HOSEA 4:10 - SHEEYU BAIBEL (BSI)

¹⁰ Puletao nou toulai, ana khalai moe, puletao nou khakhayu vah sü soulai, ana mai kaapu palai moe; daivanou toulouzü puletao nou Mapao ye sü thaowua pfüphao jüpa vah sü soutayu donoue.”

HOSEA 4:10 Iomraidhean Croise

2 PUOPAOKO 24:17

Anou Jehoiada thaiyu thai, Judah hi süthai-apei maitao nou Joash ye sü panou puletao vei chi zütare.

LOUTAO 125:5

Ana nenou mai ashi maitaoye tudee peiyu phaki, nevei ludu hinou tamoa buyu maitao-a tudee peio. Israel maitaoye sü panou kaona-a bulo!

LOUTAO 36:3

Puletao vei chipao laqo hai shiyu ae dayu khaiko baie, tsüdo aveih ae vah aveih souyu nasü puletao nou thaokhaiwure.

TSÜCHITAO 13:25

Acheche mai louzü toujü-sojü moe, ana mai ashimai liwo houzü-a bukoute bailai.

JEREMIAH 34:15

Teile shomo hie, neletao nou ledaloua Enou jüpayu nasü soupeie. Neletao mai hrülai nou anghingao hinou lahvei thaihou jürai soua buyu Israel maitao nou qila soua buyu maitaoye sü lahdo soupeiwulai tea Eye thoyu Rathoki hinou vo soukhai toue.

JEREMIAH 9:12

Enou chinoue, “Mapaowo, daisounou teidei taosü soushi khaiwure ae thekei tea panou radeiki vita-a mai lia panou veihao soulou shiwe? Thaonou tsü veisho-a haitao sü sükulou süyu bue? Thao hi paopei-a haitao hai paopa peilou süyu bue?”

EZEKIEL 18:24

“Ana checheyu mai ali nou vah aveih souyu sü soupu moa vah ashi souta louzü, ae ngaorayu maishi mainou souyu vah khesü puhnou souta louzü puh sü hrilou süwu? Moe! puhnou vah aveih soukhai touyu teitei-a lichopu peilai moe. Puh sü thai-a bailai daiolouzü puh sü chilee cheche more ae puhvei mah donou puh sü thai bailai.

EZEKIEL 22:9

Neletao kamai-a nou maiye panou southare donou dayu chi sü paore, kamai-a nou basharatao hi posheela peiyu touso khesü toure ae kamai-a nou kezhe vei jüpayu nasü rukha soua nou bure.

HOSEA 4:14

Ne nahnaotutao nou khulou souyu phaki, alia ne moumaitao nou poutu kukhe maiye koa khu souyuma, Enou puletaoye sü tudee-a souvea laimoe; daiolouzü nele poututaoa khakhayu naotupai hisü tawe, alia rathoyu ki hinou khakha maiye koa sheelawe. Haibüa nou tsüchi paokhai toue, ‘Tsü hayu maisü hakata bailai.’

HOSEA 7:4

Puletao hai maiye sapayu mai khai toue; puletao vei lekha-rarou haio raokhao khaoyu mainou deipa souhshoa khaitouyu meifü libüa baie, süsü raokhao khaoyu mainou chemo koute mei chüthoyu hai komoyu büa baie.

LEVIMAI LARÜBVÜ 26:26

Neletao nou ngaotou ngaoso-a buyu ludu khesü Enou soude laiwulai, sübüa naotumai kirou nou hakouyu thaobvü ali hinou hakhotoua bailai. Puletao nou süna hai zhitoulai, ana pouphou laimoe.

MIKAH 6:14

Neletao nou toulai, ana rukhalai moe — neletao hai houzüa bukoute-a bailai. Neletao nou nakhesü poa talai, ana sükhesü pojü khailoulai moe; neletao nou hana taralia pokhai touyu khesü Enou soureih souyu hinou pa soushi souhawu bailai.

ZEPHANIAH 1:6

Eye thoyu hinou dakhai tayu mai, Ahi vemoyu mai alia Eye phoumoyu mai hrülaiye sü souha khailai.”

HAGGAI 1:6

Neletao nou thoutai alao sou vuh thouwe, ana daotu chiloua baiwe, neletao nou touwe, ana rukha moe; neletao nou kewe, ana rukha khaimoe; neletao nou sabanü banouwe, ana neletao mailia lülou moe. Neletao nou zho kuyuma kupove lekha chayu hi thouwu baiwe.”