HOSEA 13:1 - SHEEYU BAIBEL (BSI)

¹ Daoh raikio, Israel mainou chipao khaie, puhye mai kukhe nou ngaopia tsükhoue. Ana puletao nou Baal ye thotayu donou mah sü soure alia süvanou puletao hai veata laire.

HOSEA 13:1 Iomraidhean Croise

SHURAI 2:17

ana aveih ashi sükuloure süübe nahisü nenou rashi haitou laimoe, süna toulouyu teithe nou ne thai bailai.”

1 VEMAITO 12:25

Israel maivei veo Jeroboam nou Ephraim maivei deichi hilova buyu Shechem nuhdu nahai kaopo potou touloua phajü touli sühinou hrüa bue. Süthaisü puhnou buh sühi thao-a Penuel nuhdu nasü kaopo potou touloua sühinou hrüe.

JOB VEI LARÜBVÜ 29:21

Enou puletaoye doupeiyu phaki maili koute-a pai paimoa soutaosou lelousho-a keiwe.

JOB VEI LARÜBVÜ 29:22

Enou chi paocheyu thai mai kusü linou halia paothoupure ha-a baiwe, avei chipao sü teirüdzü büa puletao lekhevai tsülou peie.

TSÜCHITAO 18:12

Hakatayu vemojüo mai li le hai maiye ngaohia baiwe, ana tainou souyu nawo tsükhou peiyu jünou ra-a tawe.

ISAIAH 66:2

Teideiphao teitei sü Enou soupeie! Tainoutou soua ae ledalouyu maitao, ae Eye ngaopi-a achi züa buyu maitaoye sü Enou zhu peilai.

ISAIAH 7:8

Daiolouzü Sairia jünou Damaskas-a dupu hie, ae Damaskas jünou veo Rezin-a khoupu hie. Alia po rairoungou levai hinou Israel maiye sü panou peposasa-a hrüyu tyahrü ali soupeilai.

HOSEA 11:2

Enou chuo puletaoye kupu khaige, puletao hai Ahinou tadou pu ta-a baire; puletao nou Baal ye sü posheela peipua baire, alia basharaye sü kainüvei nou meidei peia tho baire.

HOSEA 2:10

Chuo Enou puh leshi maitao nghoujü hinou puhye hrao soupeilai, alia puhye sü mai linoua abah hinou vupa louhoe.

HOSEA 2:8

Enou puhye sü thou-dzü, zhaoh alia theadzü peiwe touyu hai honapai nou sümoe, alia puletao nou Baal ye poa sheelayu hu alia sanatao hai daichi nou vewe touyu sülou moe.

HOSEA 8:4

“Puletao nou Ahi noumoa vemaiye doloua baiwe, alia puletao nou Avei tsü loukhai moa peikho-apeimai ye dolou baiwe. Puletao nou shahu alia sana nou lah puletao ye soushi loure bashara taosü souloua baire.

MAIPEI PHOUYU 10:22

Süthai hai Ephraim vei khü hi louyu maime nanou tashupoa nou talai, ae Ammihud nahpoutu Elishama nou puletao vei süthai-apeio sü soua satalai.

MAIPEI PHOUYU 13:16

Moses nou mai haitao hai panou rai-a taho teidei zhure donou seita-e. Puhnou Nun nahpoutu Hoshea zhih hai Joshua tea nou sada peie.

LUK NOU RÜYU KO AVEIBVÜ 14:11

Daiolouzü lah puhye soukuyu mai taliye sü sounalai, alia lahnou natai-a buyu puhye sü souku peilai.”

ROMMAI 5:12

Mai ali vanou mah hai deiphao hi velou loure, alia mah vanou athai sü veloure. Haikuyu donou athai sü emai hrülai hi velou loure daiolouzü mai hrülainou mah soure.

2 KORINTHMAI 5:14

Daiolouzü Khrista vei leshinou Ehye tukhapfüa bue, daiolouzü mai hrülai donou mai alinou thaipeire touyu sü Ehnou sütou loure; südonou mai hrülainou puhvei athai hisü koa lou zha ngaozhokhai loure.

JOSHUA 3:7

Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai.

CHIKUAPEI MAITAO 12:1

Ephraim mainou soureih soumaiye kuve jüloua reih soure donou puletao hai Jordan rei kacholoua Zaphon talakou Jephthah hi paoe, “Daisounou neletao Eh teidei kachopoa kou Ammon maiye soureih souyu hie Ehye kumoge? Neletao ki sü Ehnou mei dei peilai!”

CHIKUAPEI MAITAO 8:1

Süthaisü Ephraim mainou Gideon hi paoe, “Midian maiye reih soure donou, ne daisounou Ehye kulou moe? Ne daisounou Etao hi haibüa souwe?” Sübüa puletao nou Gideon hisü vamoshoa bure.

1 SAMUEL 15:17

Samuel nou paoe, “Ne lah neye matsü moyu mai ali baie tea paowe, anou ne hai Israel mai hrülaiye süthai-apeio nasüe. Mapao nou neye Israel mai pei hi panou veo soure donou theadzü napei khaitoue,