HOSEA 2:10 - SHEEYU BAIBEL (BSI)

¹⁰ Chuo Enou puh leshi maitao nghoujü hinou puhye hrao soupeilai, alia puhye sü mai linoua abah hinou vupa louhoe.

HOSEA 2:10 Iomraidhean Croise

EZEKIEL 23:29

Ae puletao nou neye ngaorayu donou nenou soukhai touyu veishi sü ne hinou polaiwulai ae neye baitou tea thaokhai peilai, süthaisü ne hai khakhapfü ali-e touyu mai hrülai nou süloulai. Daiolouzü nenou sashia khakhayu donou.

1 KORINTHMAI 4:5

Südonou kao-züyu teile vemo koute sü neletaowo maitali pei hia chi kuso. Mapao vemo koutesü akhai chikuyu nasü khoa bulai; puhnou chu teizhi hinou kheia buyu taosü avahi popalai ea emai le hinou pokukhai touyu taosü paopa ngaolai. Alia sükinou mai hrülainou Ramai hinou lah lahye paosho peire sü ngaolai.

MIKAH 5:8

Shokhai toua buyu Israel maitao sü soukhaonatao hrohinou souveo ali bülai: zhaotu hrohinou talou nülouyu nasü paide sasa peiyu bülai— ae halinoua khailupa peilou hoyu bülai.

HOSEA 2:3

Molouzü Enou puhye sü sabanü laoshawulai alia nakou raiki büa panou baitou bailai, alia puhye panou mai hrümoyu rekou büa bailai, alia puhye sü pa teinai nou phukiyu deili bü peilai ae puhye sü panou rei-zü shoa thailai.

JEREMIAH 13:26

Mapao nou neletao vei sabanü sü laopa laipeilai ae neletaoye panou hrao ngaolai.

JEREMIAH 13:22

Neletao nou haisü daidonou vepare tea noulouzü, ae daivanou neletao vei sabanü paipha peiwe ae mainou nüloua sazü sabu peiwe tea noulouzü — haisü neletao nou ngaopi shoyu mahmo souyu donoue.

ISAIAH 3:17

Ana Enou puletaoye sü tudee peilai — Enou puletao pei sü biwulai sübüa panou pei kilei-a bailai.”

TSÜCHITAO 11:21

Cheche vuzünou mai ashimaiye sü souvea peimoa panou talai moe, ana checheyu maitaowo tureipa loulai.

LOUTAO 50:22

“Eye thao-ngai-a tayu maitaore, haisü keilo, molouzü Enou neletaoye sü souhawu bailai, ae mai linoua neletaoye sü khailupa peilou hoe.

HOSEA 6:9

Mai vei saotouyu mainou maiye dahyu büa Napao maitaoa me souloua Shekhem ludu hinou maiye datha baire, puletao nou ashi vah sü sounü shoa bubaire.

2 PUOPAOKO 24:7

(Naotu ashi Athalia vei thaifüyu maitao nou Rathoki nasü soushi khaiwure ae sühi sheeyu nataoli hai poloua Baal rathoyu ki hi pove khaiwure.)

EZEKIEL 16:16

Nenou nevei sabanü daotuli hai poloua rathobuh hi zhainga southouloue ae buh sühinou ne hai khakhapfü ali büloua mai veishi sü sabue. Haibüyu hai raichoki vepakhai toumo hie ae haithai-a vepalai moe.

EZEKIEL 16:19

Enou neye touso sü peie, veikayu sou, oliv theadzü ae laivoudzü peie, ana nenou sütao hai basharatao vei jüpa souloure donou posheela peiwure.” Haibüa nou Ramai Mapao nou paoe.

HOSEA 10:1

Israel mai haio shivei shoyu darkhabe ali büe. Puletao nou thou shipou pakhaie bashara ye thoyu buh sü soupou paloua baire; puletao vei teidei veipu pakhaie rah kukhe ye thoyu ki sü souvei pua baire.

HOSEA 13:1

Daoh raikio, Israel mainou chipao khaie, puhye mai kukhe nou ngaopia tsükhoue. Ana puletao nou Baal ye thotayu donou mah sü soure alia süvanou puletao hai veata laire.