HOSEA 2:2 - SHEEYU BAIBEL (BSI)

² Anah maitaore, ne pfü hi paopeio, puh hai Achapfü more, alia E-a puh cha more teanou, ne pfüye nou khakhayu alia chilee moyu vah sü soupu sou baio tea paopeio.

HOSEA 2:2 Iomraidhean Croise

ISAIAH 11:12

Mapao nou tyahrütao hi panou sheeloure donou sahra pola peilai, sübüa puhnou tutayu Israel maiye sü save jüpeilai, alia Judah hinou porarou ta-a buyu maikhe maiye sü deiphao kainghou adai hinou save jüpeilai.

ISAIAH 50:1

Mapao nou haibüa paoe, “Maipfü mai aliye hutuyu büa Enou avei maitaoye sü hutuwure tea neletao nou tsüchowu? Sükulouzü turatayu larü sü daiki bue? Moyuma Enou neletaoye zholaire touwu? Enou thaomai paozho pfüa neletaoye zholaire tea tsüchowu? Sübü moe, neletao vei mahmo vanou neletaoye sü zholai baie, ae neletao nou mahmo souyu donou neletao vei pfümai khesü sa-a ta baie.

ISAIAH 58:1

Mapao nou paoe, “Shusoua pai chilou süyu koute pai chi-a shakhaio! Avei Isreal maitao hi puletao vei mah khesü shapao peikhaio.

JEREMIAH 19:3

Mapao nou ahi haibüa paopeio tea paoe, “Judah hi vemaitao ae Jerusalem hi maitaore, Israel maivei Ramai Mapao vei chipao keilo. Zhukhaio, Enou buh hai hisü hashi pfüve peilai ae ko haina choulouyu mai hrülai vei noubi sü tholai.

JEREMIAH 2:2

Ne taho Jerusalem maitao hisü Mapao nou haibüa paowe tea paokhaio, “Nevei nahlea buki lesha, nenou aki veraiki vei leshi nahai nenou radeiki hinou ae shinamara thoumoyu buhtao hi nenou athaifü tayu Enou ngaimoe.

JEREMIAH 3:1

Mapao nou paoe, “Cha ali nou puh chapfüye hulaiwua honapai nou puhye thaowua chaa kukhe mai ali ki vetayu thai, puhnou honapaiye sü napu loushi-e. Sükuyu thaio teidei sünasü souzhaiwure. Ana Isreal mai louzü jüpayu mai alao bue, ae chuo puletao nou ahi dakhai veyu jüpare!

JEREMIAH 3:13

Ne hai mahwure, ae nevei Ramai Mapao khakhe hi buba-a thaikhai tare, süübe madai phi khonou nevei lesha nasü vakou mai rahtao hi peiwure, ae nenou avei chipao taosü zü peimore tea nenou mahla louzü chebaie. Haisü Mapao Enou paowe.

JEREMIAH 3:18

Israel nou Judah maiye louzho loulai, ae puletaoye reilova buyu tyadei hi nüpoa tayu hinou puletao hai koa Enou puletao vei puopao hi teisa vei panou soure donou peikhai touyu teidei hisü dakhaive loulai.”

EZEKIEL 16:20

“Süthaisü Enou neletao hi nahnaotu nahpoutu peikhai touyu khesü neletao nou basharatao hi poa meidei-a sheela peie. Neletao nou ahi chilee cheche moyu nasü khabai mowu?

EZEKIEL 16:25

Nevei hüveiyu nasü konai hi pothou nai neawure. Khakhapfü ali büa newo takou takheyu mai teiteiye panou sazü sabua baire.

EZEKIEL 20:4

“Nenou puletao vei chiku peilaiwu? Sükulouzü puletao vei puo maitao nou ngaorayu vah soukhai touyu khesü paongao peio.

EZEKIEL 23:43

Süthaisü Enou lah ahi paoe, mainou sazü sabu-a sousasa chekhoyu naotupaiye sü chua puletao nou khakhapfü soua koa nou bubaire.

EZEKIEL 23:45

Acheche maitao nou puletaoye sü khulou vah souyu donou ae maiye southayu donou paomah paoshiwulai, daiolouzü puletao nou khulou vah ashi sü soua nou bure ae maiye southayu donou puletao vei bah hisü zhe taore.”

HOSEA 1:2

Mapao nou raikai nasoua Hosea hi haibüa paoe, “Taho khakhayu naotumai aliye ne chapfü soure donou polouo alia khakhapfü hinou nahmai hrülo, daiolouzü teidei hainasü Mapao ye thaoyu vanou shishoyu khakhapfü ali soutare.”

HOSEA 2:1

“Neletao hai amaie” alia “Neletaoye sü zhuvea peiwure,” tea ne thaihou-jürai maitao alia ne tu maitao hi paopeio.

HOSEA 2:5

Daiolouzü puletao pfü hai khakha wure, puletao ye poupfüyu paisü hraongu vah souwure. Daiolouzü puhnou paoe, “Eh aleshi maitao thaifüa talai hie, puletao nou Eye touso, dzü, soumai, louhsa (sabanü), theadzü alia zhaoh sü peiwe.”

HOSEA 4:5

Hea-khei sümoa neletao nou mada-a vah ashi soua bubaire, Rachi paola-apei maitaoa neletao jünou veipu more; Neletao pfü, Israel ye Enou souhawu laire.

MIKAH 2:13

Ramai nou puletao vei ludu sü houpeilai ae hukhamai soua nüpoa tayu hinou süthaisa-a papeilai. Puletao nou nuhdu vei rokhubomü khesü dakhao paloua lahdo souloulai. Puletao vei veo, Mapao puhnou puletaoye süthaisa-a papeilai.

2 KORINTHMAI 5:16

Südonou chushonou Ehnou maitaliye emai zhai thaifüa chikukhai more. Teile alihi Ehnou Khristaye emai zhai thaifüa chikukhaia, chuo Ehnou puhye sübüa chikukhai more.