HOSEA 11:1 - SHEEYU BAIBEL (BSI)

¹ Mapao nou paoe, “Israel mainou nahlea buki, Enou puhye leshie, alia Ejipt hinou tapayu phaki Enou puhye ‘Anahpoutu’ tea kuloue.

HOSEA 11:1 Iomraidhean Croise

LOUTAO 129:1

Oh Israel maitaore, ngaobayu maitao nou kabüa neletaoye nahle-a bukinou chu koute hai souvea sho peie touyu khesü etao hi paongao khaio.

TAPALOUYU 19:4

‘Enou Ejipt mai hi soupeiyu vahtao sü neletao nou ngaore, ae Enou neletaoye tei hi leche nou toutuye shouh hinou satayu büa neletaoye ahi save peie.

TAPALOUYU 4:22

Süthaisü nenou Pharaoh hi paolai, Mapao nou haibüa paoe, ‘Israel mai hai anahpoutu naraio nasüe.’

TAPALOUYU 4:23

Enou ne hi paowe, ‘Anahpoutu sü panou tawo, alia taho panou Eye thowo,’ ana nenou puhye panou tabare, südonou chuo Enou ne nahpoutu naraio sü southalai.”

ISAIAH 43:4

Neletao hai avei nghingao hinou muh teishoe ae Enou neletaoye leshi-e alia tsükhou peie. Südonou deiphao hi hrüyu tyahrü hrülai nou pothou neletao vei hrirai lealoue.

JEREMIAH 12:7

Mapao nou paoe, “Enou Israel maiye thaowure; Enou avei tyahrü soure donou dopakhai touyu nasü malaiwure. Enou leshi peiyu maitaoye sü ngaoba maitao bah hi peiwure.

JEREMIAH 2:2

Ne taho Jerusalem maitao hisü Mapao nou haibüa paowe tea paokhaio, “Nevei nahlea buki lesha, nenou aki veraiki vei leshi nahai nenou radeiki hinou ae shinamara thoumoyu buhtao hi nenou athaifü tayu Enou ngaimoe.

EZEKIEL 16:22

nenou khakhapfü ali soua ngaorayu hrü hi hrüa buyu teile hi nenou bakha ali koute-a ne taibuki kabüa hrüpa-e touyu hai lichokhai toumoe, nenou baitou tea zhe hinou danapoa buyu nasü lichokhai timoe.”

EZEKIEL 16:6

“Enou tave neye ngaoyu phaki, ne hai lah nevei zhe hinou danapfüa nou bue. Neye sü zhe nou hopfüa nou bue, ana Enou neye sü panou sübüa thai moe.

HOSEA 10:15

Haibüa neletao hia soupeilai, Oh Israel maitaore, daiolouzü neletao nou vah ashi khaikho nou soua baire. Reih soutare toulouzü neletao vemaiye sü souhawulai.

HOSEA 12:13

Rachi paolai mainou pa Israel maiye Ejipt teidei hinou sapapeie, alia puletaoye sü Rachi paolayu mainou pa kikopeie.

HOSEA 12:9

Ana nevei Ramai Mapao, neye Ejipt hinou sapa peiyu Enou neletao ye peima raiki büa sahpao hisü dakhai lou hrüpuwulai.

HOSEA 13:4

Mapao nou paoe, “Neletao ye Ejipt hinou sapa peiyu Ramai nasü E-e. E moa nou rah kusü ali-a hae, E likhei nou neletaoye khailu peiloure Mapao sü baie.

HOSEA 2:15

Alia sühinou puhye sü Enou puhvei darkha kipei sü peilai, alia Ankhor deikho sü panou areih kikhu soupeilai. Sühinou puhnou nahlea buki Ejipt teidei hinou tapalouyu phaki büa chila peilai.

MALAKAI 1:2

Mapao nou paoe, “Enou neletaoye leshi peire.” Ana puletao nou chila peie, “Kabüa nenou Etaoye leshi peie?” Mapao nou chila peie, “Esau ae Jakob hai china-e, ana Enou Jakob ae puhvei tyaosholea ye leshi peie,

MATHIU 2:15

alia sühinou puh nou Herod thaimosa koutesü bue. Haisü Mapao nou rachi paolawonaye panou paopayu, “Ejipt hinou Enou Anah Poutuye kuloue” touyu sü vetere donoue.

PAODAKHAIYU CHIKHA 33:3

Mapao nou puhvei maitaoye sü leshie, ae puhvei amashee maitaoye vupeiwe. Südonou puletao sü ne phihi vewe, ae nenou paoyu thaifüa tawe.

PAODAKHAIYU CHIKHA 7:7

“Neletao hai mai kukhe jünou poupu hie tea Mapao nou neletaoye leshi-a dopalou moe; neletao hai tyahrü kukhe maitao jünou taikayu nabaie.