HOSEA 2:4 - SHEEYU BAIBEL (BSI)

⁴ Puh nahmaitao hia Enou zhuveayu bulai moe, daisounou touyuo puletao hai khanah baie.

HOSEA 2:4 Iomraidhean Croise

2 VEMAITO 9:22

Joram nou puh hi chinoue, “Ne kaonayu hinou ve-a baiho moe?” Jehu nou chila peie, “Ne pfü Jezebel nou khaitouyu khakhapfü ae keingumai taoli bulukhu kabüa kaonayu sü bulaige?”

ISAIAH 27:11

Süübo khesü kita chata-a bailai, alia naotumai nou süü sükhesü poloua mei deilai. Daiolouzü maikhe mai hai sükulou süyu tsüdo sü hare, südonou puletaoye Sou-apeio nou puletaoye zhuveayu sü bulai more, ae puletaoye leshi-jüpayu sü ngaopei laimoe.

ISAIAH 50:1

Mapao nou haibüa paoe, “Maipfü mai aliye hutuyu büa Enou avei maitaoye sü hutuwure tea neletao nou tsüchowu? Sükulouzü turatayu larü sü daiki bue? Moyuma Enou neletaoye zholaire touwu? Enou thaomai paozho pfüa neletaoye zholaire tea tsüchowu? Sübü moe, neletao vei mahmo vanou neletaoye sü zholai baie, ae neletao nou mahmo souyu donou neletao vei pfümai khesü sa-a ta baie.

ISAIAH 57:3

Mah souyu maitao, chikure donou haihi takoulo! Neletao hai hraomai, maipfü nahmaiye sapayu mai ae khakha-a chaozülai mai jünou veipu moe.

JEREMIAH 13:14

Süthaisü Enou puletaoye leekhao poloua daphe peiyu büa puletaoye taidu ae tsü-le sümoa daphe daphosasa peilai. Enou puletaoye southayu phaki, zhuvea leshi peiyu halinoua Eye khuloulai moe.”

JEREMIAH 16:5

“Kra nou dopfüa buyu ki hisü ne talouso. Mai tarali donoua ne dopfüso. Daiolouzü Enou avei maitaoye sü kaonayu vei shiha peipu khailai more, moa puletaoye sü zhuvea leshiyu sü ngaopulai more.

EZEKIEL 23:25

Enou ne pei hi lekhayu thaifüa neye sü panou puletao nou soupeilai. Puletao nou nevei nghou ae noubei sü vade loulai ae nevei nahmaitao-a southalai. Puletao nou nevei nahnaotu khesü ne hinou potawulai ae puletaoye sü hria mei nou deitha peilai.

EZEKIEL 8:18

Avei lekha rarou nasü puletao mai hrülai hisü velai. Puletao mai ali koute-a Enou phapeilai moe, ae puletao hi zhuvea leshiyu hai ali-a ngaopeilai moe. Puletao nou pai chilou süyu koute pai chi-a nou shurasoua ahi veachi sü paolai, ana Enou puletao vei veachi sü kei peilai moe.”

EZEKIEL 9:10

Ana Enou puletaoye leshi peilai moe; Enou puletao hisü puletao nou mai hi soupfüyu bütoua soupeilai.”

HOSEA 1:2

Mapao nou raikai nasoua Hosea hi haibüa paoe, “Taho khakhayu naotumai aliye ne chapfü soure donou polouo alia khakhapfü hinou nahmai hrülo, daiolouzü teidei hainasü Mapao ye thaoyu vanou shishoyu khakhapfü ali soutare.”

HOSEA 1:6

Honapai nou poupfü puloue alia nahnaotu ali naloue. Süthaisü Mapao nou puh hi paoe, “Puh zhih sü Loruhamah tea salo, daiolouzü Enou Israel maiye zhuveayu moa khaipeiyu bupulai moe.

HOSEA 5:7

Mapao ye louche moyu vah sü soua baire; daiolouzü puletao nahmai hai vakou maiye na-a baire. Südonou chuo puletaoye sü puletao vei teidei noupu souhawulai.

ZEKHARIAH 1:12

Süthaisü Mapao vei rakivamai nanou paoe, “Oh Khoukhoulai Mapao, nenou Jerusalem alia Judah nuhdutao hi rarou-lekhayu hai chuo po rainai pare. Nevei zhuveayu halia ngaomoa puletao hai teile kasho bulai hige?”

JOHAN 8:41

Neletao puonou souyu vah nasü neletao nou souwe.” Puletao nou puh hi paoe, “Eletao louzü khanah moe; Eletao vei puo ali bue, süolouzü Ramaie.”

ROMMAI 11:22

Ramai hai daizhozhou zhuvea süsa ea daizhozhou poushisa touyu sü hai hinou Eletao nou ngaoe. Puhwo kaotayu maitao hisü poushishoe, ana puhvei zhuvea hinou nenou tobai soumoa bulouzü nehisü zhuvea peilai. Ana sükumore toulouzü ne-a chatalai.

ROMMAI 9:18

Südonou Ramai nou zhuveapei nüyu maitali hisü puhnou zhuvea peie, alia puhnou le soukhoupei nüyu maitali hisü puhnou le soukhou peiwe.

JEMS 2:13

Daiolouzü maiye zhuvea peimoyu puhye Ramai nou chikuyu kisü zhuvea peilai moe; ana zhuvea sünanou chikuyu sünaye kolouwe.