HOSEA 4:2 - SHEEYU BAIBEL (BSI)

² Teidei haihio chaachou souyu, dayu, taitha-dathayu, vaoyu, khulou souyu khaikho baire, alia sounou-pfünou touyua hazei toure. Maiye southayu vah sovei sü pulailaia baire.

HOSEA 4:2 Iomraidhean Croise

SHURAI 4:8

Kain nou puh thaihou Abel ye “Ahai koa douhi taho laikhe” tea kuloue. Alia puhai nou douhi bua bukinou Kain nou puh thaihou Abel ye sü dathare.

ISAIAH 24:5

Deiphao hi hrüa buyu maikhe mainou souzhaiwure, daiolouzü puletao nou chikha khesü pfüthore alia kharochi khesü züpei more, teisa donou vo soukhai touyu nasü soukho laiwure.

ISAIAH 48:1

Oh Israel maitaore, haihai keilo, ae Judah maitya hinou hrüveyu maitao; Mapao vei zhih hinou chaachou soukhai touyu maitao, ae Israel maivei Ramai ye thowe tea paoyu maitao – neletao hai acheche moa kaozü nasü soupfü more.

JEREMIAH 51:5

Israel ae Judah maitao nou Israel maivei Amasheeo, Khoukhoulai Ramai Mapao apei hi mah souyuma, Enou puletaoye sü thaopei moe.

JEREMIAH 6:7

Dzükhao ali hi dzü thoukhai touyu büa Jerusalem hisü hashi khaiko nou thoukhai toua bubaie. Taida vayu ae soushi peiyu khaiko chou-a bubaire; sounou souyu, ae zhizhu khaitouyu likhei zhingao-a bua baire.

DOPFÜYU 4:13

Ana hai khesü vepare, daiolouzü rachipaola peiyu maitao vei mahmo vanou ae napao maitao nou mahmo souwure. Puletao nou cheche maiye sü southawure.

EZEKIEL 7:23

“Ha teitei nou haokao-a bukhai toure, teidei hisü maiye dathayu mainou phoutao loure, ae nuhdu veishi hisü taidayu ae züvei vayu nou phoutao loure.

HOSEA 10:13

Ana neletao nou mah thou sü vuthouwure, südonou kaozü moyu nanou chiloua bailai, neletao nou dayu shithou sü touloure. Daiolouzü neletao nou rheiluki alia reihmai pouyu nanou loucheloua baire.

HOSEA 10:4

Puletao nou kaozü moyu chipao sü paowe; dayu chaachou nou poa Vo sü souloua baiwe; südonou douhi pou-tsüpayu büa chikure sü pabaiwe.

HOSEA 11:12

Israel mainou madayu alia vah ashi souyu hai nou Eye sü sühao loua bubaire, alia puletao vei acheche alia sheeyu Ramai Eye Judah mainou chukoutea dua bu baire.

HOSEA 12:14

Ana Israel mainou Mapao vei rarou-lekha vah sü souwure; südonou puletao hai puhtao vei mah thaifüa veahoyu sü ngaolai. Puletao nou kaozü moyu vah souyu donou Mapao nou puletaoye sü tudee apei soulai.

HOSEA 5:2

Shittim nuhdu hi thoushoyu kaobvü ali soure, Enou neletao hrülaiye tudee soulai.

HOSEA 6:8

Gilead hai ashi souyu alia zhe kükouyu nuhdu ali soua bubaire.

HOSEA 6:9

Mai vei saotouyu mainou maiye dahyu büa Napao maitaoa me souloua Shekhem ludu hinou maiye datha baire, puletao nou ashi vah sü sounü shoa bubaire.

HOSEA 7:1

“Enou Amaitaoye kaozhou aveih peida khailai touyu phaki, Enou Israel maiye souvei peilai touyu phaki, puletao vei mah alia vah ashi khaikho nou ngaoa baire; daiolouzü puletao nou dayu vah souwe, avao mainou mai ki dakhao louwe, alia maivei saotou mainou ludu kinou dua saolaiwe.

HOSEA 7:3

Mapao nou paoe, “Puletao nou vah ashi souyu nanou veo sü poa le sousa peiwe, alia puletao vei shodo ashi nanou peikhoyu maitaoye le sousa peiwe.

HOSEA 7:4

Puletao hai maiye sapayu mai khai toue; puletao vei lekha-rarou haio raokhao khaoyu mainou deipa souhshoa khaitouyu meifü libüa baie, süsü raokhao khaoyu mainou chemo koute mei chüthoyu hai komoyu büa baie.

MIKAH 3:2

ana neletao hai vah aveih nasü ngaora loure ae ashi nasü leshi loure. Neletao nou avei maitaoye sü hria hee sü tolao peiwure ae puletao souke sü rao hinou paikhao papeire.

MIKAH 3:9

Enou paoyu keilo, Israel maiye süthai-apei maitaore, kaozü naye ngaorayu maitao alia acheche nasü porei laiyu maitaore.

MIKAH 6:10

Mai ashimai ki hisü tsüle sheemoyu hinou nangi khesü pojü khaitoue. Puletao nou da-a nou sühdoukhao sü powe, süsü Enou ngaora-e.

MIKAH 7:2

Mai aveih mai hai hazei toure, Ramai hi chilee checheyu mai aliro hare. Mai hrülai nou maiye soushi peire donou kaozhou veiyu nasü phoua baire. Puletao hai lahvei maiye soushi peia bure.

ZEPHANIAH 3:1

Daizhozhou vealaisa! Kaotayu, souzhaiwuyu, alia lah maiye souveayu nuhdu napai!

ZEKHARIAH 5:3

Süthai puhnou ahi paoe, “Haihai deiphao teitei hi taho chaa peilaiyu nae; daiolouzü maivei avao mai hrülaiye sü larübvü dapolova hi rüthou khaitouyu thaifüa souhawulai, alia da shaki peiyu mai hrülaiye sü ali lova rükhai touyu thaifüa souha khaiwulai.

ZEKHARIAH 7:9

“Khoukobu Mapao nou haibüa paoe: ‘Kaozü hinou chiku peio, alinou aliye leshilo alia zhuvea peio.

MATHIU 23:35

Sükuyu vanou mah hayu Abelye southeayu hinou shua neletao nou Rathoki ea posheelabuh kole hinou southeawuyu Berakia nahpoutu Zakaria vei zhe koute mah hazheia deiphao hi zhe kükouyu mai hrülaivei tudee hai neletao pei hi velai.

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.

PAODAKHAIYU CHIKHA 5:11

“ ‘Neletao Ramai Mapao zhih sü kaomoyu hinou poa vah soulai moe, mai taralia azhih poa kaomoyu vah souyu mai hisü Enou tudee peilai.

PAODAKHAIYU CHIKHA 5:18

“ ‘Khulou vah souso.

PAODAKHAIYU CHIKHA 5:19

“ ‘Maivei vaoso.

1 THESSALONIMAI 2:15

Pule Jihudi maitao nou Mapao Jisu ea rachipaola maitaoye southea-e, alia Ehye souveasho peiwu-a hutare. Daizhozhou puletao nou Ramai züphi sousa! Daizhozhou puletao nou maikhe maiye ngaobasa!

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.