HOSEA 2:5 - SHEEYU BAIBEL (BSI)

⁵ Daiolouzü puletao pfü hai khakha wure, puletao ye poupfüyu paisü hraongu vah souwure. Daiolouzü puhnou paoe, “Eh aleshi maitao thaifüa talai hie, puletao nou Eye touso, dzü, soumai, louhsa (sabanü), theadzü alia zhaoh sü peiwe.”

HOSEA 2:5 Iomraidhean Croise

ISAIAH 1:21

Raichokio louchelou veiyu nuhdu nasü chuo khakhapfü ali büre. Raichokio kaozü soua hrüyu ae acheche mainou phoutao-a buyu nuhdu nasü chuo maiye southayu mai khaitoure.

ISAIAH 50:1

Mapao nou haibüa paoe, “Maipfü mai aliye hutuyu büa Enou avei maitaoye sü hutuwure tea neletao nou tsüchowu? Sükulouzü turatayu larü sü daiki bue? Moyuma Enou neletaoye zholaire touwu? Enou thaomai paozho pfüa neletaoye zholaire tea tsüchowu? Sübü moe, neletao vei mahmo vanou neletaoye sü zholai baie, ae neletao nou mahmo souyu donou neletao vei pfümai khesü sa-a ta baie.

JEREMIAH 11:13

Oh Judah hi maitaore, neletao vei rahtao hai neletao vei nuh buyu zhou bure, ae neletao nou ngaorayu Baal rahye posheela-a thore posheelabu hai Jerusalem hi ludu zhou-a bure.

JEREMIAH 13:22

Neletao nou haisü daidonou vepare tea noulouzü, ae daivanou neletao vei sabanü paipha peiwe ae mainou nüloua sazü sabu peiwe tea noulouzü — haisü neletao nou ngaopi shoyu mahmo souyu donoue.

JEREMIAH 2:20

Khoukobu Mapao nou paoe, “Oh Israel maitaore, neletao nou achi zübae ae Eye thobae. Deichi kuyu hinou ae süübe phi khonou neletao nou khakha-a tounah hrüloure vei rah sü thotare.

JEREMIAH 6:8

He Jerusalem hi maitaore, veahoyu haitao ngaoloua ne piyu soulo, sübülou molouzü Enou neletaoye thaowulai; Enou neletao vei nuhdu sü radeiki hi soudathou khaiwulai, ae maiye panou hrülou shiyu teidei ali soupeiwulai.”

EZEKIEL 16:35

Jerusalem, khakhayu pfüpai, chuo Mapao nou paoyu sü keilo.

EZEKIEL 16:39

Enou neye sü puletao vei bah hi thaothou peilai ae puletao nou nevei khakha-a chaozü laiyu buhtao ae basharataoye thoyu buh khesü souphe soupho laiwulai. Puletao nou nevei sabanü ae zhusana khesü poloua neye panou baitoua thaokhai-a bailai.

EZEKIEL 16:4

Neye nayu phaki, mailinoua nevei larai sü rode peimoe, moa neye sü dzü khüshee peimoe, moa neye tai napeia sah nou poa züpei moe.

HOSEA 1:2

Mapao nou raikai nasoua Hosea hi haibüa paoe, “Taho khakhayu naotumai aliye ne chapfü soure donou polouo alia khakhapfü hinou nahmai hrülo, daiolouzü teidei hainasü Mapao ye thaoyu vanou shishoyu khakhapfü ali soutare.”

HOSEA 2:2

Anah maitaore, ne pfü hi paopeio, puh hai Achapfü more, alia E-a puh cha more teanou, ne pfüye nou khakhayu alia chilee moyu vah sü soupu sou baio tea paopeio.

HOSEA 2:8

Enou puhye sü thou-dzü, zhaoh alia theadzü peiwe touyu hai honapai nou sümoe, alia puletao nou Baal ye poa sheelayu hu alia sanatao hai daichi nou vewe touyu sülou moe.

HOSEA 3:1

Mapao nou ahie paoe, “Chilee moyu naotupai yesü mainou sapayuma taho leshi pu peikhaio, daiolouzü Israel mainou darkha shinou soukhai touyu raokhaoye jüpa-a rah kukheye thota-a buyuma Enou puletao ye leshi peiyu büa honapaia leshipu peio.”

HOSEA 4:5

Hea-khei sümoa neletao nou mada-a vah ashi soua bubaire, Rachi paola-apei maitaoa neletao jünou veipu more; Neletao pfü, Israel ye Enou souhawu laire.

HOSEA 8:9

Daiolouzü Israel mai hai rekounou buyu rheisüh li büa lah dosoua taho Assaria mai hinou soukha khowe, alia tyahrü kukhe mai hinou vupeio tea seihla peiwe.

HOSEA 9:10

“Daoraikio Israel mai hai rekounou buyu darkhabe ali büa Enou ngaoloue. Teile kaovei hinou arai nasoua shipeiyu doushibe li ngaolouyu büa Enou puletao paipao ye ngaoloue. Ana puletao nou Peor deichi hi velou loukhaie Baal ye thotare, alia Enou ngaora shoyu basharah ye sü leshi tare.

AMOS 8:13

Süzhou teithe hisü pfüphao aveih nahlemai koute-a houreiyu vanou shatalai.

CHIKUAPEI MAITAO 16:23

Chuo Philistin hi veo maitao nou asasoua puletao rah Dagon hi posheelalai tea tave jüloure, alia puletao nou haibüa paoe, “Etao vei rah nou Etaoye ngaobayu Samsonye Etao bah hi thoupeire.”