HOSEA 3:4 - SHEEYU BAIBEL (BSI)

⁴ Sübüa Israel mainou teile taoli vemai ha-a hrülai, alia rahzhu souloua posheelayu alia chuh shulahloua thoyu sü soulai moe, alia pou-vah soulai moe.

HOSEA 3:4 Iomraidhean Croise

SHURAI 31:19

Laban nou zhaotumai sailai tea tare, alia sübüa puh puo ha-a bukinou Rachel nou puh puo vei kikha hi khaiyu bashara nasü vaoloure.

SHURAI 31:34

Rachel nou bashara nasü poa rachophao khaiyu lekhabvü hi thouloua süna pei hinou chobu loure. Laban nou sahpao teitei hi phoutae ana puhnou ngaolou moe.

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

2 SAMUEL 6:14

David nou züzüyu sabanü likhei puhvei khya zhalou-a puhvei khouko veishi nou lou-a Ramai ye tsükhouyu hinou phi choe.

2 VEMAITO 23:24

Napao peichana Hilkiah nou rathoki hinou ngaolouyu larübvü hi rüthou peikhai touyu thaifüa chikhatao hai taloure donou, veo Josiah nou Jerusalem ae Judah teidei hinou buyu teingumai ae vepare paoyu mai hrülai hai hulaiwure, ae ki hi buyu rahtao, basharatao, alia rah kukheye thoyu na veishi hai polai khaiwure.

2 PUOPAOKO 15:2

ae puhnou Veo Asa ye ve daolai tea tare, alia puhnou haibüa paoe, “Veo Asa, ae Judah alia Benjamin mai hrülai, apai keipeio! Neletao nou Mapao ye koa salai louzü, puhnou neletaoye salai koute peilai. Neletao nou puhye phoulouzü, neletao nou puhye ngaoloulai, ana neletao nou puhye thaowu louzü, puh-a neletaoye thaowua bailai.

TAPALOUYU 28:4

Puletao nou soure sabanü sü haitaoe: Khaokha ali, nahra büa phao hinou khare ephod ali, naazao aso ali, cha daokhai touyu zao ali, peizüyu sah ali, ae khyakho ali tea soulai. Puletao nou napao maivei sabanü haitao avah soulaiyu ne jürai Aaron alia puhvei nahmaitao donou soulai.

TAPALOUYU 28:6

“Puletao nou ephod nasü daiyu, maomüyu ae zaiteiyu pha; züzüyu sah alia sana nou poa zhai soutou thoulai ae cha daothoua soulai.

DOPFÜYU 2:9

Rokhubomü khesü pepo takhaire, sütao vei tyayu hu khesü sousasawure. Veo alia peikhoyu maitaoye sü hukhamai soua vakou nüpoa tare. Chikha sü chuo doupeipu more, ae rachipaola peiyu maitao hai Mapao hinou zho sü ngaomore.

EZEKIEL 19:14

Darkhabe nasü mei nou deire; ae mei nou süübotao ae rashithou khesü deilaiwure. Süübo khesü vei-a nou khoupu khailai more, ae veo vei süüpo sü poa soupu khailai more. Lou hai nasü leveayu vei lou-e; lou haina hai souyu thainou soupu khaikhailai.

EZEKIEL 20:32

Neletao hai tyahrü kukhe maitao, süü ae chuhye thoyu maitao büa hrü bailai tea neletao vei tsüle hinou laloure. Ana sükhesü hasou kilia vepalai moe.

EZEKIEL 21:21

Babilon hi veo nou shee soukhai touyu ludu ratayu hinou la-a nou bue. Puhnou ludu kalova talai touyu süloure donou puhnou voulouthou sü süpaloua deiphi laikou zhulai ae puhnou basharatao hinou noulai ae puhnou posheela khaitouyu kikhaorü vei sousüh kabüa busa touyu hai zhulai.

EZEKIEL 21:31

Mei taotutuyu büa avei lekha rarou nasü neletao hi velai ae zhaipou shishoyu mei, soukanghi süshoyu mai bah hi neletaoye sü Enou thaothou peilai.

DANIEL 11:31

Puhvei reihmaiye panou tave Rathoki ae posheelayu buh sü souzhai khaiwulai, ae shokou meideia Ramai ye sheelayu zhai khesü souhawulai alia ngaorayu vakou maivei bashara ae rathoyu zhai sünou puletao nou pove khailoulai.

DANIEL 12:11

“Posheelayu ae rathoyu zhai nasü souha laiyu alia vakou maivei rah ae basharatao pove khailouyu teile hai teithe thelia kaih haia raikü (1290) loulai.

DANIEL 9:27

Puhnou po anai lihai mai taoli hi khoushoyu vo ali thoulai, alia sübüyu teile dahli takouyu phaki, puhnou posheelayu khesü panou soumoa nukhai bailai. Ramai nou puhye donou souda khaitouyu teile akhai koumo koute puhnou Ngaopi Shoyu vakou maivei rah ae bashara khesü Rathoki hi pove khailai.”

HOSEA 13:10

Neletao nou ‘Etao ye vemai alia süthai-apeimai peio’ teanou kholouyu vemaitao sü chuo neletaoye khopeire donou daiki nou bue? Neletaoye vupei laiyu süthai-apei maitao kalo nou bue?

HOSEA 13:11

Avei rarou hinou neletaoye sü vemai peia baie, chuo Enou Avei lekha hinou puletaoye sü potawulai.

HOSEA 2:11

Enou puhvei savayu, khonüh, rah thoyu teitei, alia dopakhai touyu nüh pfüphou panou soupulai moe.

LEVIMAI LARÜBVÜ 8:7

Puhnou Aaron ye naazao hai noupeie, ae nave hai puhvei khya hisü khopeie. Puhnou puhye ephod hai thoupeie, ae zhai veisho-a soukhai touyu khyakho sünou puh khya hi khopa peie.

ZEKHARIAH 10:2

Deiphao mainou bashara ae prousouyu mai hinou daie vepalai touyu nouwe, ana kohmoyu ae dayu chila ngaoloua baiwe. Kamai-a nou me paopeiwe, ana da-a nou paola peiwua panou hamako hinou lesa baiwe. Südonou maikhe mai hai hayu zhaotu büa moa laire. Süthai-apei mai hayu donou puletao hai veawe.

ZEKHARIAH 13:2

Süzhou teithe Enou teidei sühi bashara zhih nasü souhawulai, sübüa mai ali koute-a panou puh zhih sü lichopu laimoe. Enou teidei sühisü rachi paolayu mai alia sheemoyu rako khesü polaiwulai.

LUK NOU RÜYU KO AVEIBVÜ 21:24

Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.

JOHAN 19:15

Puletao nou shusoua raolou khaire, “Puhye satawo, puhye satawo, puhye kros vanou veatheawo!” Pilatnou puletao hi noue, “Neletao Veoye Enou kros vanou veathea laiwu?” Napao adumai taonou chila peie, “Kaisar baimoa Eh Veo kukhe hae.”

EBRIAMAI 10:26

Daiolouzü Eletao nou acheche vei tsü nasü ngaolouyu thainou sütoua mah soulouzü sühisü mah pota loure posheelayu ali-a hare,

CHIKUAPEI MAITAO 17:5

Mikah hai la puh ki hinou rathobu ali bue. Puhnou bashara ae dai vepalai touyu rako zhuyu Ephod soukhailoua puh nahpoutu aliye panou süsü zhure donou napao soue.

CHIKUAPEI MAITAO 18:14

Süthaisü Laish nuhdu hi taho reikeih pomai angou taonou puletao samaitao hisü paoe, “Ki haihi vepare zhuyu ephod ali ae shahu nou soukhai touyu bashara bue touyu neletao süho moe? Etao daisouyu nou veilai?”

CHIKUAPEI MAITAO 8:27

Gideon nou sütao poa bashara ali souloure, alia sünasü puhvei nuhdu Ophrah hi khaire. Süthaisü Israel mai hrülai nou Ramai ye thomoa buh sühi nou ve bashara ye thotare. Haina hai Gideon ae puh vei kikhamai donou phisorü ali soure.

1 SAMUEL 14:3

(Shiloh hinou Mapao vei napao Eli nahpoutu Phinehas nahpoutu Ikhabod thaihou Ahitub nahpoutu Ahijah nou Ramai vei leli poa zhuyu ephod nasü poa bue.) Jonathan nou puletao hinou tare touyu hai mai ali-a sümoe.

1 SAMUEL 15:23

Puh chi zümoa khaityayu hai hraomai ali büa baie, ae rochiyu hai bashara aliye thoyu raibüa baie. Daiolouzü nenou Mapao vei chikha nasü malaiyu donou puhnou neye sü veo souyu hinou laiwure.”

1 SAMUEL 2:18

Nahtou Samuel nou naanou souyu naazao sü nouloua Mapao vei kuvah soua bue.

1 SAMUEL 21:9

Ahimelek nou chila peie, “Nenou Elah Deikho hinou southa louyu Philistin puona Goliath vei khoche likhei bua baie. Sünasü Ramai vei leli poa zhuloure ephod thailo hinou sah nou zükhai toua bue. Nenou jüpa-a polai toulouzü polo.” “Khoche tenasü Eye peio,” tea David nou chila peie. “Khoche süna jünou veipuyu ali-a ha-e.”

1 SAMUEL 22:18

Südonou Saul nou Doeg hi paoe, “Puletaoye nenou southawo!” Doeg nou napao maitaoye sü southa khaire. Süzhou teithe puhnou napao maitaoye southayu hai Ramai vei leli poa zhure ephod polou süyu napao mai nou raichangou hai southawure.

1 SAMUEL 23:6

Ahimelek nahpoutu Abiathar nou turei paloua Keilah nuhdu David nou buyu hi tuveyu phaki, puhnou ephod poloua nou ve-e.

1 SAMUEL 23:9

Saul nou puhye soushire donou souda-a bure touyu sülou khaie, David nou Abiathar hi paoe, “Ephod nasü hai hi pokou.”

1 SAMUEL 30:7

Südonou David nou Ahimelek nahpoutu Abiathar napao hisü paoe, “Mapao vei leli poa zhure ephod sü ahi pove peio,” ae Abiathar nou puh hi pokou peie.