HOSEA 2:3 - SHEEYU BAIBEL (BSI)

³ Molouzü Enou puhye sü sabanü laoshawulai alia nakou raiki büa panou baitou bailai, alia puhye panou mai hrümoyu rekou büa bailai, alia puhye sü pa teinai nou phukiyu deili bü peilai ae puhye sü panou rei-zü shoa thailai.

HOSEA 2:3 Iomraidhean Croise

TAPALOUYU 17:3

Ana maisou hai reisho loure ae Moses hisü vamoa paoe, “Ne daisou nou Etaoye Ejipt hinou sapawe? Etao vei kikhaorü, nahmaitao ae Eletaoye panou rei-a buh hai hinou thai-a bailaivu?”

ISAIAH 33:9

Teidei sü kra-a dopfüa bure. Veisho-a buyu Lebanon vaobvü sü kitare, Sharon deikho aveih nasü radeiki büre, alia Bashan ae Karmel Deichi sü puletao vei süünghou raitare.

ISAIAH 47:3

Nenou sabanü noumoa baitouyu sü maikhe maiye panou ngaolai, neye hraongu soupeiyu sü maikhe maiye panou zhingaolai. Enou khüngu sü phoutalai, mai ali koute-a shokhai peilai moe.”

ISAIAH 64:10

Nevei sheeyu nuhdu khesü radeiki vitare; Jerusalem hai soushi khaiwua mai pahatare.

JEREMIAH 12:10

Vakou teidei khomai alao nou avei darkha toupei sü soushiwure; puletao nou avei dou sü taika chichiwure; puletao nou veishoa buyu avei teidei sü radeiki soupeire.

JEREMIAH 13:22

Neletao nou haisü daidonou vepare tea noulouzü, ae daivanou neletao vei sabanü paipha peiwe ae mainou nüloua sazü sabu peiwe tea noulouzü — haisü neletao nou ngaopi shoyu mahmo souyu donoue.

JEREMIAH 13:26

Mapao nou neletao vei sabanü sü laopa laipeilai ae neletaoye panou hrao ngaolai.

JEREMIAH 14:3

Toungiyu maitao nou puletao vei kilaimaiye panou dzü pfütae; puletao nou dzükhao hisü taho-e, ana dzü ngaolou more; puletao vei leekhou sü sakhai-a nou pfüa dakhai vere. Puletao sü hraoloua cho hare, sübüa puletao pah sü holoure.

JEREMIAH 17:6

Puletao hai radeiki hi poube ali büa bailai, haveih liro puh hinou velai moe. deithe hinou buyu poube ali büa puh hisü veiyu halia vepalai moe.

JEREMIAH 2:31

Oh Israel maitaore, Mapao vei chipao sü lenoua keilo. Israel maitao nghoujü nou Esü komoyu dei ali büa baidou? Mo-a zhitei touyu teidei ali bübaivu? Süku molouzü daidonou avei maitao nou Eye lia lahdo soua bailai, ae ahi dakhai vepulai moe tea paowe?

JEREMIAH 2:6

Puletao nou Eye lichopei moe, Enou puletaoye Ejipt hinou vupaloua mai nou hrümoyu ae tayu koute talaimoyu, sünghou pounghou tsümoyu, ngaopi shoyu ae hakalou veiyu veidu teitei hi-a Enou puletaoye sa tapeie.

JEREMIAH 22:6

Daiolouzü Mapao nou Judah vei vedei donou haibüa paoe, “Eye donou Judah vei vedei hai Gilead teidei ae Lebanon hi deichitao büa hüvei showe; ana Enou hai nasü mainou hümoyu buh ali soupeilai.

JEREMIAH 4:26

Veishoyu teidei sü radeiki vitare; nuhdu khesü soushi souha khaitoure daiolouzü Mapao nou rarou loure.

JEREMIAH 51:43

Puhvei nuhdu khesü radeiki ali büa dzü liro ha-a ngaopi shoyu buh ali soutare, ae mailia hrümore ae mailinoua veihao soua tamore.

JEREMIAH 51:5

Israel ae Judah maitao nou Israel maivei Amasheeo, Khoukhoulai Ramai Mapao apei hi mah souyuma, Enou puletaoye sü thaopei moe.

EZEKIEL 16:22

nenou khakhapfü ali soua ngaorayu hrü hi hrüa buyu teile hi nenou bakha ali koute-a ne taibuki kabüa hrüpa-e touyu hai lichokhai toumoe, nenou baitou tea zhe hinou danapoa buyu nasü lichokhai timoe.”

EZEKIEL 19:13

Chuo puhye sü deikiyu ae dzü lia hayu radeiki hinou poa shothou peie.

HOSEA 13:15

Israel mainou kheipaoyu büa veishoa paopa buyuma, souhshoyu teikhai ye panou teinghi palo vanou hüve puhmai vei dzühou sü southe bailai, alia puletao vei dzüla khesü theta bailai, alia muteiyu na teitei hai puletao hinou poa tawulai.

HOSEA 2:10

Chuo Enou puh leshi maitao nghoujü hinou puhye hrao soupeilai, alia puhye sü mai linoua abah hinou vupa louhoe.

PONGAOPEIYU 17:16

Nenou ngaoyu kai kiruotao ea khaosou sünanou khakhapfüpai sünaye ngaoralai. Puletao nou honapaihi buyu ha teiteisü potaloulai ea puhye sü baitoua thaowulai. Puletao nou puhvei vasousü touloulai ea puhye sü meinou deiwulai.

CHIKUAPEI MAITAO 15:18

Süthaisü Samson hai reisho loure, südonou puhnou Mapao hi paoe, “Nenou haibüa ne kilai Eye veilouyu peie; ana chuo Eye panou haibüa reithawu laiwu, ae sheemoyu Philistin maiye panou nüloua bailaiwu?”