülou more, avei maitao hai tsü sükulou more.”

ISAIAH 17:10

Daisounou toulouzü neletaoye vupa-apeio Ramai ye sü neletao nou ngaiwure, ae puletao vei baibu chuhdu nasü licholou more. Neletao hai sheeyu kipei alao soukhailoua vakou maivei rahye thore donou soudakhai tou-a bure.

ISAIAH 27:11

Süübo khesü kita chata-a bailai, alia naotumai nou süü sükhesü poloua mei deilai. Daiolouzü maikhe mai hai sükulou süyu tsüdo sü hare, südonou puletaoye Sou-apeio nou puletaoye zhuveayu sü bulai more, ae puletaoye leshi-jüpayu sü ngaopei laimoe.

ISAIAH 28:7

Rachipaola-apei maitao ae napao maitao koute-a zhaoh sozhi poa chaorara-a baire. Puletao hai zhaoh sobaleyu donou choha-a laire. Ramai nou vepare donou zho ngaopeiyu sü sükulou hore, alia napao maitao-a kaozü hinou chidei soupeilou more.

ISAIAH 29:12

Alia neletao nou larü phoulousü moyu mai ali hi pove hainasü phoukhaio tea paolouzü puhsü phoulousü moe tea chila peia bailai.

ISAIAH 3:12

Nahle maitao nou avei maitaoye sü souchoro pei-a bure, ae naotu maitao nou puletaoye sü khasa-a hrüa bure. Oh avei maitaore, neletao vei süthai apei maitao nou neletaoye sü süthai mah peiwure, südonou neletao hai ludu kalo talai touyu sümoa bure.

ISAIAH 45:20

Mapao nou paoe, “Shokhaitoua buyu tyahrü hrülai tave jülo chikulai! Süü chuh nou soukhai touyu bashara poa laiyu puletao hai halia sümoe, ae puletaoye khailupa peilou hoyu ra ali hinou puletao hai veachi paowe.

ISAIAH 5:13

Südonou neletaoye sü hukhamai ali sou-a vakou nüpoa tawulai; neletao vei süthai-apei maitao hai khü-a thailai, alia maisou nou rei-a thailai.

JEREMIAH 2:8

Napao maitao nou haibüa paolou moe, ‘Mapao sü daiki bue?’ Avei napao maitao nou Eye sümoe. Teidei khomaitao nou Eye hailoua baire; Rachipaola maitao nou Baal zhih hinou rachi paotare, ae halia viyu hayu basharatao sü thotare.

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

JEREMIAH 5:21

Oh voyu maitao ae tsü hayu maitao, nghithou pfüa ngaomoyu maitao, noubi pfüa choumoyu maitao, soutaosou keilo.

EZEKIEL 44:23

“Napao maitao nou avei maitao hi sheeyu ae sheemoyu natao alia naanou sheeyu ae sheemoyu khesü doupeilai.

HOSEA 13:6

Ana neletao nou teidei aveih hi loulou khaie, tousü-sosü ngaoloukhaie, neletao nou khaosouloua Eye ngaiwure.

HOSEA 2:13

Puhnou kainüvei nou dei poa Baal ye posheelayu donou, alia mutei noubo ae touhnou tupfüa/maipoa puh leshi mai thaifü taloua Eye ngaiyu vanou, Enou puhye sü tudee souwulai tea Mapao nou paore.

HOSEA 4:1

Oh Israel maitaore; Mapao nou teidei hai hinou hrüa buyu maitao hi aetou moyu bure, Mapao vei chipao sü keilouo, “Teidei haina hi chileeyu alia maiye zhuveayu ali-a hare, alia Ramai ye süyu maia hare.

HOSEA 4:12

Puletao nou süü-chuh ali hinou daie vepalai tea nouwe, alia süü-chuh nasü nou puletao hi vepare sü paongao peiwe. Daiolouzü khakhayu rako nanou puletaoye sü sa-a mota peiwure, ae Mapao ye sü thaowua puletao nou khakhayu vah sü soutare.

HOSEA 4:14

Ne nahnaotutao nou khulou souyu phaki, alia ne moumaitao nou poutu kukhe maiye koa khu souyuma, Enou puletaoye sü tudee-a souvea laimoe; daiolouzü nele poututaoa khakhayu naotupai hisü tawe, alia rathoyu ki hinou khakha maiye koa sheelawe. Haibüa nou tsüchi paokhai toue, ‘Tsü hayu maisü hakata bailai.’

HOSEA 5:4

Lah puletao nou souyu vah sovei nanou puletaoye sü panou Ramai hi dakhai veloure ludu dakhawu baire, daiolouzü puletao nou chilee moyu hrü hüyu jüpaloua Mapao ye sülou more.

HOSEA 6:6

Daiolouzü Ewo neletao nou posheelayu na jünou neletao vei tobai soumoa leshi peiyua jüpa puhie, meinou deia thoyu najünou Eye süyu nanou jüpa hie.

HOSEA 7:11

Israel mai hai tsü hayu khao büa zhaoa laibaire; puletao nou Ejipt maiye soukhapeio tea kuwe, alia Assaria mai hi tuvewe.

HOSEA 7:9

Vakou mainou puletao vei khouko sü potare, ana haihai puletao nou sümoe; puletao vei teile sü khadawure, ana süsü puletao nou sülou more.

HOSEA 8:1

Mapao nou paoe, “Ngaoba mainou Amaitao vei teidei hi loure donou rashopeiki büa laire, shabe sü houre donou soudalouo, daiolouzü puletao nou Eye koa Vo soukhai touyu nasü souphewure, alia Avei chikha khesü pfüthouwure.

HOSEA 8:12

Enou puletao ye donou Avei kharochi thethe rüpeia buyuma, puletao nou sühai sükho moyu büa poba-a laiwu baire.

HOSEA 8:14

“Daiolouzü Israel mainou bure ki aveih souloua Mapao ye sü ngaiwure; Judah mainou reihbu aveih taoli soukhai toua buyuma; Enou reihbu sütaoye sü meinou deiwulai alia puletao vei fühao teitei sü souhawulai.”

HOSEA 9:17

Daisounou touyuo, puletao nou Ramai chi zübare; puletaoye sü pa tyahrü kukhe mai hrohinou raroua tayu mai souwulai.

MATHIU 15:14

Puletaoye donou doso! Puletao hai nghichamai vei nghichayu süthai-apei maitaoe; alia nghichamai alinou nghichamai aliye süthai louzü, ahaikheinou raobvühi dulou bailai.”

MATHIU 15:8

‘Mai haitaonou Eye puletao tai hinou tsü khoue, ana puletao lehai Ahinou doushoa bue.

1 SAMUEL 2:12

Eli vei nahpoutu ahai hai shita khaire; puhai nou Mapao ye tsükhouyu sü hare,