HOSEA 3:5 - SHEEYU BAIBEL (BSI)

⁵ Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

HOSEA 3:5 Iomraidhean Croise

1 VEMAITO 12:16

Israel maitao nou veo hai puletao vei chi sü keipei laimore touyu sü zhingao loukhaie, puletao nou veo hisü haibüa paore, “Etao nou David hinou dai ngaore bue? Etao hai Jesse vei nahpoutu maitao hinou kikaa ngaore halia ha-e! Oh! Israel maitaore, lahkuku vei ki hi dakhai tawo. Rehoboam ye panou lah vei ki sü zhulo!” Sübüa Israel maitao hai lahkuku ki hisü dakhaitare.

ISAIAH 17:7

Süzhou teithe sü maikhe mainou puletaoye Souva-apeio Mapao hisü dakhai velai, ae puletao nou Israel maivei Amasheeo sü phoutalai.

ISAIAH 2:2

Haithai naki haibüa nou vepalai, süolouzü Mapao vei Rathoki soukhai touyu deichi nasü deichi teitei jünou kupulai, ae deitao kukhe jünou taopulai. Tyahrü hrülai nou hai hisü tobai soumoa tave loulai.

ISAIAH 2:3

Maikhe mainou taveloua haibüa paolai, “Khe, Etao Mapao vei deichi peiva Israel maivei Ramai ye thoyu Rathoki hisü tave laikhe. Etaoye panou daivah souyu jüpawe touyu puhnou Etao hi dou peilai; ae puhnou dopa peikhai touyu ludu hisü Etao nou talai. Daiolouzü Mapao vei dou-apei nasü Jerusalem hinou vepawe, Zion hinou puhnou puhvei maitaoye chaku peiwe.”

ISAIAH 60:5

Neletao nou hai khesü ngaoloua asa sholai, ae lesayu nou paohao louholai, daiolouzü tyahrü kukhe maitao vei nangi khesü neletao hi pfüvelai, ae zai pe polova hi buyu kini khesü neletao hi povelai.

ISAIAH 9:13

Haibüa soupeiyuma Israel mai hai leda moe, alia Khoukhoulai Mapao nou puletaoye tudei pei-a buyuma puh hisü dakhai velou moe.

JEREMIAH 23:5

Mapao nou paoe, “Checheyu vemai ali Enou David vei tyaosholea hinou dopa peire teile sü velaire. Veo süna nou dokai veisho-a teidei sü kholoulai, ae kaozü nasü teidei veishi hi soupeilai.

JEREMIAH 30:9

Anou puletao nou puletao vei Ramai Mapao, avei kuvah sü soulai, alia David vei tyaosholea hinou Enou pa veo soua vebuh hi bulai.

JEREMIAH 33:17

Daiolouzü Mapao Enou David vei tyaosholea ye panou teisa nou Israel mai hi veo sü soulai tea paohpei khaitoue,

JEREMIAH 33:9

Süthaisü Jerusalem hai Eye donou savayu, tsükhouyu ae khaophu souyu buh ali souwulai; alia Jerusalem hi buyu maitaoye donou Enou haveili soupeia ae savayu pove peia bushe touyu ko khesü deiphao hi tyahrü veishi nou chouloua ngaopi shopoa ngulai.”

EZEKIEL 16:63

Nenou soumah khaitouyu teitei sü Enou khaipeilai ana nenou sükhesü licholoulai ae ne sü hao haodu pfüa ne mü hai ngepapulai moe.” Ramai Mapao nou haisü paowe.

EZEKIEL 38:16

Nenou avei Israel maitao hisü teikhai teirü ashi veyu büa veloulai. Teile süna veyu phaki, Enou neye sü panou avei teidei hi soureih soua huloulai, sübüa tyahrütao hi avei sheeyu nasü ne vanou soungao peilai.

EZEKIEL 38:8

Po teile taoli thaisü, Enou puh hi tyahrü tyali hinou pove jüpei khai touyu tyahrütao, chuo ngaopiyu halia ha-a hrüyu maitao hisü reih huloukhaio tea kharochi peilai. Puhnou Israel maivei deichitao, raichoki teile taoli hai soushiwua thaokhai touyu teidei hisü soureih huloulai ana maikhe mai hai chuo kaozhou ashi daore halia pimoa nou hrüa bue.

DANIEL 10:14

Enou haihi ve neye panou haithai nevei maitao hi daidai vepa laiyu taosü süloure donou vewe. Haihai akhai teithe hi vepare vei zho ngaopeiyu nasüe.”

DANIEL 2:28

Ana khupayu tatei teitei süngao peiyu Ramai ali raki hinou bue, ae puhnou haithai daidai vepalai touyu Veo Nebukhadnezzar ne hi süngao peiwe. Enou nevei me ae nenou zhia buki zho ngaoyu nasü paopeilai, süsü haibüwe:

HOSEA 1:11

Judah mai alia Israel maitao hai pove jüloulai, alia puletao vei peikhomai ali puletao nou dopa loulai, alia puletao nou teidei hi natao hai poloulai, daiolouzü Jezreel vei teithe nasü dusolai.

HOSEA 11:10

“Enou kipeikhaodu büa puletao ngaobamai hi rapayu phaki, Amaitao nou Eye thaifü ta-a bailai. Puletao nou ngaopi shoa teinghi loulo nou Ahi velai;

HOSEA 5:15

“Puletao nou lah mah vanou veasho mokoute, alia Eye phou shia dakhai vemo koute Enou puletaoye sü thaowulai. Puletao nou veahoyu thainou Eye phou velai.”

HOSEA 5:6

Zhaotu alia kikhaorü nou koa puletao nou Mapao ye sü phoutalai, ana puletao nou Mapao ye ngaolou laimoe; daivanou toulouzü Mapao nou puletao ye thaowure.

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

AMOS 9:11

Mapao nou paoe, “Enou David vei vedei, shita-a buyu nasü soupu loua nou alia kaota-a buyu nasü soulapu loua nou, alia daoraiki büa soupu loua nou peida khailai.

MIKAH 4:1

Vere teithetao hisü Mapao vei Rathoki buyu deichi nanou deichi kukhe jünou kukalai, deichi veishi jünou kukayu nasü soulai. Tyahrü khenou hai hisü zhapoa nou velai,

MAIPEI PHOUYU 24:14

Balaam nou Balak hi paoe, “Chuo Enou avei maitao hi dakhai talaire, ana E tamo jünou haithai naki Israel maitao nou nevei maitao hi daisoulai touyu hai paopeilai.”

ROMMAI 11:25

Athaihou jürai maitao, Enou neletaoye panou kheitsü haina hai sülounüwe, daiolouzü hainanou neletaoye lah neletao hai daizhozhou tsü veisa tea choyu hinou soukhai peilai. Süolouzü Israel maitao nou le khouyu hai teisa donou laimoe, ana tahrüh kukhemai maipei teiteinou Ramai hi vechemo koute likhei bailai.

ROMMAI 2:4

Moa newo dushoyu puhvei zhuvea, khopeilou süyu, alia shamea peiyu haitaoye ngaorawu? Veimosoua Ramai hai zhuvea peilousüe touyu sü nenou süwe, daiolouzü puhnou neye panou le daloure tewe.

PAODAKHAIYU CHIKHA 4:30

Neletao hi veahoyu tyatyali vedaoyu teithe ki neletao nou Ramai Mapao hi dakhai velai alia puh chi sü zülai.