HOSEA 4:3 - SHEEYU BAIBEL (BSI)

³ Südonou teidei hainasü shita-a bailai, hai hinou hrüa buyu maia lelou hotalai; alia rekhaona, tei hi raohou ae zai hi khah koutea tyaka-a bailai.”

HOSEA 4:3 Iomraidhean Croise

ISAIAH 33:9

Teidei sü kra-a dopfüa bure. Veisho-a buyu Lebanon vaobvü sü kitare, Sharon deikho aveih nasü radeiki büre, alia Bashan ae Karmel Deichi sü puletao vei süünghou raitare.

JEREMIAH 12:4

Etao vei teidei hai teile kazhou koute kirü tea bulai, ae pounghoutao kazhou koute ki-vüa bukou laige? Etao vei maitao nou maishiyu donou soukhaona ae raohou khesü hatare, daiolouzü puletao nou haibüa paoe, ‘Etao nou soupfüa buyu hai Ramai nou ngaomoe.’ ”

JEREMIAH 23:10

Teidei hisü khulou souyu nou pouleyu donou teidei sü chaa ngao-a dopfü loure, ae heiphao khesü kitare. Puletao hai kaozü moyu hinou hrüa baire, ae puletao vei khouko sü macha moyu hinou poa vah soua bubaire.

JEREMIAH 4:25

Sühisü mai liro zhingao moe; ae raohou koute-a tuta khaitoure.

JEREMIAH 9:10

Enou paoe, “Enou deichitao donou dopfülai ae heiphaotao donou kralai, daiolouzü buh sütao sü kitare, ae mai linoua veihao soua tamore. Hrikhaona vei pairo-a choupu more; tei hi raohou ae rekhaona teitei-a tuta khaire.”

JEREMIAH 9:9

Haidonou puletaoye E tudee zümovu? Haibüyu tyahrü ali pei hi Enou khüngu phou laimowu? Haisü Mapao Enou paowe.”

EZEKIEL 38:20

Dzü hi khah ae tei hi raohou, hrikhaona taidu veishi, ae deiphao hi buyu mai hrülai nou Eye ngaopi sho-a nou ngulai. Deichi khesü kaodu talai, chuhlya khesü pepo talai, ae kivo teitei hai pepokoua bailai.

JOEL 1:18

Kikhaorütao hai-a choro-a rare! Heiphao hi poudai hayu donou chokhome sü veare; alia zhaotu khe-a veasho tare.

AMOS 1:2

Amos nou paoe, “Zion hinou Mapao nou ra-e, alia Jerusalem hinou teisüpayu büa puhnou paiwe; Zhaotutao vei hiphao sü kitare, alia Karmel deichitao hinou buyu pouhou sü kitare.”

AMOS 5:16

Südonou hrülai pei hi Mapao Ramai nou haibüa paoe, “Kiphao buyu hrülai hinou puletao nou dopfüa kralai alia ludu liki hinou puletao nou paolai, ‘Iyaho! Aishoho!’ Puletao nou kouli liveih maiye sü panou dopfüa kouli lire donou kuvelai.

AMOS 8:8

Haiva donou teidei sü pilai mowu alia sühi hrüa buyu khemai nou dopfülai mowu? Alia teidei sühi buyu na veishi hai Ejipt hi Nail reidzü duyu büa holove hailove-a külai mowu?”

NAHUM 1:4

Puhnou zai hi kharochi peikhaige, süna hai theta baiwe, Bashan alia Karmel hai-a kitare, alia Lebanon hi poupa khea raitare.

ZEPHANIAH 1:3

Mai, hrikhaona, raohou alia kha hrülai-a souhawulai. Mai ashimaiye Enou soukhaowulai, deiphao hinou hrüa buyu mai hrülaiye sü souha khailai, tea nou Mapao nou paoe.

ZEKHARIAH 5:4

Khoukhoulai Mapao nou paoe, ‘Enou chaa haina hai seitare, südonou haina sü avao mai kihi loulai, alia A zhih hinou da-a nou shaki soukhai touyu mai hrülai ki hisü ve loulai; alia puletao ki hisü ve buloua nou buyu na veishi souhakhai touwulai.’ ”