HOSEA 2:7 - SHEEYU BAIBEL (BSI)

⁷ Puhnou puhvei leshi maitao thaisü hutalai, ana puletaoye sü ngoulouhoe; alia puhnou puletao ye sü phoulai, ana puletaoye sü ngaolou laimoe. Süthai puhnou paolai, “E talaire alia dakhaive acha raina hi vebai laire, daiolouzü Eye donou chujünou raikia veipua baire.”

HOSEA 2:7 Iomraidhean Croise

2 PUOPAOKO 28:23

Puhye hraongu soupeiyu Sairia maivei basharatao hi puhnou posheela peie, daiolouzü puhnou haibüa paoe, “Sairia maivei rahtao nou Sairia maivei veo ye soukha peiwe, südonou Enou puletao vei basharatao hi posheela peilouzü, rah sütao nou E-a soukha peishulai.” Ana hai nasü puhye donou ae Israel mai hrülaiye donou veaho puyu ae kayu nasü baire.

LOUTAO 116:7

Oh arako, tsüle soutou toulo, daiolouzü Mapao nou ahi veisho peikhai toue.

ISAIAH 30:16

Süna thaosü neletao hai ngaobamai nghoujü nou tutare donou choda-a baire. Neletao hai tavei shoyu rhei pfüloua tutalou süe tea tutalai, ana neletaoye thaihu tayu maitao vei rhei-a taveipu laihie!

JEREMIAH 14:22

Tyahrü kukhe maivei bashara linoua teirü sü seive peilou hoe; ratei lah nou teirü sü seikou peilou hoe. Etao Ramai Mapaowo, Etao vei areih nasü ne likhei baie, daiolouzü nenou hai teitei sü soupei baie.

JEREMIAH 2:2

Ne taho Jerusalem maitao hisü Mapao nou haibüa paowe tea paokhaio, “Nevei nahlea buki lesha, nenou aki veraiki vei leshi nahai nenou radeiki hinou ae shinamara thoumoyu buhtao hi nenou athaifü tayu Enou ngaimoe.

JEREMIAH 2:28

“Ana neletao nou lah soulouyu rah taosü daiki vetare? Neletao nou veahoyu phaki, puletao nou soulousüe toulouzü, puletaoye panou tashu loua neletaoye khailupa peio, daiolouzü Oh Judah, neletao vei nuhdu buyu jünou poua rah khesü bumowu?

JEREMIAH 2:36

Neletao daidonou le hobü haibüge? Asaria mai nou neletaoye haongu soupeiyu büa Ejipt mainou neletaoye sü haongu soupeilai.

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 31:18

“Israel maitao nou haibüa dopfüa nou paoyu Enou choue, ‘Mapao, Eletao hai sa-a tata moyu cho-ha büre, ana nenou Etaoye chi zülo tea paodou peie. Etaoye sa-a dakhai vepeio; dakhai tare donou Etao hai souda loure, Etao Ramai Mapao.

JEREMIAH 31:32

Haina louzü Enou puletao vei puopao maitaoye Ejipt teidei hinou sapa peiyu phaki, koa vo souyu büa soulai moe, daiolouzü Enou puletao vei cha ali büa salai peiyuma puletao nou vo sünasü pfüthowure.

JEREMIAH 44:17

Etao nou soulai tea paokhai touyu veishi sü Etao nou soupfüa bailai. Etao vei rahpfüpai, Rakiva Vepfüpai hisü Etao vei puopaoh maitao, vemaitao ae süthai-apei maitao nou Judah nuhdutao hinou ae Jerusalem hinou soupfüyu büa Etao nou poukai nüvei sü meidei peilai, ae puh hi zhaoh nghoupeilai. Sübüa soupfüa buyu teile hio Etao hai touso hamoe, ae haveishi hinou veahoyu daomoa kaozhou vei-a bubaie.

EZEKIEL 16:18

Enou ne hi peiyu sahcha veishoa daothou khaitouyu khesü nenou poloua zhurai soukhai touyu khesü banaopeie ae oliv theadzü alia poukai nüvei Enou ne hi peikhai touyu khesü nenou poloua basharatao hi peiwure.

EZEKIEL 16:8

“Enou dakhai vepuyu phaki, ne hai leshi lou veiyu teile hi pa-a nou ve ngaoloue. Baitoua buyu nevei pfüphao hai avei zhao nou poa nou neye hopeie, ae Enou neye leshi peilai tea chaachou sü soupeie. Enou neye nalai tea shanghi souyu vei vo sü soupeie ae ne sü avei souloure.” Haibüa nou Ramai Mapao nou paoe.

EZEKIEL 20:32

Neletao hai tyahrü kukhe maitao, süü ae chuhye thoyu maitao büa hrü bailai tea neletao vei tsüle hinou laloure. Ana sükhesü hasou kilia vepalai moe.

EZEKIEL 23:12

Honapai nou Assaria mai, nuh teidei khoyumai, peikhomai, reihna tufüa buyu reihmaitao, rhei pfüyu peikho maitao ae hüvei sho-a buyu nahle maitaoye sü jüpapu loure.

EZEKIEL 23:22

“Südonou chuo Oholibah, Ramai Mapao nou haibüa paoe: nenou ngaora-a thaotayu nevei leshiyu maitaoye sü panou ne pei hi raroulai ae Enou puletaoye save neye panou sühao loulai.

EZEKIEL 23:4

Tsünapai zhih hai Oholah toue, (puhnou Samaria maiye paonüdawe), ae nahpai zhih nou Oholibah toue (puhye sü Jerusalem paoe). Enou puhaiye sü nakhei loue, ae puhai nou eye nahpoutu nahnaotu taoli napeie.

DANIEL 4:17

Haibüa nou chikude peiyu hai leikeia khoyu rakivamai nanoue, süsü daivanoue toulouzü Kukulai hi abuwo Ramai hai deiphao maivei vedei hia puhvei khouko bue, alia puhnou vedei nasü mai tarali hia peinüyu mai hisü peilou süe touyu deiphao mai hrülaiye panou süloulai.’

DANIEL 4:25

Süolouzü neye maisou hrohinou hulaiwulai, ae neye panou rekhaona taoye koa hrütalai; Kukulai hi Abuwo Ramai nou deiphao mai vedei pei hia khosa-a hrüwe alia puhnou vebuh sü peinüyu mai hi peiwe touyu nenou süloumo koute po anai hai neye panou chode ali büa poudai toulai, alia neye rakiva nou kouyu vidzü panou ne pfüphao sü koucha-a hrülai.

DANIEL 4:32

Neye mai hrohinou hulaiwulai, alia rekhaona taoye koa panou sa-a hrülai, ae chode ali büa neye panou poudai toulai. Kukulai hi Abuwo Ramai nou deiphao maivei vedei teitei pei hi khasa-a bue alia puhnou vebuh sü peinüyu mai hi peia baiwe touyu nenou süloumo koute po anai hai nenou sübüa hrülai.”

DANIEL 5:21

Puhye mai hrohinou hulai peie, ae puhvei tsüle sü rekhaona ali büa soupeie, ae puhye panou rheisüh kheye sa-a hrüe alia chode büa panou pou toue, alia puhvei pfüphao hai rakiva nou kouyu vidzü shoa panou hrüe. Akhai hinou kou puhnou Kukulai Ramai nou deiphao maivei vedei teitei pei hia khosa-a hrüwe alia puhnou peinüyu mai tarali hi vebuh nasü peilou süe touyu süloue.

HOSEA 1:2

Mapao nou raikai nasoua Hosea hi haibüa paoe, “Taho khakhayu naotumai aliye ne chapfü soure donou polouo alia khakhapfü hinou nahmai hrülo, daiolouzü teidei hainasü Mapao ye thaoyu vanou shishoyu khakhapfü ali soutare.”

HOSEA 13:6

Ana neletao nou teidei aveih hi loulou khaie, tousü-sosü ngaoloukhaie, neletao nou khaosouloua Eye ngaiwure.

HOSEA 14:1

Oh Israel maitaore, neletao Ramai Mapao hi dakhai velouo, daiolouzü neletao nou mah souyu vanou neletao phi süloua baie.

HOSEA 2:16

Mapao nou paoe, süzhou teithe nenou Eye “A khapu” tea kulai alia nenou Eye “Apaopu” tea kupu laimoe.

HOSEA 5:13

“Ephraim mainou puletao nou souhyu sou ngaolouyu phaki alia Judah mainou puhvei zheemü ngaolouyu phaki, Ephraim mainou Assaria mai hi tare, taho veo adu nahinou soukhasü khotare, ana puhnou puletao vei sousü souvei peilouhoe, mokhaia zheemü sü souveipei louhoe.

HOSEA 5:15

“Puletao nou lah mah vanou veasho mokoute, alia Eye phou shia dakhai vemo koute Enou puletaoye sü thaowulai. Puletao nou veahoyu thainou Eye phou velai.”