HOSEA 4:1 - SHEEYU BAIBEL (BSI)

¹ Oh Israel maitaore; Mapao nou teidei hai hinou hrüa buyu maitao hi aetou moyu bure, Mapao vei chipao sü keilouo, “Teidei haina hi chileeyu alia maiye zhuveayu ali-a hare, alia Ramai ye süyu maia hare.

HOSEA 4:1 Iomraidhean Croise

1 VEMAITO 22:19

Mikaiah nou haibüa paopue, “Mapao nou paoyu chi sü keilo! Rakiva nou Mapao sü puhvei vebuh hi bue, ae rakivamaitao nou puhye sühao poa buyu sü Enou ngao-e.

LOUTAO 81:9

Neletao hai rah kukheye thokhai tiso.

ISAIAH 1:10

Oh Jerusalem, nevei peikho maitao ae nevei mai hrülai hai Sodom ae Gomorrah hi mai büre. Mapao nou neletao hi paopeiyu chi khesü keilo, ae Eletao Ramai nou neletao hi paodou peiyu khesü leloua keilo.

ISAIAH 1:18

Mapao nou paoe, “Tavelo, Etao koa nou tsülou-a chi phazho laikhe. Neletao vei mah hai homara-a buyuma Enou vüra jünou soukaapu peilai, ae zhe büa hothou teiküa buyuma Enou phakaa büa soukaa peilai.

ISAIAH 28:14

Südonou sükhokho soua Jerusalem khasa-a hrüa buyu maitaore, Mapao vei chipao sü keilo.

ISAIAH 34:1

Oh tyahrütaore, tave jüloua keilo! Deiphao teitei ae sühinou hrüa buyu mai hrülai panou tave keikhaio.

ISAIAH 34:8

Daiolouzü Mapao nou khüngu phoure teile ali bue, ae Zion ye khailupa peire po ali bue.

ISAIAH 5:3

Südonou chuo asamai nanou paoe, “He Jerusalem ae Judah hinou hrüa buyu maitao, zhuvea nou avei darkha kipei ae ahai ko hi thaonou mahsa touyu chi kupeio.

ISAIAH 59:4

Mai ali koute-a chikuyu hisü cheche-a velou moe, maili koute-a le shee-a nou chiku peimoe. Neletao hai dahrührüa baiwe; südonou neletao hai ashi nah hrüloua mah sü nakou louwe.

ISAIAH 59:8

Ae neletao nou buyu buh hisü kaonayu hae, ae neletao nou kaozü moyu ludu hisü ta-a baie; neletao vei ludu sü makhukükou-a baie alia maitaralia ludu sühi tayu maisü kaozhou aveih daolai moe.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

JEREMIAH 11:7

Neletao vei puopao maitaoye Ejipt hinou sa-a palou nou zhou koute Enou puletao hi Achi soutaosou zülo tea paopi peie.

JEREMIAH 19:3

Mapao nou ahi haibüa paopeio tea paoe, “Judah hi vemaitao ae Jerusalem hi maitaore, Israel maivei Ramai Mapao vei chipao keilo. Zhukhaio, Enou buh hai hisü hashi pfüve peilai ae ko haina choulouyu mai hrülai vei noubi sü tholai.

JEREMIAH 2:4

Jakob vei tyaosholea alia Israel maitaore, Mapao vei chipao keilo.

JEREMIAH 2:9

“Südonou Mapao Enou neletao pei hi tsühlai, ae neletao vei tyaonah maitao pei hi-a tsühlai.

JEREMIAH 25:31

ae rayu pai sü deiphao akhai koute khana büpo-a talai. Mapao nou tyahrütao pei hi chikure bue. Puhnou mai hrülaiye chi kuyu buh savelai ae mai ashitaoye southalai.’ Haisü Mapao nou paoe.”

JEREMIAH 34:4

Anou Mapao nou paoyu sü keilo, Oh Judah hi Veo Zedekiah! Ne sü soureih hinou thailai moe.

JEREMIAH 4:22

Mapao nou paoe, “Avei maitao hai vopare; puletao nou Eye sümore. Puletao hai voyu nahmai ali büre; puletao hi sükulou süyu tsü hare. Puletao hai vah ashi souyu hio souvei shore, ana vah aveih louzü soupfülou more.”

JEREMIAH 4:28

Südonou teidei nou dopfüa kralai; ratei sü zhitei talai. Mapao nou haisü paopawure ae puhnou le dalai moe. Puhnou haibüa soulai tea lela loure ae ledapu khailai moe.

JEREMIAH 5:4

Süthaisü Enou paoe, “Puletao hai touhayu mai baie, ae voyu maitao baie; daiolouzü puletao nou Mapao vei ludu nasü sümoe, ae Ramai nou puletaoye panou soupfü nüyu nasü sülou moe.

JEREMIAH 51:5

Israel ae Judah maitao nou Israel maivei Amasheeo, Khoukhoulai Ramai Mapao apei hi mah souyuma, Enou puletaoye sü thaopei moe.

JEREMIAH 6:13

Tai-du soumoa mai hrülai nou kaomoyu ludu hinou tounüa viyu sü phou-a baire; rachipaolaiyu maitao ae nahpao maitao koutea maikhe maitao hisü da-a baire.

JEREMIAH 7:28

Nenou puletao hi puletao vei Ramai Mapao chi zübare, moyuma puletaoye daivanou tukha peiwe touyu sü sülou more. Acheche nasü hatare, ae hai nasü puletao vei mü hinou paopapu more.

JEREMIAH 9:20

Enou paoe, “Oh naotu maitaore, Mapao vei chipaotao sü keikhaio, ae puhvei chipaotao sü keilo. Neletao vei nah naotu maitaoye kabüa dopfüa kralai touyu sü doupei khaio, ae samai khamaitao hi kabüa kouli lilai touyu sü doupeio.

JEREMIAH 9:3

Puletao hai teile busasü dayu chi paore donou bua baire; cheche-a teidei khore thaosü tsüle shee more. Mapao nou paoe, “Avei maitao nou vah ashi souyu thainou soupu khaikhai-a baire, ae E hai puletao vei Ramai nasüe touyu süpei more.”

JEREMIAH 9:7

Haivanou Khoukhoulai Mapao nou haibüa paoe, “Enou avei maitaoye sü hu ali mei hinou dei-a zhai zhuyu büa zhulai. Amaitao nou hashi khesü soupfüre — Enou puletao hi dai soupu peire bue?

EZEKIEL 16:35

Jerusalem, khakhayu pfüpai, chuo Mapao nou paoyu sü keilo.

HOSEA 12:2

Mapao nou Judah mai hisü aetou moyu bure, alia Israel mainou souyu vah na thaifüa puletaoye sü tudee souwulai.

HOSEA 12:3

Jakob nou pfüpou hi bukinou puh jürai Esau ye duwe, alia puhnou dupa khaie Ramai ye nüvaye.

HOSEA 5:1

“He Napao maitaore, haihai keilo! He Israel maitaore, leloua chi hai keilo! Oh vemaitaore, kei khaio! Chikure sü ne pei hi velai! Daivanou touyuo ne sü Mizpah hi rüh, Tabor deichi hi sho alia

HOSEA 5:4

Lah puletao nou souyu vah sovei nanou puletaoye sü panou Ramai hi dakhai veloure ludu dakhawu baire, daiolouzü puletao nou chilee moyu hrü hüyu jüpaloua Mapao ye sülou more.

JOEL 1:2

Hai choulo, nele tsümaitao, keilo, teidei haihi hrüa buyu mai hrülai! Neletao vei teile hi moa neletao vei puopao mai teile hi haibüyu vepa homoe?

AMOS 3:1

Oh Israel maitaore, Enou Ejipt teidei hinou sapa peiyu kihikha mai hrülai, Mapao vei chipao haisü keilo,

AMOS 7:16

Südonou chuo Mapao nou paoyu sü keilo. Neletao nou paoe, “Israel mai hi rachi paopuso, ae Israel maiye paoshiso.”

MIKAH 6:2

Deichi taore, Mapao nou paodouyu chi sü keikhaio! Mapao nou puhvei maitao hi chikure sü bure, puhnou Israel mai pei hi züvei-a mah paodure sü bure.

JOHAN 8:55

Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

ROMMAI 1:28

Alia puletao nou Ramai vanou chekhaoyu tsü nasü puletao vei tsü hi khaibayu donou, puhnou puletaoye sü ashi tsü hi ea kao-zümoyu zhaido hi thoupeire.

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.

PONGAOPEIYU 2:29

“Nou pfüa buyu puhnou Rako nou lüloumaime taohi pao-a buyu nasü keiloukhaio!