HOSEA 12:3 - SHEEYU BAIBEL (BSI)

³ Jakob nou pfüpou hi bukinou puh jürai Esau ye duwe, alia puhnou dupa khaie Ramai ye nüvaye.

HOSEA 12:3 Iomraidhean Croise

SHURAI 25:26

Süthaisü puh thaihou nasü Esau phi keitsü poa nakouloue. Südonou puh zhih sü Jakob tea saloue. Puhaiye nalouyu kisü Isaak hai po rairou pare.

2 VEMAITO 17:18

Südonou Mapao nou Israel mai pei hi rarou loure ae puhnou puletaoye sü puhvei nghingao hinou souhawure, sübüa Judah vei vedei likhei shokhai peia baire.

2 VEMAITO 17:20

Mapao nou Israel maivei tyaosholea hrülaiye sü malaiwure, puhvei nghingao hinou Israel mai veishi hai hatakhai mokoute, puhnou zhaipou shishoyu puletao vei ngaoba maitao bah hisü puhnou puletaoye sü thaothou peiwure.

2 VEMAITO 17:23

Südonou Mapao nou puhvei kilai rachipaola peiyu maitao hinou paopi peiyu bütoua Israel mai hrülaiye sü puh vei nghingao hinou souha laikhai touwure. Israel mai hai Assaria maivei teidei hi hukhamai soua nüpoa tare, ae chukoute hai puletao nou sühinou hrüa bue.

JEREMIAH 2:9

“Südonou Mapao Enou neletao pei hi tsühlai, ae neletao vei tyaonah maitao pei hi-a tsühlai.

EZEKIEL 7:3

“Chuo Israel maiye donou akhai soure teile vere. Avei lekha rarou nasü neletao pei velai, daiolouzü neletao nou soupfü khaitiyu na thaifüa neletaoye sü chikulai. Neletao nou ngaorayu vah haso soukhai touyu teitei sü Enou paokha peilai.

EZEKIEL 7:8

“Thasho-a nou avei lekha rarou nasü neletao hi velaire. Neletao nou soupfüyu vah thaifüa enou neletaoye sü chikulai, ae neletao nou ngaorayu vah soukhai touyu teitei sü Enou neletaoye paokha peilai.

HOSEA 4:1

Oh Israel maitaore; Mapao nou teidei hai hinou hrüa buyu maitao hi aetou moyu bure, Mapao vei chipao sü keilouo, “Teidei haina hi chileeyu alia maiye zhuveayu ali-a hare, alia Ramai ye süyu maia hare.

HOSEA 4:9

Neletaoa mai kukhe maitaoye raibüa tudeelai; Enou puletaoye sü ludu machamoa tayu donou souvea peilai, alia puletao nou souyu vah na thaifüa vahshih sü peilai.

AMOS 2:4

Mapao nou paoe, “Judah mainou mah soukhai khaiyu donou, puletaoye souvea laiyu nasü Enou polaiwu laimoe; daiolouzü puletao nou Mapao vei chikha nasü malaiwure alia puhvei kharochi khesü zümore, ana puletao paipaoye süthai mah tayu bashara nanou puletao ye süthai mah potare.

MIKAH 6:2

Deichi taore, Mapao nou paodouyu chi sü keikhaio! Mapao nou puhvei maitao hi chikure sü bure, puhnou Israel mai pei hi züvei-a mah paodure sü bure.

ROMMAI 9:11

Alia nah sühaiye namo jühinou ea veiyu, shiyu touyu hatalia soumo jühinou, vah vanou moa ana Ramai nou kulouyu vanou Puhnou dopayu vei lichoyu süsü thaokhaimoa takoure donou,